တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
ရွာပျောက်ကြီး ရှာပုံတော်
စာရေးသူ -ထီးကလေး၊ လမ်းကလေး၊
မျှားကလေး၊ငါးကလေး၊
တန်ခိုး။
`အေးဗျာ ကျေးဇူးပဲ ကျွန်တော်လဲ ရွာဆိုင်းပုဒ် တွေတာနဲ့မှတ်မိပြီး ဆက်လိုက်ဦးမယ်ဗျို့…´´
ပြန်အော်ပြောကာ ရွာထဲသို့ဝင်ရန် ခြေဦးစတင်ပြင်လိုက်ပါတော့သည်။ ။
****************************-
ကျွဲကျောင်းသားလေး ညွှန်ပြပေးလိုက်သည့် လမ်းအတိုင်းပဲ ကျွန်တော် ထီးကလေး လျောက်လားခဲ့တော့တယ်။ မရောက်တာ ကြာပြီးဖြစ်တဲ့ ရွာဝင်လမ်းမှာတော့ အစစ ပြောင်းလဲနေခဲ့ပြီ ။ လမ်းချိုးလေးကို ကွေ့လိုက်တယ်။
``မှတ်မိပြီ ချောင်းလေးကို ကျော်ပြီးတာနဲ့ ရွာထဲရောက်ပြီပဲ…´´
လမ်းကွေးလေးကို ချိုးပြီး သတိရစွာဖြင့် သူလျောက်လာတော့သည်။ အချိန်ကား ၅ နာရီ ထိုးခါနီးပါး ဘေးပတ်ပတ်လည်က လယ်များ ရိတ်သိမ်းထားတော့ ရိုးပျက်များက ခြောက်သွေ့လို့ ညနေဆောင်းရဲ့အလှဟာ အလွန်သာယာလှတယ်။
``ဟင်…ချောင်းတော့ရောက်ပြီး…တံတားက ဘာလို့မရှိတော့တာလဲ…လှေကြုံစောင့်နေရင်တော့ မိုးချုပ်သွားတာတောင် ရောက်မယ် မထင်ဘူး…ဒုက္ခပါပဲ…´´
ပေ၂၀မျှ ကျယ်ဝန်းတဲ့ချောင်းရိုးနံဘေးမှာ ထီးလေးတစ်ယောက် ယောက်ယပ်ခတ်စွာ ဖြစ်နေလျက်
``ဟေး…ကောင်လေး…ဘာဖြစ်နေတာတုန်း …နင့်ကြည့်ရတာ ဒီရွာက မဟုတ်ဘူး ထင်တယ်…´´
အသံလာရာဆီသို့ ကြည့်လိုက်မိတော့
``ဟာ…အတော်ပဲ …အဒေါ်ကြီး ကျွန်တော် ဟိုဘက်ကမ်းကူးမလို့ လှေကြုံစောင့်နေတာ ဒီချိန် လှေကြုံလာတတ်လားဟင်…´´
``လှေကြုံတော့ ဒီအချိန်မလာတတ်ဘူး ဟိုး အရှေ့ကို နည်းနည်းလျောက်သွားလိုက် အဲ့မှာ ဝါးတံတား တစ်ခုတော့ ရှိတယ်´´
``ဟိုးဘက်ကို ဆက်လျောက်ရမှာလား…အဒေါ်ကြီး…တော်တော်လေး ဝေးသေးလား…´´
``သိပ်မဝေးတော့ပါဘူး…တစ်လှန်ကျော်ကျော်လောက်တော့ လျောက်ရမယ်´´
``ဟုတ်ကဲ့…အဒေါ်ကြီး ကျွန်တော် ဆက်လျောက်လိုက်ဦးမယ်…´´
အရှေ့ကို ချောင်းရိုးတိုင်းဆက်လျောက်သွားလိုက်တယ်။ သုံးမိနစ်ကျော်မျှ လျောက်ပြီးတော့
``ဟင်…´´
သူတွေ့လိုက်ရတာက ဝါးတံတားအခုံးတစ်ခု ချောင်းထဲကနေ ကျက်ခြေခတ် ခတ်ထားပြီး အလည်မှာ ဝါးလုံးတစ်လုံးတည်းသာ
``ဟာ…ဒီတံတားကို ငါဘယ်လို ကူးရပါ့မလား…ဝါးလုံးကလဲ မည်းနေပြီ ဆွေးနေတာလားမသိဘူး…ဒုက္ခပါပဲ မိုးကလဲ ချုပ်တော့မယ် မကူးရင်လဲ ဒီချောင်းရိုးမှာ ညအိပ်ရမယ်နဲ့ထင်တယ် ဟာကွာ…ဘာပဲဖြစ်ဖြစ် ကူးမယ်…´´
ဆုံးဖြတ်ချက် ချလိုက်ပြီး ချောင်းရိုးကနေ ဝါးတံတားလေး အစကို သူစလှမ်းလိုက်တယ်။ စိတ်ထဲမှာတော့ မချိမရဲ စိတ်တင်းလိုက်တယ်
``ငါ ရောက်အောင် ကူးရမယ်…´´
နှုတ်မှထွက်ပြီး ကိုယ့်ကိုကိုယ် အားပေးသော ဟန်ဖြင့် ဝါးတံတားအပေါ်ရောက်လာတော့တယ်။ တံတားရဲ့သုံးပုံ တစ်ပုံလောက်အရောက်မှာ တံတားလက်ကိုင် ဝါးလုံးနှစ်လုံး ကျစ်ကျစ်ပါအောင် ဆုပ်ကိုင်လျက် ယိမ်းယိုင်နေတဲ့ ဝါးတံတား အလည် ရောက်လာခဲ့ပြီး
``အမလေး…´´
အလည်မှာချီထားတဲ့ နှီးကြိုးဟာ ဖျက်ထွက်သွားတယ်။ လက်ကိုင်တန်းကို အမိအရ ဖမ်းဆွဲလိုက်တယ် ။မျက်လုံးတစ်စုံကိုမှိတ်ပြီး အသတ်ခပ်ပြင်းပြင်း ရှုရှိုက်လိုက်တယ် ။တစ်လှမ်းချင်းဆက်လှမ်းလာပြီး အောက်ကိုကြည့်မိလိုက်တော့ စီးဆင်းနေတဲ့ချောင်းရေအနှောက်တွေက မူးနောက်စရာကောင်းလောက်အောင် စီးနေလျက် ။တစ်လှမ်းချင်း လှမ်းလာလိုက်တာ ကမ်းရိုးအနီးရောက်တော့
``ဂျွတ်…´´
``အမလေး…ဟာ…လုပ်ကြပါဦး…´´
ဝါးတံတားလေးဟာ ထီးလေး နင်းလိုက်သည်နှင့်တစ်ပြိုင်နက် ကြိုးသွားပါတော့တယ်။ လက်ကိုင် ဝါးလုံးတန်းတစ်ခုကို မိမိရရ သူဆုပ်ကိုင်ထားတယ်။ မျက်နှာတစ်ခုလုံး နီရဲနေလျက် နှုတ်မှ ကယ်ကြပါဦးသာ တနေတော့သည်။
****-**-**********************
``ဟာ…ကောင်လေး…ကိုင်ထား…ကိုင်ထား…မလွှတ်လိုက်နဲ့နော်…´´
``ဟာ…အစ်ကိုကြီး ကျွန်တော့်ကို ကယ်ပါဦးဗျာ…ကျွန်…ကျွန်တော်…ပြုတ်ငျတော့မယ်…ကယ်ပါဦး…ရေ…ရေ ကြောက်တယ်…´´
``အေးအေး…အစ်ကိုလာမယ်…မင်းမလွှတ်လိုက်နဲ့နော် …ရေစီးအရမ်းသန်နေတယ်…ကိုင်ထားဦး…´´
ပေါက်တူးတစ်လက် ၊ခေါင်းအပေါ်မှာ ခမောက်တစ်လုံး၊ တစ်ကိုယ်လုံးမှာလဲ ရွှံ့တွေကပေနေလျက် ချောင်းထဲပြုတ်ကျခါနီး ဖြစ်နေတဲ့ထီးလေးဆီကို သူ့ပစ္စည်းအားလုံးမြေပေါ်ကို ပစ်ချပြီး အပြေးလာတော့သည်။
``ညီးလေး…ကိုင်ထား…အဲ့ကျိုးနေတဲ့အစကိုမနင်းနဲ့ ဒီဘက်ကမ်းကို စိုက်နေတဲ့ ဝါးအကျိုးစကိုနင်း ကိုင်ထားတဲ့လက်ကို မလွှတ်နဲ့ဦး…´´
ထိုသူပြောတဲ့အတိုင်း တုန်ရီနေတဲ့ထီးကလေး ကြောက်စိတ်များစွာဖြင့် ပြုလုပ်နေလျက်
``အေး…ဟုတ်ပြီ…ဟုတ်ပြီ…အဲ့အစကိုနင်း လက်ကို နည်းနည်းချင်း ရွှေ့လာ…အေးရပြီ…ခုန်လိုက်တော့…´´
``အား…´´
ကမ်းစပ်မှာ စိုက်နေတဲ့ဝါးကျိုးကို နင်းလိုက်တော့ ကိုင်ထားတဲ့လက်က လျော့သွားတယ်။ ထိုသူပြောတဲ့အတိုင်း သူကမ်းကို ခုန်လိုက်တော့ ဝါးစနဲ့ချေထောက် ခြစ်မိပြီ ပွန်းသွားပါလေတော့သည်။
``အား…´´
``ဘာဖြစ်သွားသေးလဲ ညီ…´´
``ခြေတောက်တော့ ပွန်းသွားတယ်ဗျ…ရပါတယ် ချောင်းထဲပြုတ်မကျတာပဲ ကံကောင်းတယ် ရေလဲ မကူးတတ်ဘူး ရေလဲကြောက်တယ် အစ်ကိုကြီးကို ကျေးဇူးအရမ်းတင်ပါတယ်ဗျာ…´´
``ရပါတယ်ကွာ…ဒါနဲ့မင်းကဘယ်ကတုန်း…´´
``ကျွန်တော်က ရန်ကုန်ကဗျ…ဦးလေးဆီကို ကိစ္စတစ်ခုနဲ့အလည်လာတာ…´´
``ဒီရွာကပဲလား…´´
``ဟုတ်'…´´
``ဘယ်အိမ်သွားမှာတုန်း…မင်းဦးလေးနာမည်ကရော…´´
``ရွာရောက်ပြီးဆိုတော့ ကျွန်တော် အိမိကိုတော့ သွားတတ်ပြီဗျ…ဦးလေးနာမည်က ဦးမြင့်ထွေးလေ သိလား…အစ်ကိုကြီး´´
``သိပ်သိတာပေါ့…ငါ့ညီရယ် …အော် မင်းက ကိုမြင့်ထွေး တူကို အစ်ကိုနဲ့ကိုမြင့်ထွေးကလဲ သိပါတယ် …´´
``ဒါဆို ကျွန်တောနဲ့ဦးလေးအိမ် တစ်ခါလိုက်လည်ပါလား ကိုကြီး …´´
``ဟာ…မ…မလိုက်တော့ပါ…ညီရာ…´´
``ကိုကြီး အလုပ်လေးတွေရ်ှလို့ သွားတော့မယ်နော်…အိမ်ကိုသွားတတ်နေပြီ မဟုတ်လား…´´
``သွားတတ်ပြီကိုကြီး…´´
``အေးအေး…ဒါဆို ကိုကြီးခွင်ပြုဦး…နောက်မှ ကိုမြင့်ထွေးဆီကို ကိုကြီးလာခဲ့ဦးမယ်လို့ ပြောလိုက်သိလား…´´
``ဟုတ်ကဲ့ကိုကြီး…အော် ကိုကြီး မေ့နေလိုက်တာ ကိုကြီး နာမည် ဘယ်လိုခေါ်လဲ…´´´
``လှမြင့်လို့ခေါ်တယ် ညီရေ…မင်းဦးလေး ကောင်းကောင်းသိတာပေါ့…ကိုကြီးသွားတော့မယ် …မင်းလဲသွားတော့ မှောင်လာတော့မယ်…´´
ထီးလေးအရှေ့မှ နှုတ်ဆတ်ပြီး လှမြင့်ဆိုသူ ထွက်ခွာသွားတော့သည်။ ပေါက်တူးထမ်းပြီး ခမောက်ကိုစောင်း ပေတေနေတဲ့ရှမ်းဘောင်ဘီ အပွကိုဝတ်ထားပြီး ကန်စင်းရိုးများအတိုင်း လျောက်နေတော့တယ်။ လှမြင့်ကို ထီးလေးငေးကြည့်ရင်း
``တော်သေးတာပေါ့…ကိုလှမြင့် ကယ်လို့ ´´
အချိန်ကား ၅ နာရီ ၃၀ လောက်ဆိုတော့ ဦးမြင့်ထွေးအိမ်ကို ထီးလေး ခပ်မြန်မြန်လျောက်သွားခဲ့တယ်။ ကုက္ကိုပင်ကြီး သုံးပင်အကျော်မှာတော့
``ဗျို့…ဦးလေး…´´
``ဗျို့…ဦးလေး ဦးမြင့်ထွေး…´´
ဦးမြင့်ထွေးခြံဝိုင်းအရှေ့မှာ ထီးလေး အဆက်မပျက်ခေါ်နေတော့ အိမ်ထဲမှ အသတ် ၅၀အရွယ် လူကြီးတစ်ယောက် ထွက်လာပြီ
``ဟေး…ဘယ်သူတုန်း…´´
``ဟာ…ဦးလေးကလဲ…ကျွန်တော် ငထီးလေဗျ…´´
``ဟာ…တူရီး…ငထီး…ဘယ်လိုဖြစ်တာတုန်း ရုတ်တရက်ကြီး အဝတ်တစ်ထည် ကိုယ်တစ်ခုတည်းနဲ့ အိမ်ပေါ်ကဆင်းလာတာလား…´´
``ဟာဗျာ…ဦးလေးကတော့ လုပ်ပြီ…အမေ လေဖျမ်းနေလို့ ဦးလေးဆီမှာ အဖေက စံပါးကြီး သည်းခြေယူခိုင်းလိုက်တာ…´´
``ဟေး…အစ်မ လေဖျန်းသွားလို့ ဟုတ်လား…ဘယ်လိုဖြစ်တာတုန်း…´´
``ဟာ…ဦးလေးကလဲ…အိမ်ထဲခေါ်ပါဦးဗျ …နောက်မှ ပြောပြမဟ်…´´
``အေးဟုတ်သားပဲ…မင်းလာလည်တာနဲ့ ဝမ်းသာပြီး မေ့သွားတယ် …လာ…လာ လက်ဖက်ရည်သောက်ပြီး အမောလေးဖြေဦး…´´
ဖော်ရွေးစွာပဲ ဦးလေးမြင့်ထွေးက ကျွန်တော့ကို ဆက်ဆံခဲ့တယ်။ အိမ်ထဲခေါ်ပြီး ကျွန်တော့ကို လက်ဖက်ရည် တိုက်မယ်တဲ့။ ကျွန်တော့စိတ်ထဲ ပေါ့သွားတယ်။ နဂိုတည်းကမှ လက်ဘက်ရည် ကော်ဖီကြိုက်တဲ့ ကျွန်တော်က ငတ်နေတာနဲ့ ဦးလေးနောက်ဖေးဝင်သွားလို့ နှုတ်ခမ်းသပ်ပြီး စောင့်နေတာပေါ့။ မကြာပါဘူး ဦးလေး ပြန်ထွက်လာတယ်။
``ရော့…တူရီရေ…လက်ဘက်ရည်လေးသောက်… ပြီးမှ တို့တူရီးတွေ စကားဆက်ပြောကြတာပေါ့…´´
ဦးလေးက ကျွန်တော့ကို အဖုံးနဲ့အုပ်ထားတဲ့ခွက်လေး လှမ်းပေးတာနဲ့ လျှာပေါ်မှာ တစ်ခုခုလိူနေတဲ့ကျွန်တော့အတွက် အကောင်းဆုံး လက်ဘက်ရည်တစ်ခွက်ဆိုပြီး မော့ချလိုက်တယ်။
``ထွီး…´´
``ဟ…တူရီး…ဘာလို့ထွေးလိုက်တာတုန်း…´´
``ဟာဗျာ…ဦးလေးကလဲ…လက်ဘက်ရည်ဆိုလို့ ကျွန်တော့မှာ ကော်ဖီမစ်ထင်လို့ အားရပါးရမော့ချလိုက်တာ…ထွီး…ခါးလိုက်တာဗျာ…ရေနွေးကြမ်းတွေ…´´
``ဟာ…ဟုတ်တယ်လေကွ…တို့ရွာမှာ ရေနွေးကြမ်းကို လက်ဘက်ရည်လို့ပဲ ခေါ်တာ…ဟား…ဖြစ်မှ ဖြစ်ရလေ ငါ့တူရာ…ကဲ…မင်းလက်ဘက်ရည်ကြိုက်တတ်ရင် ဦးလေး မြို့တတ်တဲ့သူရှိရင် မှာလိုက်မယ်ကွ…အခုတော့ ခရီးပန်းလာတယ်မဟုတ်လား…´´
``ပန်းတာမှ ဦးလေးရေ ပန်းပန်း ပန်းနဲ့တောင် အော်ချင်တယ်…´´
``အေးဟ…ဆက်ပါဦး…အစ်မကြီးလေဖျန်းသွားတယ်ဆိုတာ…´´
``ဟုတ်တယ် ဦးလေးရေ အဲ့တာကြောင့် ဦးလေး အစ်ကို ကျွန်တော့အဖေက ဦးလေးဆီမှာ စပါးကြီးသည်းခြေလာယူခိုင်းလိုက်တာ´``အယ်…အဲ့တာမှ သောက်ကျိုးနဲရော မနက်ကပဲ ဦးလေး သည်းခြေတစ်ထုတ် ဟိုဘက်ရွာကိုပေးလိုက်သေးတယ် လောလောဆယ်တော့ မရှိတော့ဘူး…ဒါပေမယ့် သုံး လေး ရက်နေရင် ဦးလေး တောထဲသွားမယ် အဲ့ကျမှ ရှာခဲ့မယ်…မင်းလဲ ရောက်တုန်းရောခိုက် တစ်ပတ်နှစ်ပတ်လောက် နေဦးပေါ့ကွ…´
``ဒါတော့ စိတ်ချ ဦးလေးရေ…နေဦးမှာ…ကျနော်သူငယ်ချင်းတွေလဲ လိုက်လာကြမှာနော် ဦးလေး…´´
``ဟေး…ဟုတ်လား…ဘယ်သူတွေတုန်း…´´
``ဟိုကောင်ကြီး တန်ခိုးတို့မျှားကလေးတို့အုပ်စုတွေလေ…´´
``ဟ…ကောင်းတာပေါ့ဟ…ငါလဲ ပျင်းနေတာနဲ့အတော်ပဲ…ကဲ…ကဲ…အခုတော့ ငါ့တူရီး ခရီးပန်းလာပြီ အရှေ့စည်ပိုင်းမှာ ရေရှ်ိတယ် ရေချိုးလိုက်ဦး…ဦးလေး ထမင်းခူးထားလိုက်မယ်…´´
``ဘာ…ဟင်းချက်လဲ…ဦးလေး…ကျွန်တော် ဗိုက်ဆာလာတာနော်…´´
``မနက်က မိလာတဲ့ယုန်သားချက်ထားတယ်ကွ…ဂျင်းနဲ့မလာလေးနဲ့…´´
``ဟ…ရှယ်ပဲဗျာ…ရေအရင်သွားချိုးလိုက်မယ်…ပြီးရင်တော့ ဆွဲပြီ…´´
****----**************-****-*-*
ဦးလေးခပ်ထားတဲ့စည်ပိုင်းထဲက ရေတစ်ဝက်နီးပါးလောက် ကျွန်တော် အဝချိုးပစ်လိုက်တယ်။ နောက် ဦးလေးပုဆိုး အကြမ်းတစ်ထည်တောင်းပြီး ဝတ်လိုက်တယ်။ ဦးလေးက စားပွဲမှာ ထမင်းခူးရင်း စောင့်နေလျက်
``ဦးလေး…ဒီဘက်တွေ မီးမပေးသေးဘူး…´´
``တိုင်တွေတော့ ထောင်ထားတာ တွေ့တာပဲ…တူရီးရေ မီးတော့မလင်းသေးဘူး…ဒါနဲ့နေပါဦး…ငါ့ဆီမှာ တစ်ပတ် နှစ်ပတ် နေမယ်လဲ ပြောသေးတယ်…ပြီးတော့ အဝတ်တစ်ထည် ကိုယ်တစ်ခုတည်းနဲ့ဘယ်လိုဖြစ်လာတာတုန်း…´´
``ဒါက ဒီလို ဦးလေးရေ…ထမင်းစားရင်းပြောပြမယ် …´´
ကျွန်တော် ဖြစ်ကြောင်းအားလုံး ထမင်းစားရင်း ဦးလေးကို ပြောပြလိုက်တယ်။
``ဟေး…ဖြစ်မှ ဖြစ်ရလေကွာ…´´
``ဟုတ်တယ် ဦးလေးရေ…ဖုန်းလဲ ဆက်မရတော့ဘူး…ဟိုကောင်တွေ လာမှ အိမ်ကို ဖုန်းဆက်လိုက်တော့မယ်…အခုတော့ ကျွန်တော်လဲ ဗိုက်လေးပြီး အိပ်ချင်နေပြီ ´´``အေးအေး…လာလာ…ဦးလေး အိပ်ယာခင်းပေးမယ် …စားပြီး ခဏလှဲနေလိုက်…´´
ကျွန်တော့်ကို ဦးလေးက အိမ်ရှေ့ဘုရားစင်အရှေ့မှာ ဖျာလေးခင်ပေးတယ်။ ထမင်းစားပြီးတာနဲ့ခဏမှေးလိုက်တာ အိပ်ပျော်သွားပါတော့တယ်။
*****************************
``ဝါး…အား…အိပ်လို့ကောင်းလိုက်တာ…ဟင်…ရှစ်နာရီတောင် ထိုးနေပြီး ဦလေးရော…´´
အိပ်ယာနိုးတာနဲ့ဦးလေးကို ကျွန်တော် အိမ်ဝိုင်းမှာ လိုက်ရှာလိုက်တယ်။ မတွေ့တာနဲ့
``ဦးလေးရေ…ဦးလေး…´´
``ဟေး…တူရီး…ဦးလေး အိမ်နောက်ဘက်မှကွ…ဒီကိုလာခဲ့…´´
အသံလာရာဆီသို့ ကျွန်တော် ဦးတည်ပြီး လျောက်သွားလိုက်တယ်။ အိမ်အနောက်ဘက်ရောက်တော့ ကွမ်းခြံထဲမှာ ဦးလေး ကွမ်းရွက်ခူးနေတာကို တွေ့လိုက်ရတယ်။
``ဦးလေး…ကျွန်တော် ဝင်ခဲ့လို့ရမလား…´´
``အေး…လာခဲ့လေ…ဖိနပ်တော့ချွတ်ခဲ့ကွ…´´
``အား……´´
``ဘာဖြစ်တာတုန်း…ခြေထောက်စူးလို့လား…´´
``မဟုတ်ဘူး ဦးလေရေ…မနေ့က ဝါးတံတားကျိုးပြီး ကြောက်အားလန့်အား ကမ်းကို ခုန်ကူးလိုက်တာ ခြေထောက် ပွန်းသွားလို့အခု မနက်တင်းပြီးရောင်နေတယ်လေ အခုနာလာလို့…´´
``ဟေး…ဘယ်က ဝါးတံတားတုန်း…´´
``ဟာဗျာ…ဦးလေးကလဲ ကိူယ့်ရွာမှာ တံတားဘယ်နှခုရှိမှန်းတောင် မသိဘူးလား…ဟိုးဘက်မှာ ဦးလေးအိမ်နဲ့တော့ နည်းနည်းလှမ်းတယ်…´´
``ဟေး…အဲ့ဘက်မှာ ဘာတံတားမှ မရှိပါဘူး…အရင်ကရှိတယ် အခု ကျိုးပြီး ချောင်းထဲမျောသွားတာကြာပြီ ငုတ်တွေပဲရှိတော့တယ်…ဘယ်သူမှလဲ…ပြန်ပြီး မထိုးကြတော့ဘူး…´´
``ဗျာ…´´
``ဟုတ်တယ် …တူရီး …´´
``ဟုတ်လို့လား ဦးလေးရာ…ကျွန်တော် တံတားကျိုးကျသွားတာ…တွဲလောင်းဖြစ်နေတုန်း ကိုကြီးတစ်ယောက် လာကူလို့ ကျွန်တော် ချောင်းထဲ ပြုတ်မကျတာ…အဲ့အကိုကြီးက ဦးလေးကိုတောင် သိတယ်ပြောတယ်…နေပါဦး…နာမည်က…အော်…ကိုလှမြင့်တဲ့…´´
``ဟင်…လှမြင့် ဟုတ်လား…´´
ထီးလေးပြောစကားကြောင့် ဦးမြင့်ထွေး စဉ်းစား တွေဝေသွားတော့သည်။နောက်
``အော်…လှမြင့်…လှမြင့်…´´
နှုတ်မှ ကိုလှမြင့် နာမည်ကို တမ်းတလျက် ``ဟူတ်တယ် …ဦးလေး သူ့ကိုသိလား´
``သိပ်သိတာပေါ့ကွာ…သိပ်ကို စိတ်ကောင်း စေတနာကောင်းရှိတဲ့ လူငယ်လေးပေါ့…´´
``ကျွန်တော်လဲ ဦးလေးဆီ တစ်ခါတည်းလိုက်လလည်ဖို့ ခေါ်သေးတယ်…သူက မလိုက်လို့…´´
ကျွန်တော့ ပြောစကားကြောင့် ဦးမြင့်ထွေး အရှေ့စူးစူးကို မျှော်ကြည့်နေရာမှ ကျွန်တော့မျက်ကို စက်ခနဲ လှမ်းကြည့်လိုက်တယ်။
``ဘာဖြစ်လို့လဲ…ဦးလေး…´´
``ဟင်…ဘာ…ဘာမှ မဖြစ်ပါဘူး…ကဲ လာ မနက်စာ ကောက်ညင်းပေါင်းနဲ့ငရံခြောက်ဖုတ်ထားတယ်…တို့တူရီးသွားစားလိုက်ကြရအောင်…´´
*****************************
``အော်…ဒါနဲ့ ဦးလေး ကျနော် ဝါးခယ်မမြို့ပေါ်မှာ ဆိုငိကယ် ကယ်ရီငှားတုန်းက ရွာနာမည်ကြားတာနဲ့ကို မလိုက်ကြဘူးဗျ…ဘာဖြစ်လို့လဲ…´´
``ဟင်…အော်…ငါ့တူရာ…သူတို့မအားလို့နေမှာပါကွ…ဒီရွာမှာက သရဲ တစ္ဆေခြောက်သလိုလို ကျိန်စာသင့်ထားသလိုလိုတွေ လူတွေက လျောက်ပြောနေကြတယ်လေ…ညနေဆောင်းပြီးဆိုတာနဲ့ သေပြီးသား ဝိဥာဉ်တွေကို တွေ့တယ်လို့လဲ ပြောကြတယ်…ထူးဆန်းတာတစ်ခုက အဲ့လိုပြောတဲ့သူတွေက ရွာခံသူတွေ မဟုတ်ဘူး…တစ်ခြားရွာက သူတွေ ရွာခံတွေကတော့ ဦးလေး အပါဝင် တစ်ခါမှ မတွေ့ဖူးဘူး…ဒါကလဲ ရွာကို မကျေနပ်တဲ့သူတစ်ချိုက လုပ်ကြံပြောကြတာပေါ့လေ…နောက်ကြားသေးတယ်…ရွာပျောက်ကြီးဆိုတာ…အဲ့ဒီရွာက တစ်ရွာလုံး တစ်ချိန်တည်းမှာပဲ သေကုန်ကြတာ ပြောရရင်တော့ ကပ်ရောဂါတစ်ခုကြောင့်ပေါ့ ´´
``တစ်ရွာလုံးဆိုတော့ ဦးလေး ကျက်ကုန်းရွာပေါ့…ဟုတ်လား…´´
``ကျက်ကုန်းလိုမျိုးလဲ မဟုတ်ဘူး သူတို့က လူတွေကိုလဲ ခြောက်တာ လန့်တာလဲ မရှိဘူး…တစ်ချို့တွေပြောကြတာတော့ အဲ့ရွာက ရှေးဟောင်းဘုရား ဠာပဏာတွေကို တူးရင်း အားလုံး မြွေကိုက်ခံရပြီးသေ ကုန်ကြတာလို့လဲ ကြားတယ်…´´
``အဲ့ရွာက ဘယ်နားလောက်မှာလဲ…´´
``ဒါတော့ ဦးလေးလဲ သေချာ မသိဘူး…သိတဲ့သူဆိုလို့ တို့ရွာမှာ နှစ်ယောက်ပဲရှိတယ်…တစ်ယောက်က ဝက်ကုန်း ဘတုတ်…နောက်တစ်ယောက်က…´´
``နောက်တစ်ယောက်က ဘယ်သူလဲ…ဦးလေး ဆက်ပြောပါဗျ…´´
``နောက်တစ်ယောက်က မင်းကို အကူညီပေးခဲ့တဲ့ လှမြင့်ပေါ့…ဒါပေမယ့် ဘတုတ်လဲ အခု ရူးကြောင် ကြောင် ဖြစ်နေတယ်…လှမြင့်ကတော့……´´
``ကိုလှမြင့်ကတော့ ဘာဖြစ်လဲ …ဦးလေး……´´
``လှမြင့်ကတော့…´´
`´
ဦးလေးပြောလို့မဆုံးခင်မှာပဲ
`ကိုမြင့်ထွေးရေ…ကျုပ်တို့မြို့တတ်မလို့ ဘာမှာဦးမလဲဗျို့…´
``ဟာ…မောင်ကျိုင် အတော်ပဲ…ရန်ကုန်က ငါ့တူရီး ရောက်နေတယ်ကွ…မြို့က ကော်ဖီမစ် ငါးတွဲလောက်ဝယ်ခဲ့ဟေ့…ပြန်လာမှ စံပါးနဲ့လာလဲချည်…´´
``ဒါပဲလား…ဒါဆို ကျုပ်တို့ကိုခွင့်ပြုဦး…´´
``လူသုံးယောက် ဦးလေးနဲ့ရင်းနှီးစကားပြောနေသည်ကို တွေ့လိုက်ရတယ်…
``ကဲ တူရီရေ …ဦးလေး ဦးကွမ်းခူးလိုက်ဦးမယ်…နေ့လည်မှ စကားဆက်ပြောကြတာပေါ့ အခုတော့ အလုပ်လုပ်လိုက်ဦးမယ်…မင်းအပေါ်မှာပဲနေ…´´
``ဒါဆို ဦးလေး ကျွန်တော် အိမ်ပေါ်မှာပဲ စာအုပ်ဖတ်ရင်းရှိနေမယ်…´´
``အေးအေး…ကောင်းပြီ…´´
ထီးလေး အိမ်ပေါ်တတ်သွားပြီး စာအုပ်တစ်အုပ်ကို ကိုင်ကာ ကုလားထိုင်ပေါ်တွင် စာဖတ်ရင်း အိပ်ပျော်သွားတော့သည်။
``ဟေ့ယောင်…မင်း ဘယ်သူလဲ…´´
``ဟင်…မင်း…မင်း…မင်းသူလဲ…´´
``အဲ့တာ ငါ့က မေးရမှာ မင်း…မင်း ´´
အိပ်နေသည့် ထီးလေးကို လာနိုးသူက နောက်ထပ် ထီးလေး တစ်ယောက်
``ဟာ…ဦးလေးရေ…လုပ်ပါဦး လုပ်ပါဦး…´´
``လုပ်ပါဦး…မင်း…မင်းမအော်နဲ့လေ…ငါက အစစ် မင်း…မင်းဘယ်သူလဲ…´´
``မင်း…အဲ့ဒါ …ငါမေးရမှာ…´´
``မင်း…မင်းဘယ်ကလဲ…´´
ထီးလေးနှစ်ယောက် အငြင်းခုန်ဖြစ်နေစဉ်မှာပဲ
``ငထီးရေ…မင်းသူငယ်ချင်းတွေ လာပြီဟေ့…´´
ဦးမြင့်ထွေးရဲ့ စကားသံကြောင့် ထီးလေးနှစ်ယောက် အိမ်အပေါ်မှာ ပြေးဆင်းကာ နှစ်ယောက်စလုံးရဲ့ နှုတ်မှ စကားသံတွေက
``တန်ခိုး…လမ်းလေး…မျှားလေး…ငါးလေး…´´
``ဟင်…ထီး…ထီးလေး…ဘယ်…ဘယ်သူက ထီးလေးလဲ…´´
``မျှားလေး …ငါ…ငါက ထီးလေးအစစ်ပါ…´´
``ဟေ့ကောင် …သရဲ…မင်း…မင်းကသရဲလေ…မဟုတ်ဘူး…မျှားလေး ငါက ထီးလေးပါ ဒီမှာကြည့် ငါ့နှုတ်ခမ်း မှဲ့…´´
``ငါ့ နှုတ်ခမ်းမှာလဲ…မှဲ့…´´
``မင်း…မင်း…´´
ဦးမြင့်ထွေးနှင့် အတူ လမ်းကလေး မျှားကလေး ငါးကလေး တန်ခိုးတို့အားလုံး ဘာစကားမှ ပြန်မပြောနိုင်တော့ပဲ ထီးလေးနှစ်ယောက်ကို ကြောင်တောင်တောင်ဖြစ်ခါ ကြည့်နေမိတော့သည်။ ။
***********************-*****
အပိုင်း(၅)တွင် ဆက်လက်ဖော်ပြပါမည်။
No comments:
Post a Comment