ဦးမြင့်ထွေးနှင့် အတူ လမ်းကလေး မျှားကလေး ငါးကလေး တန်ခိုးတို့အားလုံး ဘာစကားမှ ပြန်မပြောနိုင်တော့ပဲ ကြောင်တောင်တောင်ဖြစ်ခါ ကြည့်နေမိတော့သည်။ ။
***********************-****
နှစ်ယောက်စလုံးမှာ တစ်ပုံစံတည်းပါပဲ။ အဝတ်အစား ပြောပုံ ဆိုပုံ ၊အမူယာကအစ တစ်ထပ်တည်းဖြစ်နေတော့သည်။
``ဟေ့ယောင် …မင်းဘာလိုချင်လို့ ငါ့အယောင်ဆောင်ရတာလဲ…´´
``မင်းက …ငါ့အယောင်ဆောင်ထားတာ…မင်းဘဟ်သူလဲ ပြောစမ်း…´´
``အောင်မာ…သူခိုးက လူပြန်ဟစ်လို့ မင်းဘာလိုချင်တာလဲ…ပြော…ငါကထီးလေး မင်းလိုချင်တာ ပြောပြီး မြန်မြန်သွားတော့ …´´
``ငါ့ကိုများ မောင်းထုတ်နေရတယ်လို့ ဦးလေး လုပ်ပါဦး ကျွန်တောက ဦးလေး အတူ ထီးကလေး အစစ်ပါဗျာ…ဦးလေး မမှတ်မိဘူးလား…သေချာကြည့်ပါဦ´´
``ဟာ…ဦးလေး သူပြောတာ မယုံနဲ့ကျွန်တော်က ထီးကလေးပါ ကျွန်တော် စာအုပ်ဖတ်ရင်း ထိုင်ခုံအပေါ်မှာ အိပ်ပျော်သွားတာ…´´
``ဟာ…ဟေ့ယောင် …ဦးလေးနဲ့ငါ အောက်မှာ ကောက်ညင်းပေါင်းစားပြီး အိမ်နောက်ဘက်မှာ စာအုပ်ရှာပြီး ထွက်လာတုန်း မင်းခုံပေါ်မှာ အိပ်နေတာတွေ့လို့ ငါနိုးခဲ့တာ…ဦးလေး သူပြောတာကို မယုံပါနဲ့ဗျာ …ကျွန်တော်ကသာ ထီးကလေးပါ…´´
ထီးကလေး နှစ်ယောက် တစ်ယောက်တစ်ခွန်းပြောနေသည်ကို ဦးမြင့်ထွေးနှင့်အတူ တန်ခိုးတို့အဖွဲ့ ဟိုကြည့် ဒီကြညိ့ ကြောင်တောင်တောင်
``တော်ပြီး…တော်ပြီ…မင်းတို့ဒီလိုပြောနေလဲ အပိုပဲ…ဒီနှစ်ယောက်တည်းကတော့ တစ်ယောက်ကတော့ ငါ့တူ ထီးကလေးပဲ…´
နှစ်ယောက်စလုံးရဲ့ နှုတ်မှ တစ်ပြိုင်နက်
``ကျွန်တော်ထီးလေးပါ …´´
``ဟင်…ဟေ့ယောင်.…ငါပြောတာ လိုက်မပြောနဲ့လေ…´´
``ငါအရင်ပြောတာ အတုကောင် မင်းထွက်သွား မင်းဘဟ်သူလဲ …´´
``မျှားလေး ငါ့ကို သေချာကြည့်ပါဦးဟာ…နင့်သူငယ်ချင်း ထီးကလေးလေ…မှတ်မိရဲ့လား…´´
``ဟာ…မျှားလေး သူပြောတာကို မယုံနဲ့ ငါက နင့်သူငယ်ချင်း ထီးလေး အစစ်…´´
ခရီ ရောက်မဆိုက် တန်ခိုးတို့ကြုံတွေ့လိုက်ရသည်က အံသြစရာ ဖြစ်ရပ်တစ်ခု
``ဒါနဲ့…မျှားလေး နင်တို့ သန်းဘက်ခါမှ လာမှာဆို ဘယ်လိုဖြစ်ပြီး ဒီနေ့ရောက်ချလာတာလဲ…´´
``ဟာ…အတုကောင် မင်း…မင်း ဒါတွေလဲ သိနေတယ်…ဟုတ်လား…မျှားလေး နင့်ကို ငါအဝေးပြေးမှာ ဖုန်းဆက်ခဲ့တယ်လေ…နင် သန်းဘက်ခါလာမယ်လို့ ငါ့ကိုပြောခဲ့တာလေ ဒီ…ဒီအတုကောင် ဒါတွေ ဘယ်လို သိနေတာလဲ…´´
``မင်းငါ့ကို အတုကောင်လို့မပြောနဲ့နော် ငါတကယ်ပဲ အံ့သြမိတယ် မင်းဘယ်သူလဲ…´´
တန်ခိုးက ဦးမြင့်ထွေကို တစ်ချက် ကြည့်လိုက်ပြီး
``လုပ်ပါဦး…ဦးလေး…ဒါ…ဒါက ဘယ်လို …ဘယ်လို ဖြေရှင်းရမလဲ…´´
ဦးတင်အောင် မျက်မှောင်ကျုတ်လိုက်ပြီး
``မင်းတို့နှစ်ယောက်ကို ငါတစ်ခုမေးမယ် ဖြေနိုင်တဲ့သူက ထီးလေး အစစ်ပဲ…´´
``ဟုတ်…ဟုတ်ကဲ့…ဦးလေး…မြန်မြန်မေးပါ…´´
``ငါ့တူ ဒူးခေါင်းမှာ ဝါးနဲ့ခြစ်မိပြီး ဒဏ်ရာ တစ်ခုရှိတယ်…အဲ့တာပြ…´´
ထီးလေးနှစ်ယောက်စလုံး တစ်ပြိုင်တည်း ပြလိုက်တယ်။
``ဒီမှာ…ဦးလေး…´´
``ဟင်…မင်းမှာလဲ…ရှိနေတယ် ဟုတ်လား´´
``ရှိတာပေါ့ ငါက တကယ့်ထီးလေး အစစ်ပဲ…ငါရွာအဝင် တံတားဖြတ်ကူးရင်း တံချိုးကျလို့ရခဲ့တဲ့ဒဏ်ရာ…´´
``ဟာ…မဟုတ်ဘူး…အဲ့…အဲ့ဒါက ငါဖြစ်တာလေ…´´
``ဟုတ်ပီ ဒါဆို တကယ့် ထီးလေး အစစ်ပဲ သိနိုင်တဲ့ မေးခွန်းတစ်ခု ထပ်မေးမယ်…ထီးလေးငယ်ငယ်က သစ်ပင်အပေါ်ကပြုတ်ကျခဲ့တယ်…အဲ့တုန်းက ဘာဖြစ်သွားလဲ…´´
``ကျွန်တော့ ညာဘက်ပေါင်မှာ သစ်ကိုင်းနဲ့ခြစ်မိပြီး သေရာပါ အမာရွတ်ရခဲ့တယ်…´´
`ပြပါဦး ဒါဆို´´
``ဒီမှာပါ…´´
``ဟင်…မင်း…မင်း ငါ…ငါ တကယ်မယုံနိုင်ဘူး …မင်းမှာလဲ အမာရွတ် ရှိနေတယ်…´´
``ငါတကယ့်ကို အံ့သြမိတယ် တကယ့်တော့ ငါကထီးလေး အစစ် မင်းပညာက တော်တော် တော်တာပဲ´´
``အဲ့ဒါငါ မင်းကို ပြောရမယ့် စကား မင်းက အတုကောင် ငါ့အကြောင်းတွေ အကုန်သိနေတယ်…´´
ဦးမြင့်ထွေး ခေါင်းကုတ်လိုက်တယ်။ တန်ခိုးတို့ အဖွဲ့ကို တစ်ချက်ကြည့်ပြီး
``ငါ့တူတို့ မင်းတို့သူငယ်ချင်း ထီးလေး ဘယ်သူဆိုတာ သိနိုင်ရဲ့လား ကြည့်ပါဦး´´
တန်ခိုး ငါးလေး လမ်းလေး မျှားလေး ထီးလေး နှစ်ယောက်ကို တစ်ယောက်ချင်း သေချာလိုက်ကြည့်နေတယ်။ နောက် မျက်မှောင်ကျုတ်လိုက်ကြပြီး
``ကျွန်…ကျွန်တော်တို့လဲ…မခွဲတတ်ဘူး…တကယ်အံ့သြမိတယ်…´´
``ဟာ…လုပ်ပါဦး…ငါလေးရာ မင်းသိနိုင်ပါတယ်…ငါ့ကို သေချာကြည့်ပါဦး…´´
ထီးလေး တစ်ယောက် ပြောစကားကြောင့် ငါးကလေး သေချာကြည့်လိုက်တယ်
``မှတ်မိပြီးလား…ငါးကလေး…ငါ့ကို မှတ်မိပြီလား…ပြောပါဦး´´
ဘာစကားမှ မပြောပဲ ငါးကလေးကတော့ ခေါင်းလေးကို ညင်သာစွာ ခါလိုက်တယ်။
``ဟာ…သွားပါပြီ…ကွာ…´´
``ဒါဆို လမ်းလေး မင်းငါ့ကို သေချာကြည့်ပါဦး…မင်းမှတ်မိမှာပါ ငါတို့ငယ်ငယ်က ကျောင်းမှာ မင်းဖိနပ်ပျောက်သွားတယ်လေ…ကျောင်းပြန်တော့ မင်းဖိနပ်မပါတာနဲ့ ငါ့ဖိနပ် တစ်ဖက် မင်းကိုပေးဆီးတယ်လေ မင်းတစ်ဖက် ငါတစ်ဖက် စီးခဲ့ကြတာလေ…မင်းမှတ်မိလား…´´
လမ်းကလေး မျက်လုံးပြူးသွားတယ်။ပြီးတော့
``သိပ်မှတ်မိတာပေါ့ ထီးလေးရာ ငါတို့မိုးရွာထဲမှာ ဖိနပ်တစ်ယောက် တစ်ဖတ်ဆီ စီးပြီး ပြန်လာခဲ့ကြတာလေ
ဦးလေး…သူက ထီးကလေး အစစ်ပဲ…သူပြောတာတွေ အားလုံးဟုတ်တယ် ´´
ဒီလိုပြောတော့ ကျန်တဲ့ထီးကလေး တစ်ယောက်က
``ဟာ…မဟုတ်ဘူး လမ်းကလေး မင်းမှားနေပြီ သူပြောတာတွေ မှန်ပေမယ့် ငါက အစစ်ပါကွာ…အဲ့တုန်းက ငါ့စာအုပ်တွေ မိုးရည်ဆိုကုန်လို့ မင်းကငါ့ကို စာအုပ်အသစ်မှာ စာတွေ ပြန်ကူးပြီး ပေးခဲ့သေးတယ်လေ…´´
``ဟင်…မင်း…မင်းကလဲ သိနေတယ်…ဦးလေး …သူလဲ ထီးကလေး အစစ်ပဲ…ဟာ…မဟုတ်သေးပါဘူး…တစ်ယောက်တည်းပဲ ထီးကလေး ဖြစ်ရမှာပေါ့…မသိတော့ဘူး´´
စိတ်ပျက်စွာပဲ လမ်းလေး ခေါက်းကုတ်ခါ မျက်နှာ တစ်ဖက်လှည့်လိုက်တော့တယ်။ ထိုအခါ မျှားကလေးက ရုတ်တရက်
``ထီးကလေး…´´
``ဟေး…´´``ဟေး…´´
ထီးကလေးနာမည်ကို ရုတ်တရက် ခေါ်လိုက်တော့ နှစ်ယောက်စလုံးရဲ့နှုတ်မှ ပြန်ထူးနေကြအတိုင်း ထွက်ပေါ်လာခဲ့တယ်။
``ဟင်…နှစ်ယောက်လုံးက အတူတူပါလား…အခုနှစ်ယောက်တည်းက ထီးလေးအစစ်မဟုတ်တဲ့တစ်ယောက်သာ တို့ကို အန္တရယ် မပြုရင် တို့ရဲ့သူငယ်ချင်း ထီးကလေးနောက်တစ်ယောက် ထပ်ရလို့တကယ်ကို ဝမ်းသာရမှာ…´´
``မျှားလေးရယ်…တန်ခိုး…မင်းတို့မမှတ်မိတာ အပြစ်မဟုတ်ပါဘူး…ငါကိုယ်တိုင် အရမ်း အံ့သြမိတယ်…´´
``တော်စမ်းပါကွာ…မင်းက ငါ့အယောင်ဆောင်ပြီး ငါ့သူငယ်ချင်းတွေကို မြူဆွယ်နေသေး…အေး ဘာပဲဖြစ်ဖြစ် မင်းဘာကောင်လဲဆိုတာ ငါရအောင် ဖော်မှာ…´´
``ဖော်စမ်းပါ…ဒါမှ ငါအတုမဟုတ်ဘူးဆိုတာ အားလုံးသိမှာ…´´
**************-******-********
နှစ်ယောက်သား ငြင်းနေလိုက်ကြတာ နေခင်း ၁၁နာရီတောင် ကျော်နေခဲ့ပြီ ဦးမြင့်ထွေက
``ဒါဆို တို့အားလုံး ထမင်းစားမယ်…ထီးလေး အတုရော အစစ်ရော အားလုံး တူတူစားကြမယ်…ဦးလေး ထမင်းဝိုင်း သွားပြင်လိုက်ဦးမယ် ´´
ထီးလေး နှစ်ယောက်နှင့်အတူ တန်ခိုးတို့အဖွဲ့အိမ်ရှေ့မှာ တူတူရှိနေတော့သည်။
``ထီးလေးနှစ်ယောက် ဘယ်သူက အစစ်လဲ…အယောင်ဆောင်တဲ့သူက ထီးလေးကို သတ်မှာလား…မသတ်ဘူးဆိုရင်ရော …ဘာလုပ်မှာလဲ…´´
``မသိတော့ဘူး…ငါးလေးရာ…ငါ…တကယ် အံသြတယ်…ငါ စာအုပ်လေးယူပြီး အိမ်ရှေ့ထွက်လာတာ …ဒီကောင့်ကို တွေ့တာပဲ…´´
``ဟေ့ယောင်…မင်းမဟုတ်တာတွေ မပြောနဲ့နော် …ငါ စာအုပ်ဖတ်ပြီး အိပ်ပျော်သွားတုန်း မင်းလာနိုးတာ…´´
``ကဲ…လာလာ…အငြင်းခုန်လုပ်မနေနဲ့တော့ ထမင်းလာစားကြ…´´
``ဟာ…ဦးလေးရာ…ဘယ်လိုလုပ် စားနိုငိမှာလဲ …ဒီမှာ ဒီလောက်အရေးကြီးနေတာ…´´
``အရေးကြီးတို့ ငါ့တူတို့ကို ထမင်းစားခိုင်းနေတာပေါ့…ကဲပါ…လာကြ အဓိက ဗိုက်ထဲမှာ အစာရှိဖို့က အရေးကြီးတယ်…´´
ထမင်းစားဝိုင်းသို့ ထီးလေးနှစ်ယောက် တစ်ယောက်ကို တစ်ယောက် မယုံကြည်
ထမင်းစားကြတော့လဲ စားပုံ စားဟန်က နှစ်ဦးစလုံး နဂိုအတိုင်းပဲ ခွဲခြားမရ ။ စားသောက်ပြီးကြတော့
``ကဲ…ငါ့တူတို့ ထီးလေး ငယ်ငယ်က ဦးလေး လက်ပေါ်မှာ ကြီးလာခဲ့တာ ထမင်းစားပုံကလဲ နှစ်ယောက်စလုံးက အတူတူပဲ…ဦးလေးတော့ မခွဲခြားတတ်တော့ဘူး…ဒါဟာ မှော်တိုက်ခံထားရပြီ…ထီးလေး ဝါးတံတားဖြတ်ကူးတဲ့အချိန် ဒူးခေါင်းမှာ ဝါးနဲ့ခြစ်မိပြီး သွေးထွက်ခဲ့တယ် အဲ့သွေးနဲ့ထီးလေးကို သွေးမှော်တိုက်နေတာ…´´
``သွေးမှော်…သွေးမှော်ဆိုတာ ဘာလဲ…ဦးလေး…´´
``ဦးလေး နောက်မှ ပြောပြမယ် အခု အချိန်သိပ်မရဘူး…အဲ့သွေးမှော်ကို ဖြေဖို့အတွက် ဦးလေးမှာ ဒေဝီ ခုနှစ်ဖော် ဂမုန်းဘုရင် ရှိတယ်…အတု အစစ် သေချာမသိပဲ ဖြေလိုက်ရင် အစစ်အတွက် အများကြီး နစ်နာသွားလိမ့်မယ် ကံမကောင်းရင် သေသွားနိုင်တယ်…သို့မဟုတ် သုံးစားမရအောင် ရူးသွားရလိမ့်မယ်…ဒါကြောင့် ဦးလေးတို့ နေမဝင်ခင် အတုအစစ် အမြန်ဆုံးသိမှ ရမယ်…´´
``အတု အစစ် မခွဲနိုင်သေးခင် အတုက တုို့အားလုံးကို ဒုက္ခပေးနိုင်လား…´´
``မပေးနိုင်ဘူး…အတု အစစ် ကွဲသွားရင်တော့ အကြီးအကျယ် ဒုက္ခပေးပြီး…´´
``ဗျာ…´´
``ဟုတ်တယ်…အဲ့တာကြောင့် ဦးလေးတို့ မြန်မြန် အတု အစစ်ကို ခွဲခြားနိုင်မှ ရမယ်…မဟုတ်ရင် တကယ့် ထီးလေး အတွက် အန္တရယ် သိပ်ကြီးတယ်…´´
``ဒါဆို ဒီလိုလုပ်မယ် ဦးလေး…သူတို့နှစ်ယောက်ကို တစ်ယောက် တစ်နေရာဆီထားပြီး သမီးတို့ စစ်မယ်…ရမလား…´´
``အဲ့ဒီ့ အကြံမဆိုးဘူး မျှားကလေး…ဒီတော့ ငါနဲ့တန်ခိုးက ဒီထီးလေးကို တစ်နေရာမှာ စစ်မယ်…နင်နဲ့လမ်းလေးက နောက်တစ်ယာက်ကို တစ်နေရာမှာ စစ်…´´
မျှားလေးက ဦးဆောင်ခါ ထီးလေး တစ်ယောက်ကို ဦးမြင့်ထွေးနှင့် အတူ နောက်ဖေး ကွမ်းခြံဘေးသို့ခေါ်သွားတော့သည်။
``ဦးလေးနဲ့မျှားလေး …အဲ့ကောင်ကို သတိထားကြနော်…သူက ငါမဟုတ်ဘူး…နင်တို့ကို ဒုက္ခပေးနိုင်တယ်…´´
အိမ်ရှေ့တွင် ကျန်နေခဲ့သည့် ထီးလေးက လှမ်းအော်ပြောတော့
``ဟာ…ဟေ့ယောင်…မင်း…မင်း…တိတ်စမ်း ငါ့သူငယ်ချင်းတွေကို ငါ့အသတ်နဲ့လဲပြီး ကာကွယ်ပေးခဲ့ဘူးတယ်…တန်ခိုး …မင်းတို့သတိထားကြနော်…အဲ့ကောင်က အယောင်ဆောင်ထားတာ မင်းတို့သတိထားမှ ဖြစ်လိမ့်မယ်…ငါပြောတာကို နားထောင် တန်ခိုး…´´
တစ်ယောက်တစ်လှည့်စီ ပြောနေကြပုံကလဲ ထီးလေး တစ်ယောက်တည်းအတိုင်းပါပဲ သို့ပေမယ့် မည်သူမှ အယောင်ဆောင်နဲ့ ထီးလေးအစစ်ကို မခွဲခြားနိုင်ကြ။ တကယ့်ထီးလေး အစစ်ကတော့ အင်မတန်စိုးရိမ်ပူပန် နေရတော့သည်။
****************************
နောက်ဖေးမှ မျှားကလေးနှင့် အတူ ဦးမြင့်ထွေး ငါးကလေးတို့က ထီးလေး တစ်ယောက်ကို အရင်မေးတော့သည်။
``ထီးလေး…မင်းက ထီးလေး ဟုတ်ပါတယ်နော်…´´
``ငါးလေးရာ…ငါ မင်းတို့သူငယ်ချင်း ထီးလေး အစစ်ပါ…ငါ့ကို ယုံပါ…တန်ခိုးနဲ့လမ်းကလေးကို ဟိုအယောင်ဆောင်ကောင် ဒုက္ခမပေးနိုင်ဘူးလို့ မပြောနိုင်ဘူး …ဦးလေး တန်ခိုးတို့ကို ဂရုစိုက်ပါဦး´´
``ကဲ…ကောင်းပြီ…ထီးလေး …နင်သာ တကယ့်ထီးလေးအစစ်သာဆို ငါ့အခုမေးမယ့် မေးခွန်းတွေ အတွက်ငါ့ကို စိတ်မဆိုးပါနဲ့နော်…´´
``မြန်မြန်သာမေးစမ်းပါဟာ…ငါကထီးလေး အကုန်လုံး ဖြေနိုင်မှာပဲ…တန်ခိုးတို့ကို ငါစိတ်မချဘူး…ဟိုကောင် ဒုက္ခပေးနိုင်တယ်´´
``အေးကောင်းပြီ…ဒါဆို မေးမယ်…ငါတို့
တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
ပဉ္စမမြောက် လက်စားရှင် ကို နင်မှတ်မိပါတယ်နော် …´´
``သိပ်မှတ်မိတာပေါ့…´´
``ဟုတ်ပြီ…အဲ့တုန်းက နင့်ကော်ဖီခွက်ထဲကို ဘယ်သူ အဆိပ်ခပ်ခဲ့တာလဲ…´´
``ငါ့ကော်ဖီခွက်ထဲကို ဦးမောင်မောင်လွင်ရဲ့အခိုင်းစေမလေး သီတာ အဆိပ်ခတ်ခဲ့တာပဲ…ဒါက ငါတစ်ယောက်တည်းပဲ သိနိုင်တာ …တစ်ခြားသူမသိနိုင်တဲ့ ပဉ္စမြောက် လက်စားရှင် မှာ ကြုံခဲ့ရတဲ့ ဖြစ်ရပ်တစ်ခုပဲ …´´
``ဟုတ်ပီ…ဒါဆို နောက်တစ်ခု အဲ့တုန်းက ပဉ္စမမြောက် လက်ရှင်ဖြစ်တဲ့ကိုပြည့်စုံက ဘာကြောင့် ရဲတွေကိုမှ လိုက်သတ်ရတာလဲ …ဒီမေးခွန်းက ထီးလေး အစစ်မှ သိနိုင်တဲ့ အကြောင်းရာ တစ်ခုပဲ…´´
``မဉ္စမမြောက်လက်စားရှင် (ခေါ်) ကိုပြည့်စုံက …သူ့ချစ်သူ ဝင့်ဝါအတွက် ရဲအရာရှိတွေကို လိုက်ပြီး လက်စားချေနေခဲ့တာ…လေချွန်နတ် ဆရာမ မနန်းရီက ငါတစ်ယောက်တည်းကိုပဲ ပြောခဲ့တာပါ…ငါတစ်ယောက်ပဲ သိနိုင်တဲ့အဖြေပါပဲ မျှားလေး ´´
တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
ပဉ္စမြောက် လက်စားရှင်
တွင် ကြုံခဲ့ရသော အဖြစ်အပျက် ။ထီးလေး တစ်ယောက်တည်သာ သိနိုင်သည့် မေးခွန်းအားလုံးကို ဒီထီးလေး တစ်ယောက်ကတော့ ဖြေနိုင်ခဲ့ချေပြီ။ မျှားလေးကတော့ ဝမ်းသာစွာ
``ဒါဆို နောက်ဆုံး တစ်ခု ထပ်မေးမယ်…ဒါကိုဖြေနိုင်ရင် နင်ဟာ ထီးလေးပါ…´´
``မျှားလေး မြန်မြန်ပေးပါ တန်ခိုးတို့ကို ငါစိတ်မချဘူး…´´
``ဒါဆို
တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
နှစ်၁၀၀ ကျိန်စာသင့် အိမ်ကြီးမှာ ဦးတင်အောင်ရဲ့ဇနီးဖြင့်တဲ့နှစ်ပေါင်းများစွာ တစ္ဆေဘဝနဲ့ အချုပ်ခံထားရတဲ့ သူမိန်းမ သန်းသန်းကြည်က တို့ကားဆီကုန်နေတာ မြို့မှာ ဆီဝယ်ဖို ဘယ်သူ အကူညီတောင်းမှ ရမယ်ဆိုပြီး ပြောခဲ့တာလဲ…´´
``ကျုတ်ဆွဲကြိုး လက်ဖွဲ့ပိုင်ရှင်ဖြစ်တဲ့ ငါကိုယ်တိုင် ပဲ…´´
``ထီးလေး ငါ့ကို ခွင့်လွတ်ပါ နင်က ထီးလေး အစစ်ပဲ…´´
``နေဦး တူမရီ…မောင်တန်ခိုးတို့မေးနေတဲ့ထီးလေး တစ်ယောက်အဖြေကိုလဲ ဦးလေး သိချင်သေးတယ်…´´
**************=**************
တန်ခိုးနဲ့လမ်းကလေးဆီမှ ထီးလေး တစ်ယောက်
``တန်ခိုး…ငါ့ကို မြန်မြန်မေးပါ…မျှားလေးတို့ကို ဟိုအယောင်ဆောင် ဒုက္ခပေးမှာ ငါစိုးရိမ်တယ်…´´
``စိတ်ချပါ …ထီးလေး…ဦးလေး ပြောထားတယ် …အတု အစစ် မကွဲမခြင်း ဟိုထီးလေးက အတုဆိုလဲ ဒုက္ခမပေးနိုင်သေးဘူး…ဒီတော့ မင်းသာ တကယ့်ငါ့သူငယ်ချင်း ထီးလေးသာဆို ငါမင်းကို မယုံကြည်သလို မေးနေရတာတွေကို ခွင့်လွတ်ပေးပါ…´´
``ရပါတယ်ကွာ…ငါတို့က သိပ်ချစ်ကြတဲ့သူငယ်ချင်းတွေပဲ ငါစိတ်မဆိုးပါဘူး…မေးပါ…´´
``ငါတို့ ပထမဆုံး ကြုံခဲ့ရတဲ့
တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
ပဉ္စမမြောက် လက်စားရှင်မှာတုန်းက မင်းတစ်ယောက်တည်း သိနိုင်တဲ့မေးခွန်းတစ်ခု မေးမယ်…ပဉ္စမမြောက် လက်စားရှင်ဖြစ်တဲ့ ကိုပြည့်စုံရဲ့ချစ်သူ ဝင့်ဝါကို မင်းကယ်ခဲ့တာ မှတ်မိလား´´
``သိပ်မှတ်မိတာပေါ့…´
``ဒါဆို…အဲ့တုန်းက မင်းကို ဝင့်ဝါ ဘာပေးခဲ့သလဲ …မင်းသာ ထီးလေးဆို သိနိုင်မယ်…´´
``သိပ်သိတာပေါ့…သူ့ရဲ့စိတ်ရောဂါပြေအောင် စိတ်ကျန်းမာရေး ဆေးရုံက ဆရာဝန်ပေးထားတဲ့ ဆေးဘောပင်လေး ငါ့ကိုပဲ ပေးခဲ့တာ ဒါကလဲ ငါတစ်ယောက်တည်းပဲ သိနိုင်တာ…´´
``ဟုတ်ပြီ… တစ္ဆေ၊ သရဲ၊ ကဝေ၊ စုန်း၊ မှော်၊ သိုက် လိုက်သူများနှင့် နှစ် ၁၀၀ ကျိန်စာသင့် အိမ်ကြီး မှာတုန်းက မင်းရယ် ငါရယ် လမ်းကလေး ပုဏ္ဍက အိမ်ကြီးမှာ နံရံကို သစ်သားနဲ့ခြစ်တုန်းက ဘာဖြစ်ခဲ့လဲ…´´
``နံရံမှာ သွေးတွေ ထွက်လာခဲ့တယ်လေ…´´
``ဟာ…ဟုတ်ပြီ…ထီးလေး နောက်တစ်ခုမေးလို့ ဖြေနိုင်ခဲ့ရင် မင်းဟာ တို့သူငယ်ချင်း ထီးလေး အစစ်ပဲ မြန်မြန်ဖြေပေး…နှစ် ၁၀၀ ကျိန်စာသင့်အိမ်ကြီးမှာ ငါ့ခြေထောက် တိုင်ပိပြီး မင်းက အပေါက်ကြီးထဲ ပြုတ်ကျသွားတာလေ …မင်းမှတ်သေးရဲ့လား…´´
``တန်ခိုး …သားရီး…မင်းငါ့ကို မယုံသေးဘူးကို ငါကထီးလေး အစစ်ပါ…ထွက်ပေါက်ဖြစ်တဲ့အပေါက်ထဲကို ပြုတ်ကျသွားခဲ့တာ မင်း…တိုင်ပိပြီး ချေထောက်ကို ထိသွားတာ ငါပါ…´´
``ငါ့ကို ခွင့်လွတ်ပါ ထီးလေးရာ မင်းက တကယ့် ထီးလေး အစစ်ပါပဲ…´´
``ဒါဆို ငါတို့အချိန်သိပ်မရှိဘူး…မျှားကလေးနဲ့အတုကောင်တို့ဆီ အမြန်သွားမှ ရမယ်…´´
တန်ခိုးတို့မေးလိုက်သည့် မေးခွန်းအားလုံးဟာ တကယ့်ထီးလေး အစစ်မှသာလျှင် သိနိုင်မည့် မေးခွန်းဖြစ်တဲ့အတွက် သူတို့ဆီမှ ထီးလေးကို မျှားကလေးတို့ဆီမှ ထီးကလေးနဲ့အတု အစစ် ခွဲခြားနိုင်ရင် အမှတ်သားလုပ်ပြီး နောက်ဖေးသို့ ချေဦးလှည့်လိုက်တော့သည်။
********--****************-**
``ဦးလေးရေ…ဦးလေး …မျှားလေး ဒါက ထီးလေး အစစ်ပဲ ငါမေးတာတွေ သူအကုန်ဖြေနိုင်တယ်…´´
တန်ခိုးရဲ့ခေါ်သံကြောင့် နောက်ဖေးမှ မျှားကလေးတို့ထွက်လာတော့သည်။
``မျှားလေး …နင့်ဘေးက အကောင်က အယောင်ဆောင်ကောင် သူ့အနားကို မကပ်နဲ့…ဝေးဝေးနေ…´´
``မဟုတ်ဘူး …တန်ခိုး နင်မှားနေပြီ နင့်ဘေးက သူကမှ အယောင်ဆောင် သူ့ကို ဆုံးမဖို့ ဦးလေး ဆီမှာ ဂမုန်းဘုရင်ပါလာပြီ…´´
``ဟာ…မျှားလေး …ငါ…ငါကထီးလေး …နင်မှားနေပြီ…´´
``ဟုတ်တယ်…မျှားလေး သူက ထီးလေး နင်ဘေးက သူကအယောင်ဆောင်ကောင် ဦးလေး သူက ထီးလေး အစစ်မဟုတ်ဘူး သူ့ကို ဆုံးမလိုက်တော့…´´
``တန်ခိုး …မင်းဘာတွေ လျောက်ပြောနေတာလဲ ငါက ထီးလေး မင်းဘေးက ကောင်က ငါ့အယောင်ဆောင်ထားတာ…မင်းမှားနေပြီ…´´
``ဟင်…´´
``ဟာ…တန်ခိုး မ…မဟုတ်ဘူး …ငါ့ကို အဲ့လို မကြည့်နဲ့ မင်းမေးတဲ့ငါပဲသိနိုင်တဲ့ မေးခွန်းတွေ အားလုံး ငါဖြေနိုင်ခဲ့တယ်လေ…အဲ့ကောင် လိမ်နေတာ မင်းတို့ မယုံနဲ့ ဦးလေး သူ့က ကျွန်တော် မဟုတ်ဘူး…´´
သွေးမှော်ပြေ စေနိုင်သော ဒေဝီခုနှစ်ပါး ဂမုန်း ဘုရင်ကို ကိုင်လျက် ဦးမြင့်ထွေးဘာလုပ်ရမှန်းမသိ။ သူ့ဘေးကထီးလေး ကို ဆုံးမရမလား တန်ခိုးဘေးက ထီးကလေးကို ဆုံးမရမလား မသိတော့ပဲ
``နေဦး…တန်ခိုးပြောတော့လဲ သူကထီးလေး အစစ် ဦးလေး နဲ့သမီးမျှားလေး စစ်ခဲ့တဲ့ဒီထီးလေးကလဲ အစစ်ဆိုတော့ ဦးလေး ဘာလုပ်ရမှာလဲ…နေဆောင်းတော့မယ်…နေမဝင်ခင် အဖြေမှန်မဖော်နိုင်ရင် သွေးမှော်တိုက်ထိပြီး ငါ့တူ ထီးလေး အသက်ဆုံးရှုံးရပြီ…ရမ်းလုပ်လိုက်ပြန်ရင်လဲ …မဖြစ်သေးဘူး…ဦးလေး ဘာဆက်လုပ်ရမှာလဲ…´´
တန်ခိုးဘေးမှ ထီးလေးက
``မထူးဘူး …ဦးလေးရာ ကျွန်တော့ကိုသာ ဂမုန်းဘုရင်ပေးပါ ကျွန်တော်ပဲ အသေခံလိုက်မယ် ဒါမှ ဒီအယောင်ဆောင်ကောင် ကမ္ဘာပေါ်က ပျောက်သွားမှာ …ကျွန်တော့ကို ဂမုန်းပေး…´´
ထိုအချိန် ငါးလေး တစ်ခုခုကို သတိရသွားပြီး
``မပေးနဲ့ဦး… ဦးလေး…ကျွန်တော် ထီးလေး အစစ်ကို ခွဲခြားနိုင်မယ့် အဖြေသတိရပြီ…´´
``ဟာ…ငါးကလေး မြန်မြန်ပြော…နေဆောင်းခါနီးပြီး…´´
တစ်ဖွဲ့လုံး ငါးကလေး သတိရသွားသော စကားကို အရေးတကြီး စောင့်မျှော်နေကြတော့သည်။
*****************************
အပိုင်း(၆)တွင် ဆက်လက် ဖော်ပြပါမည်။
No comments:
Post a Comment