အပိုင်း(၂၇) လူသားစားဆေးရုံ သည်းထိတ်ရင်ဖို

        တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
                         လိုက်သူများနှင့်
                      လူသားစား ဆေးရုံ
                           အပိုင်း (၂၇)
                   စာရေးသူ - ထီးကလေး
               (ရင်နှင့်ရင်း၍ရေးသားသည်)
                                **   
               ******************

     သတိမမူ ဂူမမြင်ဟု ဆိုရလေမလား။ သတိမမူမိသော ဒေါက်တာသန်းနိုင်သည်လည်း ထီးကလေး၏ခြေထောက်အား ခလုတ်တိုက်မိခါ အခန်းအရှေ့၌ပင် ချော်လဲသွားခဲ့ရသည်။ သို့နှင့် သူသည်လည်း လဲကျသွားခဲ့သော ဒေါက်တာသန်းနိုင်အား ကိုင်ဆောင်ထားခဲ့သော ဓားမြောင်ဖြင့် အပြေးသွားခါ လည်ပင်းဆီသို့ ချိန်ဆလိုက်လေသည်။

''ဘာ!…မင်းပြောတယ် တကယ်ပဲလားသန်းနိုင်''
''တကယ်ပဲစွန်ရဲ… ငါ့နားနဲ့ဆက်ဆက်ကြားရုံတင်မကဘူး သူတို့နှစ်ယောက် တရင်းတနှီးပြောနေကြတာ ငါ့မျက်စိနဲ့ကိုး တပ်အပ်မြင်ခဲ့ရတာ… ဟိုနပ်စ်မက မင်းအပေါ်သစ္စာဖောက်ပြီး အဲ့ဒီတောသားနဲ့ ပေါင်လုပ်ကြံတော့မယ်… ပြီးတော့ အခုဆေးရုံရောက်နေတဲ့ ချာတိတ်တွေနဲ့ အဲ့ဒီတောသားနဲ့က တစ်ဖွဲ့တည်းပဲကွ သူ့မိတ်ဆွေတွေကို ငါတို့ဆီက ကယ်ပြီးတာနဲ့ နပ်စ်မလေးကိုလည်း ဒီဘဝကနေ လွတ်မြောက်အောင်လုပ်ပေးမယ်လို့ ပြောနေကြတာ ငါ့နားနဲ့ကိုးဆက်ဆက်ကြားခဲ့တာပဲ"
''ငါတို့ဆီလာပြီး ဒီလိုလုပ်လို့ရမယ်တဲ့လား… တွေ့ကြသေးတာပေါ့ကွာ… သူတို့အားလဲုးက တစ်ဖွဲ့တည်းဆိုတော့ အိမ်ကြက်ချင်း အိုးမည်းသုတ်ပေးလိုက်ကြတာပေါ့ သူတို့မျှော်လင့်တဲ့အချိန် ဘယ်တော့မှ ရောက်မလာစေရဘူး''

''မင်းဘယ်လိုလုပ်မယ် တွေးထားလဲစွန်ရဲနိုင်''
''ရဲမောင်လဲသေပြီ… ဟိုကောင်တစ်ကောင်လဲ ငါတို့ဆီကလွတ်ပြီး ရဲလက်ထဲရောက်သွားပြီဆိုတော့ ရဲစုတ်တွေထပ်မလာခင် သစ္စာဖောက်တွေကို ပညာပေးထားရမယ် အခု မင်းပထမ အလယ်လှေကားဘေး အခန်းမှာ… ပစ္စည်းတစ်ခုသွားယူပေး ပြီးတာနဲ့ အပေါ်ကိုချက်ချင်းပြန်တတ်လာခဲ့… ရဲမောင်ကိုသတ်တဲ့ ခွေးကောင်ကို ငါအရှင်လတ်လတ်အရေခွံစုတ်ချင်သေးတယ်''
''ကောင်းပြီစွန်ရဲ… တောသားကို သတိထားနော် ဒါဆိုငါသွားမယ် မင်းကိုစိတ်မချဘူး အခုချက်ချင်းပြန်လာမယ်''

   လမ်းစောင့်လူသတ်သမား ရှမ်းကြီး၏အကြောင်းကြားချက်ဖြင့် ဆရာဝန်ကြီးသည်လည်း တန်ခိုး၏အဖြစ်အား သိရှိလိုက်ရပြီး ဒေါက်တာသန်းနိုင်သည်လည်း အစ်ကိုအောင်နှင့် နပ်စ်မလေးတို့၏ အကြံစီများအား ဆရာဝန်ကြီးထံသို့ နှစ်ကိုယ်ကြားအသိပေးစေခဲ့သည်။ ထို့နောက် ဒေါက်တာသန်းနိုင်အား ပထမထပ်သို့ စေခိုင်းလိုက်ပြီး ဆရာဝန်ကြီးမှာမူ မောင်စန်းမြင့်နှင့် တောသား လူသတ်သမားများရှိနေသည့် နေရာဆီသို့ ပြန်လည်သွားရောက်စေခဲ့သည်။

''လူမိုက်တောသားလေ!… မင်းကိုငါဘယ်လိုခေါ်ရမလဲ မင်းနာမည်…''
''ကျုပ်နာမည်က အောင်ကို'
''ဟုတ်ပြီမောင်အောင်ကို… အခုလောလောဆယ်တော့ မင်းကိုငါခိုင်းဖို့အလုပ်မရှိသေးဘူး… မောင်အောင်ကို မင်းအေးအေးဆေးဆေး နားနေလို့ရတယ်''
''ဟုတ်ကဲ့ဒေါက်တာ… လိုအပ်တာရှိရင်ပြော ကျုပ်အစွမ်းကုန်လုပ်ပေးမယ်''

''ကောင်းပြီကောင်းပြီ… မောင်စန်းမြင့်… မင်းတစ်ကိုယ်လုံးမှာလဲ ပေတေနေတာပဲ… သွား… အကျီမြန်မြန်သွားလဲပြီး အပေါ်ပြန်တတ်လာခဲ့''
''ဆရာ… ကျွန်…ကျွန်တော့်မှာအကျီမရှိတော့ဘူးဆရာ''
''ဟာကွာ… ထားလိုက်တော့ သွား… ဟိုဘက်အခန်းထဲမှာ ရဲဝတ်စုံတစ်ခုရှိတယ် အဲ့ဒါဝတ်ထားလိုက်… မြန်မြန်လုပ်… ပြီးတာနဲ့ ရဲမောင်ကိုသတ်တဲ့ ခွေးကောင်ကိုပညာပေးရမယ်''

''ရှမ်းကြီး မင်းက မင်းနေရာမှာပဲ ပတ်ဝန်းကျင် အခြေနေပြန်လေ့လာ… အကြောင်းတစ်ခုခု ထူးပြီဆိုတာနဲ့ ငါတို့ဆီ ချက်ချင်းအကြောင်းကြား''
''ဟုတ်ကဲ့ဆရာ… ဒါဆိုကျွန်တော်သွားပြီ''

   ကိုယ်ဆီတာဝန်များပေးစေသည်။ မောင်စန်းမြင့်သည်လည်း ဆရာဝန်ကြီး၏ စေခိုင်းချက်ဖြင့် စုတ်ပျက်နေသော သူ၏အဝတ်စားများအား လဲလှယ်စေခဲ့ပြီး စခန်းမှူးကြီး ကိုထိန်ဝင်း၏အဝတ်စားများအား လျင်မြန်စွာဝတ်စေခဲ့သည်။ တောသားအောင်ကိုအား ဆရာဝန်ကြီးတစ်ယောက် အလစ်မခံ သူ၏နံဘေးတွင်သာ ရှိနေစေခိုင်းသည်။ သူ့အားလည်း တစ်ချက်ကလေးမျှအလစ်မပေး သတိထားလျက် မိမိအား သစ္စာဖောက်မည့် သူဟုသိရှိထားခြင်းကြောင့်ဖြစ်သည်။

''ရပြီဆရာ…''
''အိုး… ငါ့တပည့်ကြီးမောင်စန်းမြင့်က ဒီလိုအဝတ်စားနဲ့ကြတော့လည်း တယ်ခန့်ညားပါလားကွ''
''ဟာဗျာ… ဆရာကလဲ ဆရာတပည့်ချင်းချင်းမြောက်နေပြန်ပါပြီ… ကျွန်တော်အခုဘာလုပ်ပေးရမလဲ''
''ရဲမောင်ကို ရက်ရက်စက်စက် သတ်ခဲ့တဲ့ ခွေးကောင်ဘယ်မှာလဲ''
''ဒီ…ဒီခန်းထဲမှာပါဆရာ''
''ကောင်းပြီး… သူ့ဆီသွားမယ်… ကဲ…ကျန်တဲ့သူတွေအားလုံး ငါတာဝန်ပေးထားတဲ့အတိုင်း ကိုယ်နေရာနဲ့ကိုယ် ရှိနေကြ… မောင်အောင်ကို ဒေါက်တာ့အနားမှာပဲ နေနော်''
''ဟုတ်ကဲ့ဒေါက်တာ''

တစ်ဖက်၌ ရဲဝတ်စုံနှင့် မောင်စန်းမြင့်အား ထားရစ်စေခါ တစ်ဖက်မှ တောသားအောင်ကိုအား ရှိနေစေခိုင်းသည်။ ထို့နောက် အခန်းတစ်ခုအတွင်း၌ ချုပ်နှောင်ထားခဲ့သော စာမိထံသ်ုိ့ ဦးတည်လေခဲ့သည်။

ထိုအခန်းဟာ မည်းမှောင်နေသည်။ အလင်းရောင်ဟူ၍ အဝါရောင်မီးလုံးကလေးသာ ထွန်းလင်းထားသည်။ ချုပ်နှောင်ထားသော စာမိသည်လည်း အခန်းတွင်း၌ တွန့်လိမ့်စွာရုံးကန်နေခဲ့သည်။ ဆရာဝန်ကြီးဦးဆောင်ခါ မောင်စန်းမြင့်နှင့်အောင်ကိုတို့သည်လည်း ထိုအခန်းတွင်းသို့ ဝင်ရောက်လာကြ၏။ အခန်းဝ၌ ဆေးရုံဝန်ထမ်း ယူနီဖောင်းဖြင့် လူသတ်သမားလေးဦးအား အစောင့်ထားစေသည်။

  လူမိုက်အောင်ကို၏အတွင်းစိတ်၌ ဒေါက်တာရဲမောင်အား ရက်စက်စွာသတ်ပစ်ခဲ့သည်ဟုဆိုသော လူငယ်သည် မည်သူဖြစ်နေမည်နည်း။ ဆရာဝန်ကြီး၏ပုံစံမှာလည်း သူ၏သူငယ်ချင်းဒေါက်တာတစ်ယောက် အသတ်ခံလိုက်ရခြင်းနှင့်ပတ်သတ်ခါ အလွန်ပင် ဒေါသထွက်နေပုံပေါ်သည်။ အခန်းအတွင်းရှိ လူငယ်အား ရက်စက်စွာပြုမူတော့မည်မှာ မလွဲလှချေ။ နပ်စ်မလေထံမှ မိမိ၏ မိတ်ဆွေဖြစ်သူ ဆေးရုံအတွင်း၌ှ လွတ်မြောက်နေခဲ့သည်ဟု သိရှိထားရသည်။ သို့သော်မည်သူတွေများ လွတ်မြောက်နေခဲ့သနည်း။ ထိုအခန်းတွင်းရှိလူငယ်ဟာ မိတ်ဆွေဖြစ်သူ ထီးကလေးပင်လား။ ဤသို့ဆိုလျင် သူတစ်ယောက် ထိုလူသတ်သမားများကြားမှ မိတ်ဆွေဖြစ်သူအား မည်သို့ပင်ကယ်တင်ရမည်နည်း။ လွန်စွာစိုးရိမ်ပူပန်နေမိသည်မှာ အမှန်ပင်ဖြစ်လှ၏။

သို့သော်လည်းဟန်မပျက် ဆရာဝန်ကြီး၏ ဘေးတစ်တစ်ချက်မှ နေ၍ လူမိုက်ဟန်ဖြင့်လိုက်ပါလာခါ အခန်းတွင်းသို့ ရောက်ရှိလာသည်နှင့် ချုပ်နှောင်ထားခဲ့သော ထိုလူငယ်အား အောင်ကိုတစ်ယောက် မြင်တွေ့လိုက်ရသည်။ ထို့နောက် ထိုသူ၏မျက်နှာအား ဖုံးအုပ်ထားခဲ့သော မျက်နှာဖုံးအား အစ်ကိုအောင်တစ်ယောက် မာန်ပါပါဖြင့် ဆွဲချွတ်လိုက်စေသည်။ စိတ်အမှန် ဟန်အမှားဟုဆိုရလေမလား။ စိတ်အတွင်း၌ လွန်စွာစိုးရိမ်နေခဲ့သော်လည်း အပြင်ဟန်၌ လူမိုက်အသွင် ခတ်ထန်စွာနှင့် ထိုလူငယ်၏မျက်နှာအား စူးစိုက်စွာကြည့်လိုက်သည်။

သိရှိလိုက်ရ၏။ အလွန်ပင်တော်သေးသည်။ သူ၏မိတ်ဆွေဖြစ်သူ ထီးကလေးပင်မဟုတ်။ သို့သော်လည်း ထိုလူငယ်ဟာ မည်သူနည်း။ စိတ်အတွင်း၌ တွေဝေမှု့များစွာရှိနေခဲ့သော်လည်း ဟန်ဆောင်ကောင်းစွာဖြင့် ဆရာဝန်ကြီး၏နံဘေး၌ ရှိနေစေခဲ့သည်။

''ငါ့သူငယ်ချင်းကို ရက်ရက်စက်စက် သတ်ပစ်တဲ့ကောင်… မင်းကို အရှင်လတ်လတ် ပြန်သတ်ပစ်မယ်''

စာမိသည်လည်း အချိန်ကြာမြင့်စွာ မျက်နှာပြင်အား မျက်နှာဖုံးဖြင့် ဖုံးအုပ်ထားခြင်းခံနေရသည်ကြောင့် မျက်နှာဖုံးချွတ်လိုက်သည်နှင့် အမြင်အာရုံတစ်ခုလုံး ဝေဝါးနေခဲ့လေသည်။ ဆရာဝန်ကြီးသည်လည်း ခတ်ထန်လှသော စကားသံများနှင့် ချုပ်နှောင်ထားခဲ့သော စာမိ၏လက်ပြန်ကြိုးများအား ဖြေပေးစေခါ ဘယ်ဘက်လက်ချောင်းကလေးများအား ကိုင်ဆောင်ထားခဲ့သော တူဖြင့်ထုရိုက်ချေခဲ့သည်။

စူးနစ်လှသော အော်သံများထွက်ပေါ်လာခဲ့သည်က ထိုအခန်းတစ်ခုလုံး ပဲ့တင်ထပ်သွားစေသည်။ အောင်ကိုသည်လည်း ရင်နာနာဖြင့် စာမိအား ချုပ်နှောင်ထားပေးရသည်။ ဆရာဝန်ကြီးမှာမူ လွန်စွာစိတ်ရူးပေါက်ခါ စာမိ၏လက်ချောင်းကလေးများအား ကိုင်ဆောင်ထားခဲ့သော တူဖြင့်စိတ်ရှိတ်ိုင်းသာလျင် ထုရိုက်နေခဲ့သည်။ အရိုးများစွာ ကြေမွလျက် လက်ချောင်းများမှ သွေးများစွာ စီးကျလာခဲ့သည်။

''မောင်စန်းမြင့်… ဒီကောင့်လျှာကိုဖြတ်စမ်း''
''ဟုတ်ကဲ့ဆရာ''

အနီးတွင်ရှိနေသော မောင်စန်းမြင့်အား ထိုသို့ခိုင်းစေသည်။ မောင်စန်းမြင့်သည်လည်း ဆရာဝန်ကြီး၏ နှုတ်မှစေခိုင်းလိုက်သည်နှင့် စာမိ၏လျှားအား ဖြတ်ယူရန် ပြင်ဆင်လေတော့သည်။

''တောသား!… သူ့ပါးစပ်ကိုဖြဲထားစမ်း''
''ဟင်…''
''ပါးစပ်ကိုဖြဲထားစမ်းလို့… ဘာလဲမင်းကြောက်နေတာလား မင်းပြောတော့ လူမိုက်ဆို ဖြဲ''
''ဘာလိုကြောက်ရမှာလဲ လုပ်''

တကယ်ပင်လျင် သူတစ်ယောက် ယခုအခါမှ မျက်မြင်ကိုယ်တွေ့ ရက်စက်လွန်းလှသော ထိုသူများနှင့် ကိုယ်တွေ့ကြုံဆုံနေရသည်။ ရက်စက်လွန်းသည်က ဆယ်ချောင်းသော လက်ချောင်းကလေးများအား စိတ်ကြိုက်ထုရိုက်စေကာ ယခုအခါတွင်လည်း ထိုလူငယ်၏လျှာအား တကယ်ပင်လျင်ဖြတ်စေရန် မောင်စန်းမြင့်တစ်ယောက် အောင့်ကိုအား ပါးစပ်ဖြဲထားရန် စေခိုင်းစေခဲ့သည်။ အောင်ကိုသည်လည်း လွန်စွာတုန်လှုပ်သွားမိသည်။ ထိုဆေးရုံရှိဆရာဝန်များဟာ မိမိထင်မှတ်ထားခဲ့သော အတွေးများထက်ပင် ပို၍ ရက်စက်လွန်းလှကြောင်း သိရှိလိုက်ရသည်။

မောင်စန်းမြင့်၏စကားနာထိုးမှု့များအပါဝင် ဆရာဝန်ကြီးသည်လည်း မိမိအား စူးစိုက်စွာအကဲခတ်နေသည်ကြောင့် တောသားအောင်ကိုမှာမူ စိတ်မကောင်းစွာနှင့် စာမိ၏ပါးနှစ်ဖက်အား လက်ဖြင့်ညစ်ပေးနေခဲ့သည်။ စာမိ၏မျက်လုံးအိမ်မှ မျက်ရည်များ စီးကျနေခဲ့ပြီး မိမိအား ထိုကဲ့သို့ မပြုလုပ်ပါနှင့်ဟု သူတစ်ယောက် ပြောဆိုချင်နေပုံရသည်။ သို့သော်လည်း မောင်စန်းမြင့်တစ်ယောက် ရဲတင်းစွာဖြင့် စာမိ၏ပါးစပ်အတွင်းမှ အနီးရောင်ခပ်သန်းသန်းဖြစ်နေသော လျှာအား ညှပ်ဖြင့်ဆွဲထုတ်ခါ ထက်မြတ်လှသော ကတ်ကြေးဖြင့် ညှပ်ထုတ်လိုက်လေသည်။

ဝူးဝူး ဟူသော အသံဟာ စာမိ၏ပါးစပ်မှ ထွက်ပေါ်လာသည်။ ပါးစပ်အတွင်းမှ သွေးများစွာလည်း စီးကျလာခဲ့သည်။ ကြမ်းပြင်အပေါ်၌ လူးလိမ့်သွားခဲ့သော စာမိအား မောင်စန်းမြင့်နှင့်ဆရာဝန်ကြီးတို့မှာ စူးစိုက်စွာကြည့်စေခါ ဟားတိုက်ရယ်မောစေသည်။ အောင်ကိုသည်လည်း ရက်စက်လွန်းလှသော ထိုသူများ၏အပြုမူများအား မျက်ဝါးထင်ထင်မြင်တွေ့စေခါ ရင်နာနာဖြင့် လိုက်လျောညီထွေစွာ ဟားတိုက်ရယ်မောစေခဲ့ရသည်။

''ဘာတတ်နိုင်သေးလဲ! မင်းအခုတော့ ဘာတတ်နိုင်သေးလဲဟမ်!… ခွေးကောင် သေစမ်းကွာ သေစမ်းကွာ''
''ဆရာ… ဒီကောင့်ကို ကန်မနေပါနဲ့တော့ ဆရာ့ခြေထောက်တွေ နာကုန်လိမ့်မယ် ဒီတူနဲ့သာ တစ်ခါတည်းထုသတ်ပစ်လိုက်''
''သူ့ကိုမသတ်ချင်သေးဘူး… ဒီ့ကောင့်ကို ဒီလိုဘဝမျိုးနဲ့ လူအဖြစ်ထားလိုက်မယ် တစ်သက်လုံး သူဘာမှလုပ်စားလို့မရတော့ဘူးပေါ့ကွ… ဟားဟားဟား''
''ဒါဆို ဒီကောင့်ကိုဘယ်လိုလုပ်မလဲ''
''ဒီအခန်းထဲမှာပဲထားလိုက်…''
''ဟုတ်ကဲ့ဆရာ''
''သန်းနိုင်တစ်ယောက် ကြာလှချည်လား အခုထိ ငါ့ဆီပြန်ရောက်မလာသေးဘူး အောက်မှာများ တစ်ခုခုဖြစ်နေလားမသိဘူး… မောင်အောင်ကိုနဲ့ မောင်စန်းမြင့် ဒီကောင့်ကို အခန်းထဲမှ တံခါးပိတ်ထားလိုက် အစာလဲမကျွေးနဲ့ ရေလဲမတိုက်နဲ့ ငါသန်းနိုင်ဆီ ခဏလိုက်သွားဦးမယ်''
''ဟုတ် စိတ်ချပါဒေါက်တာ''

အခန်းတွင်း၌မူ စာမိတစ်ယောက် လွန်စွာနာကြင်လှသောကြောင့် အော်ဟစ်ပစ်လိုက်ချင်သည်။ သို့သော်လည်း သူ၏လျှားအား ရက်စက်စွာ အဖြတ်ခံလိုက်ရခါ မပီသသော ညည်းညူသံများနှင့် ညည်းထွားနေခဲ့ရသည်။ လက်ချောင်းကလေးများမှာလည်း ကျိုးကြေ ကြေမွနေခဲ့ရပြီး တဆတ်ဆတ်တုန်ခါနေခဲ့သည်က သနားစဖွယ်ကောင်းလှသည်။ သို့သော်လည်း ရက်စက်စွာပြုမူခဲ့သည့် လူသတ်သမားများမှာ တဟားဟားရယ်မောမပျက်ခဲ့ချေ။ ထိုသို့ပြုမူခံလိုက်ရခြင်းကြောင့် သူ၏စိတ်များဟာလည်း သွေးပျက်လုမတတ်ဖြစ်နေခဲ့ရပြီး အမြင်အာရုံထဲ၌ မိမိ၏လျှာအား ရက်စက်စွာဖြတ်ပစ်ခဲ့သော ရဲဝတ်စုံနှင့်မောင်စန်းမြင့်ကိုသာ မြင်ယောင်ကြောက်လန့်နေခဲ့သည်။

မောင်စန်းမြင့်နှင့် မောင်အောင်ကိုအား တာဝန်ပေးစေခါ ပထမအထပ်သို့ စေခိုင်းလိုက်သော ဒေါက်တာသန်းနိုင်တစ်ယောက် အချိန်ကြာမြင့်စွာ ပြန်လည်ရောက်ရှိမလာခဲ့ခြင်းကြောင့် ဆရာဝန်ကြီးမှာမု ပထမအထပ်သို့ ဆင်းသတ်သွားခဲ့သော ဒေါက်တာသန်းနိုင်၏အနောက်သို့ လိုက်ပါသွားခဲ့ချေသည်။

                                *****
''ဒေါက်တာ ကျွန်တော်တို့လူနာအခြေနေလေး''
''ကျွန်တော်တို့အစွမ်းကုန် ကုသပေးသွားမှာပါ… ဒါပေမယ့် ခင်ဗျားတို့လူနာ ဆေးရုံရောက်လာတာ နည်းနည်းနောက်ကျသွားတယ် သူ့မှာ သွေးအားအရမ်းနည်းနေတယ်… ဒါကြောင့် အခုလောလောဆယ်တော့ သတိရလာမှာမဟုတ်သေးဘူး အသက်အန္တရယ်တော့ သိပ်မစိုးရိမ်ရတော့ပါဘူး''
''ဗျာ… အခုလောလောဆယ် သတိမရနိုင်ဘူးလားဒေါက်တာ''
''ဟုတ်တယ်… ဒါနဲ့ခင်ဗျားတို့လူနာ ဘယ်လိုဖြစ်ပြီး ဒီလိုဒဏ်ရာတွေ ရလာရတာလဲ''
''ဟူး… ကျွန်တော်တို့လဲမသိဘူး… သူ့ကကျွန်တော့မိတ်ဆွေတစ်ယောက်ပါ… ဒီနယ်အပိုင်အဝေးပြေးလမ်းမကြီးမှာ ကားကြီးတိမ်းမှောက်မှု့နဲ့ ကျွန်တော့မိတ်ဆွေတွေ ပတ်သတ်နေတယ်… သူသတိရလာမှ အဖြစ်အပျက်တွေ အားလုံးမေးလို့ရနိုင်မှာ''

''ဟင်… ဒါဆိုခင်ဗျားတို့လဲ ဒီလူ ဒီဒဏ်ရာတွေ ဘယ်လိုဖြစ်ပြီးရခဲ့တာလဲဆိုတာ မသိဘူးပေါ့''
''ဟုတ်ပါတယ်ဒေါက်တာ… သူ့ကိုကယ်လာတဲ့ ရဲအရာရှိတစ်ယောက်လည်း အသတ်ခံလိုက်ရတယ်… ရဲအရာရှိအလောင်းဘေးမှာ သူ့ကိုတွေ့ခဲ့တာပဲ ဒါနဲ့… သူ့ဒဏ်ရာတွေကိုကြည့်ရတာ ရဲအရာရှိကြီးနဲ့တူတူ တစ်ချိန်တည်းမှာ ရခဲ့တဲ့ဒဏ်ရာတွေနဲ့ မတူဘူး လူနာအပေါ် ဒေါက်တာ့အမြင်လေး ကျွန်တော့တို့ကို တဆိတ်လောက်ပြောပြပေးနိုင်မလား''

''အင်း… ဟုတ်တယ် သူ့ဒဏ်ရာတွေက အနည်းဆုံး ၂ရက်ကြာနေပြီး ကျွန်တော်တို့ဆေးစစ်ချက်အရ လူနာရဲ့ ပင်မသွေးကြောမကြီးတွေ အဖျက်ခံထားရတယ်… ဒီလိုသွေးကြောဖျက်နိုင်တဲ့ နည်းဆိုတာ သာမာန်လူတွေမလုပ်နိုင်ဘူး ဆေးပညာကျွမ်းကျွမ်းကျင်ကျင် တတ်မြောက်ထားတဲ့ ဆေးဆရာဝန်တွေလောက်ပဲ ကျွမ်းကျွမ်းကျင်ကျင်လုပ်နိုင်မှာ… တစ်ခြားသူတစ်ဦးတစ်ယောက်က အခုလိုသွေးကြောတွေကို ဖြတ်ပစ်ထားမယ်ဆိုရင် နည်းစနစ်မကျတာနဲ့ လူနာက သွေးထွက်လွန်ပြီးသေမှာသေချာတယ်''
''ဒေါက်တာပြောပုံအရဆိုရင်… လူကိုအသေမသတ်သေးပဲ မသေမရှင်နဲ့ ထွက်ပြေးလို့မရအောင် သွေးကျောတွေက်ို တမင်သတ်သတ်ဖြတ်ထားတယ် ဆိုတဲ့သဘောမျိုးပေါ့''

''ဟုတ်တယ်… ခင်ဗျားပြောသလိုပဲ… ဒါဟာ ရာဇဝဏ့်မှု့တစ်ခုခုနဲ့ ညိစွန်းနေတာသေချာတယ်… လူနာက အခုရက်ပိုင်းတွေမှာ လုံးဝသတိလည်လာမှာ မဟုတ်သေးဘူး… လူနာသတိလည်လာမှ မေးမယ်ဆိုရင် ခင်ဗျားတို့နောက်ကျသွားရလိမ့်မယ်… ဒီတော့ သူနဲ့ဆက်စပ်ပြီး ခင်ဗျားတို့ဘက်က စုံစမ်းစရာရှိတာတွေ စုံစမ်းထားရင် ပိုကောင်းလိမ့်မယ်လို့ ကျွန်တော်ထင်တယ်နော်''
''ဟုတ်ကဲ့ဒေါက်တာ… ကျေးဇူးပါပဲ သွေးကြောတွေအဖြတ်ခံလိုက်ရတယ်ဆိုတော့ တကယ်လို့ ကျွန်တော့မိတ်ဆွေ သတိပြန်ရလာရင် လူကောင်းပကတိအတိုင်း ပြန်ဖြစ်လာမှာလားဒေါက်တာ''
''အင်း… လူခန္ဓာကိုယ်မှာ အဓိကကျတဲ့ သွေးကြောမကြီးတွေကိုးမှ အဖြတ်ခံထားရတယ်ဆိုတော့ အရင်လို လူကောင်းပကတိပြန်ဖြစ်ဖ်ု့တော့ ၂၀ရာခိုင်နှုန်းလောက်ပဲရှိတော့တယ်''
''ဗျာ!…"

        မိတ်ဆွေဖြစ်သူတန်ခိုးအား ရဲအုပ်မောင်ဝင်းတစ်ယောက် နီးစပ်ရာဆေးရုံဆီသ်ုိ့ ပို့ဆောင်ပေးစေခဲ့သည်။ ဆေးရုံရှိဆရာဝန်ကြီးများမှာလည်း တန်ခိုးအား အစွမ်းကုန်ကုသပေးခဲ့ပြီး သူတစ်ယောက် ယခုအချိန်ထိ သတိမလည်လာခဲ့သေးချေ။ သတိလာလည်ခါမှ မိတ်ဆွေဖြစ်သူအား အဖြစ်ပျက်များ မေးမြန်းစရာများ ရှိသေးသည်။ သို့သော် ဆရာဝန်ကြီးဆို၏။ လူနာမှာ သုံးလေးရက်အကြာ မေ့မျောနေနိုင်သေးသည်။ ပို၍ပင်ဆိုးသည်က သွေးကြောမကြီးများ အဖြတ်ခံထားရသော မိတ်ဆွေဖြစ်သူ တန်ခိုးတစ်ယောက် သတိပြန်လည်ရရှိလာခဲ့လျင်လည်း လူကောင်းပကတိအတိုင်း ပြန်လည်ဖြစ်လာရန် အလွန်ပင်ခက်ခဲသွားပြီးဟု ပြောဆိုလေခဲ့သည်။

    ဆေးရုံအုပ်ကြီး၏ ထိုသို့သော အဖြေများကြောင့် ရဲအုပ်မောင်ဝင်းမှာမူ မိတ်ဆွေဖြစ်သူအား အလွန်ပင်စိုးရိမ်သွားခဲ့ရလေသည်။ မိတ်ဆွေဖြစ်သူ သတ်ိပြန်လည်ရရှိလာမည့် အချိန်အား စောင့်မျော်နေခြင်းထက် သံသယရှိသော ပတ်ဝန်းကျင်ကိုသာ လေ့လာစုံစမ်းရန် ဆုံးဖြတ်လိုက်ချေသည်။

''ဆရာဝန်ကြီးပြောပုံအရဆိုရင်… အခုသံသယအရှိဆုံးပစ်မှတ်က မြို့မဆေးရုံပဲ… ကျုပ်တို့အားလုံး အဲ့ဒီ့ဆေးရုံကို ထပ်သွားကြမယ်''
''စခန်းမှူးကိုထိန်ဝင်း နယ်ထိန်းကိုကြည်ဦး… ကိုကြည်ဦးကတော့ အသက်ခံလိုက်ရမှန်း တိတိကျကျသိရပေမယ့် ကိုထိန်ဝင်းရဲ့ သတင်းကတော့ အခုချိန်ထိ အစနပျောက်နေတယ် သေသလားရှင်သလားလည်းမသိဘူး… ကိုင်းအဲ့ဒီတော့ အားလုံးပြင်ဆင်ကြပါ… ကျုပ်တို့အားလုံး အခုချက်ခြင်း မြ်ု့မဆေးရုံကို ထပ်သွားရမယ်''

   မိတ်ဆွေဖြစ်သူ တန်ခိုးအား နယ်မြေပိုင်ဆေးရုံအတွင်း၌ ရဲသားများနှင့် အစောင့်ထားစေခါ ရဲအုပ်မောင်ဝင်းနှင့်အဖွဲ့မှာမူ အပိုင်စခန်းဆီသို့ ပြန်လညိရောက်ရှိလာခဲ့ကြပြီး မြို့မဆေးရုံဆီသို့ ယခုချက်ချင်းပင်အရောက်သွားကြရန် ဆုံးဖြတ်ချေခဲ့သည်။ စခန်းအတွင်းမှ ထွက်ခွာမည်အလုပ် တာဝန်စားပွဲအပေါ်မှ ဖုန်းမြည်သံ ရုတ်တရက်ထွက်ပေါ်လာခဲ့လေသည်။

"ဟယ်လို… (   )အပိုင်စခန်းကပြောနေပါတယ်''
''ကိုမောင်ဝင်းလားခင်ဗျ''
''ဟုတ်ပါတယ်… ကျွန်တော်မောင်ဝင်းပါခင်ဗျာ''
''ကျွန်တော်ခင်မောင်စိုးပါ… ကိုကြည်ဦးအကြောင်းကြားရတာ ကျွန်တော်တို့တကယ်ကိုး စိတ်မကောင်းဖြစ်မိပါတယ်… နယ်မြေပိုင်စခန်းမှူးကြီး ကိုထိန်ဝင်းရဲ့ သတင်းအစနရော ကိုမောင်ဝင်းသဲလွန်စ ရပြီးလားသိချင်တာနဲ့ ဆက်ကြည့်တာပါ''
''ဟုတ်ကဲ့ ကိုခင်မောင်စိုး… ကိုထိန်ဝင်းရဲ့ သတင်းအစနကတော့ အခုချိန်ထ်ိ ဘာသဲလွန်စမှ မရသေးပါဘူး ကျွန်တော်မောင်ဝင်းလည်း အခုလိုအချိန်တွေ ကြန့်ကြာနေရတဲ့အတွက် အရှက်ရမိပါတယ်''
''မဟုတ်တာပဲ… အဲ့ဒီနယ်မှာ ကားကြီးတိမ်းမှောက်မှု့ နယ်မြေပိုင်စခန်းမှူးကြီး ပျောက်ဆုံးမှု့ နယ်ထိန်းအရာရှိအသတ်ခံရမှု့ ပြီးတော့ ဒဏ်ရာတွေနဲ့ လူငယ်တစ်ယောက် … ပြသနာတွေအားလုံး ဒီလောက်ရှုတ်နေတာ ကိုမောင်ဝင်းဘဟ်လောက်ထိ စိတ်ညစ်နေရမယ်ဆိုတာ ကျွန်တော်တို့နားလည်ပါတယ်''
''ကျွန်တော်တို့ဌာနကလဲ အဲ့ဒီနယ်ကို ဒီနေ့ပဲ အားလုံးအရောက်လာခဲ့ပြီး တိကျတဲ့ သက်သေတစ်ခု ကိုမောင်ဝင်းနဲ့ ပူးပေါင်းရှာရတာပေါ့''
''ဟုတ်ကဲ့ ကိုခင်မောင်စိုး… ဗဟိုဌာနချုပ်က အရာရှိတွေဘယ်အချိန်လောက် ဒီနယ်ကို ရောက်ဖြစ်မလဲ ပြောနိုင်မလားခင်ဗျ''
''ဟုတ်ကဲ့… မွန်းလွဲ၃နာရီလောက် အဲ့ဒီနယ်ကို အရောက်လာမှာပါ… ကျွန်တော်ပြောချင်တာ ဒါပါပဲကိုမောင်ဝင်း… ကိုမောင်ဝင်းလုပ်စရာရှိတာတွေ ဆက်လုပ်ပါ''
''ဟုတ်ကဲ့လေးစားလျက်ပါကိုခင်မောင်စိုး''

       သိရှိလိုက်ရ၏။ ဗဟိုဌာနမှ ရဲအရာရှိများ ထိုနယ်လေးဆီသို့ ယနေ့မွန်းလွဲအချိန်တွင် အရောက်လာကြမည်ဟု ပြောဆိုခဲ့သည်။ ကိုမောင်ဝင်းသည်လည်း လက်ပတ်နာရီအား ကြည့်မိသည်။ အချိန်ကား မနက်၉ခွဲကျော်မျှသာ ရှိနေသေးသည်ဖြစ်သောကြောင့် သူ၏ဦးတည်ရာဖြစ်သော ရဲသားများနှင့် မြို့မဆေးရုံဆီသို့ ထွက်ခွာရန် ဟန်ပြင်လိုက်စေသည်။

                           *****
''ဟင်!… မင်း… မင်းဒါ…ဒါဘာလုပ်တာလဲ''
''ပါးစပ်ပိတ်ထား အသံမထွက်နဲ့… ထစမ်း… ကျုပ်သူငယ်ချင်းတွေ ဘယ်မှာလဲ ခင်ဗျားတို့ဖမ်းထားတဲ့ ကျုပ်သူငယ်ချင်းတွေ ဘယ်မှာလဲ… ဟေ့လူ ပြောလေ ပြောစမ်း''
''ရှိ… ရှိပါတယ်''
''ဘယ်မှာလဲ သူတို့ဘယ်မှာလဲ''

''ထီးလေး… သူ့ကိုဓားနဲ့ချိန်ပြီး မြေညီထပ်ကိုဆင်း… ပြီးတော့မှ ရှင့်သူငယ်ချင်းတွေကိုမေး… သူ့ကိုအကြပ်ကိုင်ပြီး ထွက်ပေါက်အထိ ရှင်တို့သွား''
''မင်း… မင်းငါ့အနားမှာပဲနေ… လာ … အနောက်ကိုမြန်မြန်လာ''
''ရတယ်… ကျွန်မကိုဂရုမစိုက်နဲ့ ရှင်သာသူ့ကို မလွတ်သွားစေနဲ့''

''ထစမ်း… ခင်ဗျားထစမ်း… လူသတ်သမားတွေ ထ''

  ပတ်ဝန်းကျင်အား သတိမထားမိ။ အခန်းတွင်းမှ ရုတ်တရက်ထွက်ခွာလိုက်သော ဒေါက်တာသန်းနိုင်အား ထီးကလေးမှာမူ ခြေထိုးခံလျက် လဲကျသွားသော ဒေါက်တာသန်းနိုင်အား ဓားမြောင်လေးဖြင့် လည်ပင်ဆီသို့ချိန်ဆထားခဲ့သည်။ ထို့နောက် ဝိဥာဉ်မလေးပြောဆိုသည့်အတိုင်း မြေညီထပ်ဆီသို့ ဒေါက်တာသန်းနိုင်အား အကြပ်ကိုင်ခါ ဆင်းသတ်ရန် ရွယ်လိုက်စေသည်။ ဒေါက်တာသန်းနိုင်သည်လည်း လူသားများအား ရက်စက်စွာသတ်ပစ်ခဲ့သမျှ သူ၏အလှည့်တွင်မူ သွေးရူးသွေးတမ်းဖြစ်နေသော ထီးကလေးတစ်ယောက် သူ့အားသတ်ပစ်လိုက်မည်ကို လွန်စွာစိုးရိမ်နေခဲ့ရသည်။

    ထို့ကြောင့် စိုးရိမ်စွာဖြင့် လဲကျနေရာမှ ကြုံးရုံးထစေခါ ထီးကလေး၏ ခေါ်ဆောင်ရာနောက်သို့ တရွှေ့ရွှေ့လိုက်ပါသွားရင်း မြေညီထပ်သို့ ဆင်းသတ်နိုင်သော လှေကားဆီသို့ ရောက်ရှိလာခဲ့သည်။ မြေညီထပ်မှ အပေါ်ထပ်များဆီသို့ တတ်ရောက်ရန်လှမ်းနေခဲ့သော လူသတ်သမားများသည်လည်း ဒေါက်တာသန်းနိုင်နှင့် ထီးကလေးတို့၏ မြင်ကွင်းများအား မြင်တွေ့သွားစေသည်။ လက်နတ်များကိုင်ဆောင်ထားရင်း ထီးကလေးအား စတင်တိုက်ခိုက်ရန် ဟန်ပြင်လိုက်သည်။

  သို့သော်လည်း ထိုသူတို့၏ ခေါင်းဆောင်တစ်ဦးဖြစ်သော ဒေါက်တာသန်းနိုင်မှာမူ ထီးကလေးတစ်ယောက် မိမိအားဇွတ်တရွတ် သတ်ပစ်မည်ကိုစိုးရိမ်၍ သူ၏လူများအား လက်နတ်များချရန် ပြောဆ်ိုခဲ့သည်။ ပတ်ဝန်းကျင်အား မျက်စိ နား နှစ်ပါးစလုံးစွန့်ခါ မြေညီထပ်ဆီသို့ တရွှေ့ရွှေ့ရောက်ရှိလာခဲ့သည်။

   ခြောက်လုံးပြုးသေနတ်အား ကိုင်ဆောင်ထားစေရင်း ဆရာဝန်ကြီးသည်လည်း ပထမထပ်သို့ရောက်ရှိလာခဲ့သည်။ သို့သော် ဒေါက်တာသန်းနိုင်မှာမူ မိမိစေခိုင်းလိုက်သော အခန်းတွင်း၌ရှိမနေတော့ပဲ အခန်းတံခါးမှာလည်း ပွင့်လစ်နေစေခဲ့သည်။ အပေါ်ထပ်ဆီသို့ ဒေါင့်ဘက်လှေကားမှ တတ်ရောက်သွားခြင်းလား။ မဖြစ်နိုင်ချေ။ လျင်မြန်စွာအရောက်ပြန်လာရန် မိမိကိုယ်တ်ုင်ပြောဆိုခဲ့ခြင်းကြောင့် အလယ်လှေကားဆီမှ ဒေါက်တာသန်းနိုင် တတ်ရောက်လာမည်မလွဲချေ။ သို့သော်လည်း အလယ်လှေကားဆီမှ မိမိကိုယ်တိုင် ပထမထပ်သို့ဆင်းသတ်လာခဲ့ခြင်းဖြစ်ပြီး ဒေါက်တာသန်းနိုင်နှင့် မဆုံတွေ့ခဲ့ချေ။

ထို့ကြောင့် မိမိ၏အားကိုးအားထားပြုရသော ဒေါက်တာသန်းနိုင်တစ်ယောက် တစ်စုံတစ်ခု အန္တရယ်ကျရောက်နေပြီဟု တွက်ဆမိစေခါ ကိုင်ဆောင်ထားသော သေနတ်အား မြောက်ကိုင်လျက် မြေညီထပ်ဆီသို့ အပြေးဆင်းသတ်ရန် ရွယ်လိုက်ချေသည်။ လှေကားအရင်း၌လည်း မိမိပါလျင် အန္တရယ်အတွင်းသို့ ကျရောက်သွားခဲ့လျင် မိမိ၏လူများသိရှိစေရန် အလို့ငှာ ကြက်ခြေခတ်အမှတ်သား ပြုလုပ်ထားခဲ့စေသည်။ တွေ့ရှိလိုက်ရ၏။ မိမိ၏သူငယ်ချင်းဖြစ်သူအား နောက်ကျောမှနေ၍ ဓားမြောင်ဖြင့် ချိန်ဆထားခဲ့သော လွတ်မြောက်နေခဲ့သည့် လူငယ်တစ်ဦး။

''အစ်ကိုအောင်!… အစ်ကိုအောင် သူ… သူတို့တွေက လူသတ်သမားတွေ… မျှားကလေးတို့ကိုဖမ်းထားကြတယ်… ခင်ဗျားဘယ်မှာလဲ အစ်ကိုအောင် ကျွန်တော်ပြောနေတာကြားလား… ကြားလား''
''ဟေ့လူ… ခင်ဗျားရှေ့တိုးမလာနဲ့ သေနတ်ချ…  ပြောနေတာမကြားဘူးလား… သူ့ကိုကျုပ်သတ်ပစ်လိုက်မှာနော်''
''ဟေ့… မင်းတို့လဲအနားကပ်မလာနဲ့… အားလုံးဝပ်နေကြ… ဟေ့လူ… ခင်ဗျားလူတွေက်ုပြော''
''စွန်… စွန်ရဲ… သူငယ်ချင်း''
''ဟာကွာ… ''
''မလုပ်နဲ့… ''

    မည်သည့်အခါမှ ထိုကဲ့သို့သော အဖြစ်မျိုးနှင့်ကြုံတွေ့ရလိမ့်မည်ဟု သူတစ်ယောက် မတွေးမိခဲ့ချေ။ ထို့ကြောင့် ယခု သွေးရူးသွေးတမ်းများနှင့် မြေညီထပ်မှတဆင့် ဆေးရုံဆီသို့ရောက်ရှိနေခဲ့သော မိတ်ဆွေဖြစ်သူ အစ်ကိုအောင်အား တမ်းတအော်ပြောနေမိသည်။ သို့သော် သူတစ်ယောက်ပြောဆိုနေသော စကားသံများအား အစ်ကိုတစ်ယောက် ကြားသိနိုင်မည်လား။ ဆရာဝန်ကြီးမှာလည်း မိမိ၏အားကိုးအားထားပြုနေရသော ဒေါက်တာရဲမောင်နှင့် ဒေါက်တာသန်းနိုင် နှစ်ဦးအနက် ဒေါက်တာရဲမောင်တစ်ယောက် သေဆုံးသွားခဲ့ရလေပြီဖြစ်သည်။

ယခုဒေါက်တာသန်းနိုင်အား ထပ်မံ၍ ဆုံးရှုံးမည်ကိုပင် စိုးရိမ်နေခဲ့သည်မှာ အမှန်ပင်ဖြစ်လှသည်။ သို့သော်လည်း ကိုင်ဆောင်ထားခဲ့သော သေနတ်ကိုပင် မချချင်။ လည်ပင်းဆီသို့ ဓားမြောင်ဖြင့် ချိန်ဆထားခဲံသော ထီးကလေး၏နှုတ်မှ စိတ်မရှည်သည့် လေသံကိုပင် ကြားလိုက်ရမှသာလျင် ကိုင်ဆောင်ထားခဲ့သော သေနတ်အားပစ်ချလိုက်လေသည်။

   (ဖုန်းမြည်သံ)
  ဆရာဝန်ကြီး၏အိတ်ကတ်အတွင်းမှ လက်ကိုင်ဖုန်းလေး မြည်လာ၏။ သို့သော်လည်း သူတစ်ယောက် ထုတ်ယူပြောဆ်ု၍ မဖြစ်နိုင်။ ထီးကလေး၏ ကြမ်းပြင်အပေါ်သို့ မှောက်လျက်အနေထား ပြုမူနေစေခိုင်းခြင်း ခံထားရသည်။

''ဟာ!…ဒုက္ခပါပဲ… ရဲစုတ်တွေထပ်လာနေပြီ ဘာဖြစ်လို့ဆရာဝန်ကြီး ဖုန်းမကိုင်ရတာလဲ''
''ဟင်… ဒေါက်တာသန်းနိုင်လဲ မကိုင်ပါလား… တစ်ခုခုဖြစ်နေကြပြီးနဲ့ထင်တယ် စန်းမြင့်… စန်းမြင့်ဆီ တစ်ချက်လောက်ဆက်ကြည့်ဦးမှ''

ကိုင်ဆောင်ခွင့်မရနိုင်။ လမ်းစောင့် လူသတ်သမား ရှမ်းကြီးတစ်ယောက် ခေါ်ဆိုနေခဲ့ခြင်းဖြစ်သည်။ ရဲအုပ်မောင်ဝင်းနှင့်အဖွဲ့ဟာလည်း ဆေးရုံဆီသို့ တိုက်ရိုက်ရောက်ရှိနိုင်သော လမ်းလေးဆီမှ မော်တယ်ဆိုင်ကယ်ကိုယ်ဆီနှင့် လှမ်းလာနေခဲ့ပြီးဖြစ်သည်။

''ဟလို… ပြော… ရှမ်းကြီး… ဘာအကြောင်းထူးလို့လဲ''
''ဟာကွာ… တော်သေးတာပေါ့…  ဆရာဝန်ကြီးတွေဖုန်းကို ငါခေါ်နေတာ တစ်ယောက်မှမကိုင်ကြဘူးကွ… သူတို့တစ်ခုခုဖြစ်နေကြပြီလားမသိဘူး… စန်းမြင့် မင်းအခုဘယ်မှာလဲ''
''ငါ… အခန်းတစ်ခုတည်းမှာ ဘာဖြစ်လို့လဲ မြန်မြန်ပြော''
''အေး… ငါတို့ဆေးရုံဆီကို ရဲတွေဦးတည်သွားနေကြပြီ… အဲ့ဒါလှမ်းပြောတာပဲ… ဆေးရုံမှာ ဟန်မပျက်စေနဲ့''
''ဟင်… ဟုတ်ပြီဟုတ်ပြီ မင်းအဲ့မှာ စောင့်ကြည့်ထား… ငါဆရာဝန်ကြီးတွေကို အခုချက်ချင်းအကြောင်းသွားကြားမယ်''

    ဦးတည်လာနေပြီဖြစ်၏။ ရဲအုပ်မောင်ဝင်းဦးဆောင်သော အဖွဲ့။ မောင်စန်းမြင့်သည်လည်း တစ်ဖက်ဖုန်းမှ ပြောစကားများအား နားစွင့်နေခဲ့ရင်း လွန်စွာပြာယာခတ်သွားသည်များအား နံဘေး၌ရှိနေသော တောသားအောင်ကိုတစ်ယောက် နားမလည်နိုင်။ မည်သည့်အကြောင်းများဖြစ်သနည်းဟု သူတစ်ယောက်မသိခဲ့ချေ။

''လာလာ… တောသား… မင်းပါလိုက်ခဲ့ ဆရာဝန်ကြီးတွေဆီ အမြန်သွားမှဖြစ်မယ်''
''ဒီကောင့်ကိုရော…"
"အဲ့မသာကို ထားခဲ့… သူဟာသူ သွေးထွက်လွန်ပြီး လျောသွားလိမ့်မယ်''
''ကဲအားလုံး မင်းတို့လဲ တစ်နေရာဆီ လူခွဲနေကြ… ငါအချက်ပြလိုက်မယ် အဲ့ဒီအခါကြမှ အားလုံးထွက်ခဲ့ကြ ကြားကြလား''
''ဟုတ်ကဲ့ဆရာ… ''
''ကဲကောင်းပြီ သွားကြ''

လွန်စွာပြာယာခတ်နေ၏။ မောင်စန်းမြင့်တစ်ယောက်။ အဘယ်ကြောင့် ထိုကဲ့သို့ပြာယာခတ်နေရသနည်း။ နံဘေး၌ရှိနေသော အောင်ကိုတစ်ယောက် မည်သို့မှပင်နားမလည်နိုင်။ မိမိအား လက်ဆွဲလျက် မောင်စန်းမြင့်တစ်ယောက်သည်လည်း ပထမအထပ်သို့ အပြေးဆင်းသတ်လာသည်။ ပထမထပ်လှေကားဆီသို့အရောက် မြင်တွေ့လိုက်ရ၏။ လှေကားအရင်း၌ ကြက်ခြေခတ်အမှတ်သား ပြုလုပ်ထားခဲ့သော အချက်ပြ သင်္ကေတပင်ဖြစ်သည်။ ထိုသင်္ကေတအား မောင်စန်းမြင့်တစ်ယောက် ကောင်းစွာသဘောပေါက်စေသည်။ ဆရာဝန်ကြီးများ တစ်စုံတစ်ခုသော အန္တရယ်နှင့်ရင်ဆ်ုင်နေရသည်မှာ သေချာလှလေပြီး။ ထို့ကြောင့်

''တောသား… မင်းလှေကားအတိုင်း မြေညီထပ်ကိုမြန်မြန်ဆင်း ဆရာဝန်ကြီးတွေက်ု တွေ့အောင်ရှာ''
''ခင်ဗျားက ဘယ်သွားမလို့လဲ''
''စကားမရှည်နဲ့ ငါပြောတဲ့အတိုင်းပဲလုပ်… ဆရာဝန်ကြီးတွေ အန္တရယ်တစ်ခုခုဖြစ်နေပြီ သွား…သွားတော့ မင်းသွားတော့''

    ထိုသို့ပြောဆိုစေကာ တောသားအောင်ကိုအား လှေကားအတိုင်း မြေညီထပ်သို့ဆင်းသတ်ရန် ပြောဆိုစေခဲ့သည်။ မောင်စန်းမြင့်မှာမူ လူသတ်ပုဆိန်အား ဆွဲကိုင်လျက် ပထမအထပ် တစ်ခုတည်းသော ပြတင်းပေါက်မှ ခုန်ချသွားခဲ့သည်။ သူ၏ရည်ရွယ်ချက်မှာ ဆေးရုံနံဘေးမှတဆင့် မြေညီထပ်ထွက်ပေါက်ဆီသို့ တိတ်တဆိတ်သွားရောက်မည်ဖြစ်သည်။

  စန်းမြင့်၏စေခိုင်းချက်ဖြင့် အောင်ကိုသည်လည်း မြေညီထပ်ဆီသို့ ကြောင်တောင်တောင် ရောက်ရှိလာခဲ့ပြီး မြေညီထပ်၌ လူသတ်ဆရာဝန်များနှင့် လူငယ်လေးတစ်ဦး၏ အဖြစ်ပျက်များအား မြင်တွေ့လိုက်ရသည်။
   တောသားအသွင် သို့မဟုတ် လူမိုက်အယောင် ဆောင်ထားခဲ့သော မိတ်ဆွေအစ်ကိုအောင်သည်လည်း ညီအစ်ကိုရင်းသဖွယ် ထီးကလေးအား မျက်ဝါးထင်ထင်မြင်တွေ့လိုက်ရသည်ကြောင့် လွန်စွာဝမ်းသာသွားမိသည်။ သူတစ်ယောက် မသေသေးပါလား။ တော်သေးတာပေါ့လေ။ အသက်ရှင်လျက် ယခုကဲ့သို့ပြန်လည် ဆုံတွေ့လိုက်ရသည်။ သို့သော် ယခုဆုံတွေ့လိုက်ရသည့် အခြေနေဟာ ရန်သူ၏သတ်ကွင်းထဲ၌ ဖြစ်နေခဲ့ရသည်။

ထီးကလေးသည်လည်း သူ၏မိတ်ဆွေအစ်ကိုအောင်အား မြင်တွေ့လိုက်ရသည်နှင့် လွန်စွာအားများရှိသွားသည်။ ပါးစပ်မှလည်း အသံမထွက်သော စကားသံနှင့် ''အစ်ကိုအောင်''ဟု ခေါ်ဆိုမိလိုက်သည်။ အစ်ကိုအောင်သည်လည်း မိတ်ဆွေဖြစ်သူထီးကလေးအား မျက်ရိပ်မျက်ကဲများဖြင့် အချက်ပြစေသည်။ သ်ု့သော်လည်း ထီးကလေးတစ်ယောက် နားမလည်နိုင်။ မိတ်ဆွေဖြစ်သူ ထီးကလေးတစ်ယောက် မိမိ၏အမူယာများအား နားမလည်နိုင်သည်ကိုလည်း အစ်ကိုအောင်တစ်ယောက် ကောင်းစွာရိပ်စားမိချေသည်။ ထို့ကြောင့် သူသည်လည်း လူရည်လည်လွန်းလှသော လူသတ်သမားများ ရိပ်စားမိသွားမည်ကို စိုးရိမ်ခါ ဆက်လက်၍အချက်မပြတော့ပဲ ကြောင်တောင်တောင်သာ ရပ်ကြည့်နေလိုက်သည်။

                              *****
*ရက်စက်စွာ လျှားဖြတ်ခံလိုက်ရသော စာမိတစ်ယောက် မည်သို့ပင်ဖြစ်လာမည်နည်း။

*ရဲအုပ်မောင်ဝင်းနှင့်အဖွဲ့ဟာလည်း မြို့မဆေးရုံဆီသို့ ဦးတည်လာနေပြီးဖြစ်သည်။

*မိတ်ဆွေအစ်ကိုအောင်သည်လည်း ထီးကလေးနှင့်ပူးပေါင်းတိုက်ခိုက်မည်လား။ သို့မဟုတ် အင်အားကြီးလွန်းလှသော ရန်သူ၏စက်ကွင်းထဲရောက်ရှိနေသည်ဟု ထင်မှတ်ခါ တလွဲအတွေးများ တွေးသွားလေမလား။

*ဝိဥာဉ်မလေးဟာလည်း မည်သို့ပင်အကူညီပေးလိမ့်မည်နည်း။ အရာဝတ္တုများအား သူမကိုင်တွယ်နိုင်မည်လား။

*ရန်သူ့အား အကြပ်ကိုင်ထားသည့် ထီးကလေးနှင့် ဆေးရုံဆီသို့ ဦးတည်လာနေသော ရဲအုပ်မောင်ဝင်းနှင့်အဖွဲ့ ဆုံတွေ့နိုင်မည်လား။ သို့မဟုတ်
    … … အစရှိသော ဇာတ်ဝင်ခန်းများအား အပိုင်း(၂၈)တွင် ဆက်လက်ဖတ်ရှု့ပေးပါရန်

                              ****

                               *****
       ကျန်ရှိနေသော ဇာတ်လမ်းအဆက်အား
                        ()
             မြန်မာစံတော်ချိန် မွန်းလွဲ()နာရီတွင်
                  ဆက်လက်၍ဖော်ပြပေးသွားပါမည်။
                      စာရေးသူ-ထီးကလေး
                 (ရင်နှင့်ရင်း၍ရေးသားသည်)