လိုက်သူများနှင့်
လူသားစား ဆေးရုံ
အပိုင်း (၆)
စာရေးသူ - ထီးကလေး
(ရင်နှင့်ရင်း၍ရေးသားသည်)
**
*********************
လမ်းမှားရောက်ရှိလာသူများအတွက် ဆေးရုံတစ်ခုဟု ထင်မှတ်လောက်အောင် ထောင်ချောက်ဆင် ပြင်ဆင်ထားခဲ့ခြင်းဖြစ်ပြီး၊ ရိုင်တိုင်မူးဝေနေသည့် ဝကြီးမှာတော့ အဝေးမှထိုမီးရောင်လေးများ မြင်တွေ့လိုက်ရသည်ကြောင့် အစုံတစ်ခုသော အကူညီရရှိရေးအတွက် ဝမ်းသာအားရ ဦးတည်နေလေတော့သည်။
ဦးခေါင်းတွင်လည်း ပြင်းထန်လှသော ဒဏ်ရာတစ်ချို့ရရှိထားပြီး ခြေထောက်များမှာလည်း နာကျင်နေလေခဲ့သည်။ သို့သော် တိမ်းမှောက်နေသည့် ကားကြီးအတွင်း၌ အသက်ရှင်လျက်ရှိနေသေးသော မိမိ၏သူငယ်ချင်းဖြစ်သူများအား ကယ်တင်ပေးချင်သေးသည်။ အဘယ်ကြောင့်နည်း မိမိ၏ပေါ့ဆမှုကြောင့် ထိုကားကြီးမှာ တိမ်းမှောက်သွားခဲ့ရခြင်းဖြစ်သည်။
ထို့ကြောင့် မီးရောင်လေးများ မြင်တွေ့နေရသည့် အဆောက်ဦးဆီသို့ ဝကြီးမှာ မောပန်းမှုများနှင့် အရောက်လှမ်းနေခဲ့ရင်း မီးရောင်လေးများထွန်းလင်းနေသည့် အဆောက်ဦးအရှေ့သို့ စိုက်မြိုက်စွာရောက်ရှိလာခဲ့ချေသည်။ ဆောင်းညလေးပင်ဖြစ်ချေသော်လည်း ဝကြီးတစ်ကိုယ်လုံး၌ ချွေးများစွာစိုရွဲနေလေခဲ့ပြီး အဆောက်ဦးအရှေ့သို့ ရောက်ရှိလာသည်နှင့် ဦးစွာမြင်တွေ့လိုက်ရသည်က
'မြို့မ (အထွေထွေရောဂါကု ဆေးရုံကြီး)'
မီးအရောင်များဖြင့် ထွန်းလင်းနေသော ထိုဆိုင်းပုဒ်အား ဖတ်ရှု့လိုက်ရသည်။ မိမိ၏မျက်လုံးများအား ဘယ်ညာလက်နှစ်ဖက်ဖြင့် ခက်ကြမ်းကြမ်းပွတ်လိုက်ရင်း မယုံနိုင်လောက်အောင်ပင် တိုက်ဆိုင်စွာနှင့် ဆေးရုံဆီသို့စိုက်မြိုက်စွာ ရောက်ရှိလာခဲ့ရသည်။ လွန်စွာပျော်ရွှင်မိရင်း မိမိ၏သူငယ်ချင်းဖြစ်သူများသည်လည်း ကားကြီးတိမ်းမှောက်သွားခဲ့သည်ကြောင့် ထိခိုက်မှုများ ပြင်းထန်စွာရရှိထားကြမည်မှာ မလွဲချေ။
ထို့ကြောင့် ဆေးရုံဆီသို့ ဦးတည်ရောက်ရှိလာခဲ့ခြင်းကြောင့် အတိုင်းထက်အလွန်ပျော်ရွှင်သွားခဲ့ရင်း ဆေးရုံဝန်းအတွင်းသို့ စတင်ခြေလှမ်း လှမ်းမိလိုက်လေသည်။ ထိုအချိန်၌ဆေးရုံဝန်းအတွင်းမှ နှပ်စ်မလေးတစ်ဦး မိမိထံသို့ဦးတည်အပြေးရောက်ရှိလာကြောင်း မြင်တွေ့လိုက်ရပြီး မိမိဆီသို့ဦးတည်ရောက်ရှိလာသော နပ်စ်မလေးအား ဝကြီးတစ်ယောက်မှာတော့ စိုက်ကြည့်နေခဲ့မိ၏။ မိမိ၏အနားသို့ ရောက်ရှိလာသည်နှင့် နပ်စ်မလေးမှာ စိုးရိမ်ကြီးလွန်းလှသော အမူယာများဖြင့်
''သွား … သွားရှင်တို့မလာကြနဲ့ … သွားကြ … သွားကြ … ဒါဆေးရုံမဟုတ်ဘူး သွားကြ''
''ခင်ဗျားကလဲဗျာ … ကျုပ်တို့အကူညီလိုနေလို့ပါ … မနောက်ပါနဲ့''
''အိုး … ခတ်တော့တာပဲရှင် … မြန်မြန်သွားပါ … မြန်မြန်သွားပါ ဒီဝန်းထဲကနေ မြန်မြန်ထွက်သွားပါ''
ဘာရယ်ကြောင့်မှန်းမသိ။ မိမိအား စိုးရိမ်ကြီးစွာနှင့် ထိုဆေးရုံပရဝဏ်းအတွင်းမှ မောင်းထုတ်နေလေခဲ့သည်။ သို့သော်ဝကြီးတစ်ယောက်မှာမူ စိုးရိမ်ကြီးစွာဖြစ်နေသည့် နပ်စ်မလေးအား စိုက်ကြည်နေခဲ့မိသည်။ ဝကြီးထင်နေသည်။ ထိုနပ်စ်မလေးဟာ လူသားစင်စစ်လေလား။ သို့သော်မဟုတ် စိတ္တဇဆရာဝန်ကြီးကိုယ်တိုင် ရိုက်သတ်ခဲ့သော နပ်စ်မလေးသီရိမေ၏ ဝိဥာဉ်ပင်ဖြစ်ချေသည်။
နှစ်ကာလကြာမြင့်စွာ ထိုဆေးရုံ၌ နပ်စ်မလေးဟာ မကျွတ်လွတ်နိုင်ပဲ ရှိနေခဲ့ပြီး ဆေးရုံအနားသို့ လူသားများရောက်ရှိလာပါက ခြောက်လန့်စေလွတ်ခဲ့သည်။ အဘယ်ကြေင့်နည်း ထိုလေးထပ် အဆောက်ဦးဆေးရုံဟာ မိမိသက်ရှိထင်ရှားရှိစဉ်က နာမည်ကြီးဆေးရုံတစ်ခုဖြစ်သော်လည်း ယခုအခါ ဇနီးသည်တစ်ယောက် လူကောင်းပြန်လည်ဖြစ်မြောက်စေရေးအတွက် စိတ်တ္တဇဆရာဝန်ကြီးမှာ လူအမြောက်အမြားအား သတ်ဖြတ်နေခဲ့သော နေရာကြီးတစ်ခုပင်ဖြစ်နေချေတော့သည်။
ထိုအကြောင်းများအား ဝိဥာဉ်ဘဝသို့ရောက်ရှိနေခဲ့သည့် နပ်စ်မလေးမှ အကြောင်းစုံသိရှိစေသည်။ ထို့ကြောင့် ဆေးရုံပရဝဏ်းအတွင်းသို့ ဝင်ရောက်လာခဲ့သော ဝကြီးအား ဆေးရုံအတွင်းရှိ လူသတ်ဆရာဝန်များမမြင်တွေ့ခင်အချိန်၌ အမြန်ဆုံးထွက်ရောက်ရန် စေခိုင်းနေခဲ့ခြင်းဖြစ်သည်။
သို့သော်ဝကြီးတစ်ယောက်မှာတော့ နပ်စ်မလေး၏အပြုမူများအား နားမလည်နိုင် ဘူစပ်စပ်အကြည့်ဖြင့် နပ်စ်မလေးအား တစ်ချက်ကြည့်လိုက်ပြီး ထော့နင်းခြေထောက်ဖြင့် အရှေ့သို့သာ ဆက်ရန် ရွယ်လိုက်လေသည်။ ထို့အချိန်ထိ နပ်စ်မလေးမှာ ဝကြီး၏ခန္ဓာကိုယ်အား လက်ဖျားလေးနှင့်တစ်ချက်မျှ မထ။ နံဘေးမှသာ ဆေးရုံအတွင်းသို့ မဝင်ရောက်ရန် စိုးရိမ်တကြီးတားမြစ်နေခဲ့လေသည်။
ဒဏ်ရာများဟာလည်း သွေးအေးလာသည်နှင့်အမျှ တဆစ်ဆစ်ဖြင့် နာကျင်နေလာခဲ့သည်။ ဆေးရုံအတွင်းသို့ မရောက်ခင် ပရဝဏ်းအတွင်း၌ မိမိ၏နံဘေးတွင် ဆေးရုံအတွင်းသို့မဝင်ရောက် တစ်ရက်ဆက်ပြောဆိုနေသော နပ်စ်မလေးကြောင့် ဝကြီးတစ်ယောက် စိတ်ရှုတ်မိသည်မှာ အမှန်ပင်ဖြစ်သည်။ ထို့ကြောင့်
''ခင်ဗျား ဘာဖြစ်နေတာလဲ !… ခင်ဗျားလည်းနပ်စ်မ တစ်ယောက်ဖြစ်ပြီး အခုလိုဒဏ်ရာရထားတဲ့ လူနာတစ်ယောက်ကို ဆေးရုံထဲမခေါ်တဲ့အပြင် အတင်းမောင်းလွတ်နေတာ ဘာသဘောလဲ ကျုပ်စိတ်မရှည်တော့ဘူးနော် … လာကြပါဦးဗျို့ … ဆေးရုံထဲက တစ်ယောက်ယောက်လာကြပါဦး''
ပြောပြောဆိုဆိုနှင့် ဝကြီးတစ်ယောက်မှာတော့ ဆေးရုံအတွင်းသို့ မျှော်ငေးကြည့်လိုက်ရင်း ထိုသို့ကျယ်လောင်စွာ အော်ပြောလိုက်လေသည်။ နပ်စ်မလေးမှာတော့ ဝကြီးအား ထိုသို့မအော်ရန် လက်ဟန်ခြေဟန်ဖြင့် တားဆီးနေခဲ့သော်လည်း ဝကြီးမှာ ဂရုမစိုက် အော်မြဲတိုင်းသာလျင် အော်ပြောနေခဲ့သည်။ သို့သော် ဆေးရုံအတွင်းမှ မည်သူတစ်ဦးမှ ထွက်ရောက်မလာသည်ကြောင့် နံဘေးတွင်ရှိနေသော နပ်စ်မလေးအား တစ်ချက်ပြန်လည်ကြည့်မိသည်။
သို့သော် မိမိ၏နံဘေး၌ရှိနေသော နပ်စ်မလေးမှာ မည်သည့်နေရာဆီသို့ထွက်ခွာသွားခဲ့သနည်းမသိ။ ရုတ်တရက်ပျောက်ကွယ်သွားခဲ့ချေသည်။ ကြောင်တောင်တောင်အကြည့်များနှင့် ဝကြီးတစ်ယောက် နပ်စ်မလေးအား ဘယ်ညာဘေးပတ်ပတ်လည်သို့ လှည့်လည်ကြည့်ခဲ့သော်လည်း အရိပ်ယောင်မျှ မတွေ့ရတော့ချေ။ ထို့နောက် ခဏအကြာ၌ ဆေးရုံမှန်တံခါးမှာ ပွင့်လစ်လာခဲ့ပြီး ဆရာဝန်ဝတ်စုံဖြင့် ဆေးရုံအတွင်းမှ ဆရာဝန်ကြီးဦးရဲမောင်တစ်ယောက် ထွက်ရောက်လာခဲ့လေသည်။ ခန့်ခန့်ညားညားနှင့် ဆရာဝန်ကြီးဦးရဲမောင်အား မြင်တွေ့လိုက်ရသည်ကြောင့် ဒဏ်ရာများစွာ ရရှိထားသည့် ဝကြီးတစ်ယောက်မှာတော့ အလွန်ပင်အားကိုးရရှိသွားသည့်အတွက် မျက်နှာပြင်တစ်ခုလုံး ရွှင်ပြုံးလာခဲ့သည်။ ထို့နောက် မိမိဆီသို့ ဦးတည်လျောက်လှမ်းလာသော ဆရာဝန်ကြီးထံသို့ ထော့နင်းခြေလှမ်းများနှင့်အတူ ဝကြီးသည်လည်း အားကိုးတကြီးလှမ်းသွားလေသည်။
''ဘာဖြစ်လာတာတုန်းဗျ''
''ဒေါက် … ဒေါက်တာ ကျွန်တော့်သူငယ်ချင်းတွေကို ကယ်ပါဦးဗျာ ကယ်ပါဦး''
''ဟင် … ကျွန်တော်တို့က ဘာကိုကယ်ရမှာလဲဗျ''
''ဟို !… ဟို … ''
''ကဲ … လာလာ … အထဲကိုလာ''
ဝကြီး၏ရုတ်တရက်ပြောဆိုလိုက်သော စကားများကြောင့် ဆရာဝန်ကြီးဦးရဲမောင်မှာ မျက်မှောင်ကြုတ်မိလိုက်သည်။ သူတစ်ယောက်နာမလည်နိုင်၊ ထို့ကြောင့် ဒဏ်ရာများရရှိထားသော ဝကြီးအား တွယ်ကူလျက် ဆေးရုံးအတွင်းသို့ ခေါ်ဆောင်လာခဲ့လေသည်။ ဆေးရုံကြီးဟာ အထူးကုဆေးရုံကြီးတစ်ခုဖြစ်သည့်အလား သေသပ်စွာပြုလုပ်ထားသည်များအား ဝကြီးတစ်ယောက် အကဲခတ်ကြည့်မိခဲ့သည်။ ထို့နောက် နံရံများ၌ ဆရာဝန်ကြီးများ၏ အမည်များနှင့်အတူ ဘွဲ့များပါသည့် ဆိုင်းပုဒ်များချိတ်ဆွဲထားခဲ့သည်များအားလည်း တွေ့မြင်ခဲ့ရသည်။
ညအချိန်ဖြစ်သည်ကြောင့်လား ဆေးရုံကြီးမှာ ရှင်းလင်းတတ်ဆိတ်နေခဲ့သည်က ကောင်ဒါရှိ လူနာစာရင်းမှတ် နပ်စ်မလေး၏ ဘောပင်ဖြုတ်ကျသည့် အသံကိုပင် ပဲ့တင်ထပ်နေလောက်အောင် ကြားနေခဲ့ရသည်။ ဆေးရုံးအတွင်း၌ မြင်တွေ့နေရသည်များအား ဝကြီးတစ်ယောက်အကဲခတ်ကြည့်မိရင်း အနီးရှိလူနာစောင့်ခုံလွတ်တစ်ခုတွင် ထိုင်ချလိုက်လေသည်။ ထို့နောက် ဆရာဝန်ကြီးဦးရဲမောင်နှင့်အတူ စာရင်းမှတ်နပ်စ်မလေးတစ်ဦး မိမိ၏အနားသို့ရောက်ရှိလာခဲ့ပြီး။
''ဘာများဖြစ်ကြတာလဲ ကောင်လေး''
''ဒေါက်တာ… ကျွန်တော့သူငယ်ချင်းတွေကို ကယ်ပေးပါဦး''
''ဟုတ်ပါပြီ … ပြော … ဒေါက်တာတို့ဘယ်လိုကယ်ပေးရမှာလဲ''
''ဒီလိုပါဒေါက်တာ … ကျွန်တော်တို့သူငယ်ချင်းတွေ ပုသိမ်ဘက်ကို ပျော်ပွဲစားထွက်ရင်း ကားကြီးမှောက်သွားခဲ့တယ် … ကျွန်တော်တစ်ယောက်ပဲ သတိရလာသေးတယ်ဒေါက်တာ … ကျန်တဲ့ ကျွန်တော့သူငယ်ချင်းတွေရော ဆရာရော မှောက်သွားတဲ့ကားကြီးထဲမှာ ရှိနေတယ်ဒေါက်တာ … သူတို့တွေက်ို ကယ်ပေးပါဦး''
''သြော် … သဘောပေါက်ပြီ ကားကဘယ်နားမှာ မှောက်သွားတာလဲ''
''ဗျာ … မ … မသိဘူးဒေါက်တာ… ကားကြီးမှောက်သွားတဲ့ နေရာကနေ ဒီဆေးရုံမီးအရောင်လေးတွေ တွေ့လို့ ကျွန်တော်လျောက်လာခဲ့တာ ဆေးရုံနဲ့ နည်းနည်းလှမ်းမယ်ဒေါက်တာ … ဒေါက်တာတို့ကူညီပေးပါ သူတို့အားလုံး ဒဏ်ရာတွေရထားကြမှာ သေချာတယ်ဒေါက်တာ ကယ်ပါဦးဒေါက်တာ''
''ကောင်းပြီ … စိတ်ချပါ ဒေါက်တာတို့ကယ်ပေးပါ့မယ်ဟုတ်ပြီလား … ခဏလေး … ဟယ်လို … လူနာတင်ယဉ်နှစ်စီး အမြန်ဆုံးဆေးရုံအရှေ့ကိုလာခဲ့ပါ… လူနာတွေသွားသည်ရမယ်''
စိုးရိမ်ကြီးစွာ ပြာပြာသလဲ ပြောဆိုနေခဲ့သော ဝကြီးအား ဆရာဝန်ကြီးဦးရဲမောင်မှာ တည်ငြိမ်လှသောလေသံများဖြင့် ပြန်လည်ပြောဆိုလိုက်ရင်း ခါးကြားမှ လက်ကိုင်ဖုန်းအားထုတ်ယူလျက် လူနာတင်ယဉ်များအား အမြန်ဆုံးရောက်ရှိလာရန် စင့်ခေါ်စေခဲ့သည်။
''ကျေး … ကျေးဇူးတင်ပါတယ်ဒေါက်တာ ကျေးဇူးတင်ပါတယ်''
''ရပါတယ် … ကဲ… နပ်စ် … ကောင်လေးကိုလဲ ဆရာဝန်ကြီးဆီပို့ပေးထားလိုက်ပါ … ဆရာဝန်ကြီးလိုအပ်တာ လုပ်ပေးပါလိမ့်မယ်''
''ကဲကောင်လေး … နပ်စ်မလေးနဲ့ အပေါ်ကိုလိုက်သွားလိုက် အပေါ်မှာဆရာကြီးရှိနေတယ် … ဆရာဝန်ကြီးက မောင့်ရင့်ကိုလိုအပ်တာတွေ လုပ်ပေးပါလိမ့်မယ်''
''ဟုတ် … ဟုတ်ကဲ့ဆရာ''
အသားရည်အားဖြင့် ဖြူဖွေးနေခဲ့ပြီး နပ်စ်မ ဝတ်စုံလေးနှင့် အလွန်ပင်ကြည့်ကောင်းလှသော နပ်စ်မလေး၏ခေါ်ဆောင်ရာအနောက်သို့ ဝကြီးတစ်ယောက်မှာတော့ နာကျင်နေခဲ့သော ခြေထောက်များနှင့် လိုက်ပါသွားလေခဲ့သည်။ ဆောင်းညများအေးစိမ့်လာခဲ့၏။ ဓာတ်လှေကားအရှေ့၌ ရပ်တန့်နေခဲ့ပြီး တံခါးပွင့်လာသည်နှင့် နပ်စ်မလေးမှာ ဦးဆောင်ဝင်ရောက်သွားခဲ့သည်။ ဝကြီးသည်လည်း နပ်စ်မလေး၏အနောက်မှ ခပ်သုတ်သုတ်ဝင်ရောက်ခါ ဆရာဝန်ကြီးရှိနေသော သုံးလွှာဆီသို့ တတ်ရောက်လာလေတော့သည်။
''ဖြူ … သက်သာရဲ့လား မကြာခင်မှာ ကိုယ့်မိန်းမနေပြန်ကောင်းလာတော့မှာပါ … အားတင်းထားနော် … ကိုပြောတာကိုကြားရဲ့လားဖြူ''
ကုတင်းလေးအပေါ်၌ ကြောက်စရာကောင်းလှအောင် ဆေးထိုးမှားခဲ့ခြင်းကြောင့် ရုပ်ပျက်ဆင်းပျက် ဖြစ်သွားခဲ့သောဇနီးသည်၏ လက်ကလေးအား ဆရာဝန်ကြီးစွန်ရဲနိုင်မှာ ဆုပ်ကိုင်ထားရင်း ဇနီးသည်အား အားပေးစကားများစွာ ပြောဆိုနေခဲ့လေသည်။ 'မကြာခင်မှာ ကိုယ့်မိန်းမဖြူ နေပြန်ကောင်းလာတော့မှာပါ' ဟု ပြောဆိုလေသော အားပေးစကားများ ပြောဆိုလာခဲ့သည်မှာ ယခုဆိုလျင် (၁၅)နှစ်ခန့်မျှရှိနေပြီးဖြစ်သည်။
လူနာများ၏သွေးများအား ထုတ်ယူရင်း အတွင်းကလိစာများပါ လဲလှယ်ပေးခဲ့သော်လည်း ဇနီးသည်၏ အခြေနေမှာ ပြောင်းလဲလာခြင်းမရှိသေးချေ။ သို့သော် စိတ်ရောဂါဝေဒနာ ခံစားနေရသည့် ဆရာဝန်ကြီး၏ယုံကြည်ချက်မှာတော့ တစ်ချိန်ချိန်၌ ချစ်ဇနီးတစ်ယောက် လူကောင်းပကတိပြန်လည်ကောင်းလာရမည်။ သစ္စာရှိလှသော တပည့်ဆရာဝန်များနှင့်၊ သူငယ်ချင်းဆရာဝန်များမှာလည်း အမှားအမှန်အား ဝေဖန်ခွဲခြားမနေတော့ပဲ ဆရာဝန်ကြီးခိုင်းစေခဲ့သည့်အတိုင်းသာလျင် မျက်စိစုံမှိတ်ပြုလုပ်ပေးနေလေခဲ့သည်။
သုံးလွှာဆီသို့တတ်ရောက်လာခဲ့သော ဝကြီးသည်လည်း နပ်စ်မလေး၏ဦးတည်ခေါ်ဆောင်ရာ အနောက်သို့ လိုက်ပါလာရင်း ဆရာဝန်ကြီး၏နားနေခန်းအရှေ့သို့ ရောက်ရှိလာခဲ့ချေသည်။ အခန်းအရှေ့၌ရှိနေသော အချက်ပေးခလုတ်အား နပ်စ်မလေးမှာ နှိတ်လိုက်သည်နှင့် အခန်းအတွင်း၌ရှိနေသော ဆရာဝန်ကြီးမှာ ဇနီးသည်၏ကုတင်းလေးအား လိုက်ကာဆွဲလျက် အခန်းတံခါးဆီသို့ ဦးတည်လျောက်လှမ်းလာသည်။
''ဆရာ !… ဒီမှာလူနာတစ်ယောက်ပါလာပါတယ်''
အပြင်မှနပ်စ်မလေး၏ ပြောဆိုလိုက်သော စကားများကြောင့် ဆရာဝန်ကြီးမှာ အခန်းတံခါးဖွင့်လိုက်ပြီး
''ဝင်ခဲ့ !… ''
ထိုသို့ပြောဆိုကာ သူ၏စားပွဲဆီသို့ တစ်လှမ်းချင်းလျောက်လှမ်းသွားစေသည်။ ထို့နောက် ဝကြီးအား စားပွဲခုံအရှေ့၌ နေရာပေးထိုင်ခိုင်းစေကာ
''ဘာဖြစ်တာလဲ … ''
တည်ငြိမ်လှသော စကားသံပင်ဖြစ်ချေပြီး။ အဖြူရောင်ဝတ်စုံလေးအား ဝတ်ဆင်ထားသော ဆရာဝန်ကြီးမှာ အလွန်ပင် ခံ့ညားတည်ကြည်လှသည်။ ယခုအချိန်၌ အားကိုးလိုနေသော ဝကြီးတစ်ယောက်၏ခံစားချက်၌ မိဘအရင်းသဖွယ် သဘောထားခါ မိမိအရှေ့၌ရှိနေသော ဆရာဝန်ကြီးအား ဖြစ်ကြောင်းကုန်စဉ်များ ပြန်လည်ပြောဆ်ိုလေခဲ့သည်။
'ဟုတ်ပြီ … ဘာမှမစိုးရိမ်နဲ့တော့ အခုဒေါက်တာရဲမောင်နဲ့ ဆေးရုံကားတွေသွားကြပြီဆိုတော့ မောင် … ''
''ထူးအောင်ပါဆရာ''
''မောင်ထူးအေး စိတ်အေးအေးထားပါ … အခုလောလောဆယ် မောင်ထူးအောင် ဆေးရုံမှာခေတ္တအနားယူမှ ဖြစ်မယ်''
''ဆရာ … ကျွန်တော်ခြေထောက်နည်းနည်း နာသွားတယ်ဆရာ ခေါင်းလေးပေါက်ရုံကလွဲလို တစ်ခြားဘာဒဏ်ရာမှ မရခဲ့ဘူးဆရာ''
''ကောင်းပါပြီ ဘာပဲဖြစ်ဖြစ် အခုလောလောဆယ် မောင်ထူးအောင်ရဲ့ သူငယ်ချင်းတွေ ဆေးရုံရောက်လာမယ့်အချိန်ကို စောင့်ရင်း မောင်ထူးအောင်လဲ လိုအပ်တာတွေ ဒေါက်တာကုသပေးပါ့မယ်''
''ဟုတ်ကဲ့ဒေါက်တာ ကျွန်တော့ကြောင့် အားလုံးဒီလိုဖြစ်ရတာပါ … သူတို့ကိုပိုပြီး ဂရုစိုက်ပေးပါ''
''စိတ်ချပါ မောင်ထူးအောင် !… ကဲ နပ်စ်မ … ဆရာတို့ဒုတိယအထပ်ထောင့်ဆုံး အခန်းထဲမှာ ဒီကလူငယ်အတွက် နေရာချထားပေး ပြီးတော့ သွေးစစ်ဖို့လုပ် … ဦးခေါင်းနဲ့နှလုံးကို ဓာတ်မှန်ရိုက်ရမယ်''
''ဟုတ်ကဲ့ဒေါက်တာ ''
ဆရာဝန်ကြီး၏ နပ်စ်မလေးအား မှာကြားနေခဲ့သော စကားများအား ကြားလိုက်ရသည့် ဝကြီးတစ်ယောက်မှာတော့ မျက်မှောင်အားကြုတ်မိသည်။ အဘယ်ကြောင်နည်း။ မိမိဟာ ထိခိုက်ရုံမျှသာ ဒဏ်ရာရရှိထားသူတစ်ယောက်ဖြစ်စေ၍ အဘယ်ကြောင့် သွေးစစ်ခါ နှလုံးဆီသို့ဓာတ်မှန်ရိုက်ရသနည်းဟု သူတစ်ယောက်စဉ်းစားမရပဲ နပ်စ်မလေး၏ခေါ်ဆောင်ရာ အနောက်သို့သာ ကြောင်တောင်တောင်ဖြင့် လိုက်ပါရန်ပြင်ဆင်လိုက်သည်။ အခန်းအပြင်သို့ထွက်ရန် ဝကြီးတစ်ယောက်ဦးတည်လိုက်သည်နှင့် ဆရာဝန်ကြီးမှာ နပ်စ်မလေးအား အဓိပ္ပာယ်ရှိလှသော အမူယာဖြင့် ခေါင်းအားအသာငြိမ့်ပြစေသည်။ ထိုအမူယာဆိုလျင် နပ်စ်မလေးမှာ ကောင်းစွာသဘောပေါက်ချေသည်။ ထိုလူငယ်ကောင်လေးဆီမှ သွေးစစ်လျက် သွေးထုတ်ယူတော့မည်ဖြစ်သည်။
ဝကြီးနှင့်နပ်စ်မလေးထွက်ခွားသွားခဲ့ပြီး ခဏအကြာ၌ ဆရာဝန်ကြီး၏နားနေခန်းသို့ ဒေါက်ဒါသန်းနိုင်တစ်ယောက် အပြေးရောက်ရှိလာခဲ့ပြီး
''စွန်ရဲ … စွန်ရဲ''
''ဘာဖြစ်လာတာလဲသန်းနိုင်''
''ဟို … ဟို … ပထမထပ်မှာ ငါတို့ဦးခေါင်းခွဲစိတ်ထားတဲ့ လူနာထွက်ပြေးသွားလို့''
''ဘာ !… ကြောင်တောင်တောင်ဖြစ်သွားတဲ့ တစ်ယောက်လား''
''ဟုတ်တယ် !''
''ဟာကွာ … မင်းတို့ကိုအစတည်းက ငါပြောတယ် … သူ့ကိုရှင်းပစ်လိုက်ပါတော့ဆိုတာ … အခုမြန်မြန်လိုက်ရှာ တွေ့တာနဲ့ ချက်ချင်းရှင်းပစ်လိုက်တော့ … မဟုတ်ရင် သူ့ကြောင့်ပတ်ဝန်းကျင်က လူတွေရိပ်မိကုန်လိမ့်မယ် မြန်မြန်သွားရှာ''
''အေး … အေးပါ … ငါအခု သွားရှာလိုက်ပါ့မယ်''
ဇနီးသည်အတွက် လူပေါင်းများစွာအား စိတ်ရှိတိုင်းသာလျင် စမ်းသပ်ခွဲစိတ်နေခဲ့ပြီး လိုအပ်မည်ထင်သော လူများ၏အတွင်းကလိစာ ဦးနှောက် ခါးဆီ သွေး ချဉ်ဆီ အစရှိသည်များအား စိတ်ရောဂါဝေဒနာရှင် ဆရာဝန်ကြီးမှာ ထုတ်ယူနေခဲ့သည်။ နောက်လိုက်ဆရာဝန်များမှာလည်း မည်သည့်အတွေးမျိုးမှ တွေးမနေ၊ စိတ်ရှိတိုင်းသာလျင် ရက်စက်လှစွာ စမ်းသပ်ခွဲစိတ်ပေးနေခဲ့၏။ ယခုအခါ ဦးခေါင်းအား ခွဲစိတ်စမ်းသပ်ထားသည့် လူနာတစ်ယောက်မှာ ဆေးရုံအတွင်းမှ ထွက်ပြေးသွားခဲ့ကြောင်း ဒေါက်တာသန်းနိုင်မှ လာရောက်အကြောင်းကြားစေခဲ့သည်။
ထို့ကြောင့် ထိုသူတစ်ယောက်လွတ်မြောက်သွား၍ မဖြစ်နိုင်။ မိမိတို့၏လုပ်ရက်များ ပေါ်ပေါက်သွားစေနိုင်သည်။ ထို့ကြောင့် ဒေါက်တာသန်းနိုင်အား ကြိမ်းမောင်းလျက် ထွက်ပြေးသွားသော ထိုသူအားအမြန်ဆုံး လိုက်လံရှာဖွေရန် ပြောဆိုလေတော့သည်။ ဒေါက်တာသန်းနိုင်သည်လည်း မိမိ၏အရှေ့မှောက်၌ ဆရာဝန်ကြီးစွန်ရဲနိုင်တစ်ယောက် လွန်စွာရက်စက်လှသည်များအား ကိုယ်တွေ့ကြုံထားဘူးခဲ့သည်။ ထို့ကြောင့် မိမိအားလည်း ထိုသို့ရက်စက်မှုများ ပြုလုပ်ရန်ဝန်မလေးတော့သည့် ဆရာဝန်ကြီးအား ကြောက်နေရသည်ကြောင့် ထွက်ပြေးသွားသည့် ထိုသူကိုသာ အမှီလိုက်ရန် အခန်းအတွင်းမှ ထွက်ခွာသွားချေခဲ့သည်။
* * *
''အား … ကျွတ် … ကျွတ်''
ကျွန်ုပ်၏အတွေး၌ တစ်စုံတစ်ယောက်ဟာ ကျွန်ုပ်အား ခြေနှစ်ဖတ်မှဆွဲကိုင်လျက် ကြီးမားလှသော နံရံတစ်ခုနှင့် အားကုန်လွဲရိုက်ထားခဲ့လေသလား၊ ခန္ဓာကိုယ်တစ်ခုလုံး တစ်ဆစ်ဆစ်ဖြင့် ကိုက်ခဲနေခဲ့၏။ ခေါင်းတစ်ခုလုံး မူးနောက်နေခဲ့ပြီး ကျွန်ုပ်၏ဘယ်ဘက် လက်တစ်ချောင်း လှုပ်မရသည့်အထိ ဖြစ်နေခဲ့၏။ ကျွနုုပ်အဘယ်သို့ရောက်ရှိနေသနည်း။ အဘယ့်ကြောင့် ထိုကဲ့သို့ ခန္ဓာကိုယ်တစ်ခုလုံး ကိုက်ခဲနေရသနည်း။ အံ့ကိုကြိတ်လျက် မှိတ်ထားသည့်မျက်လုံးအိမ်အား ဆုံဖွင့်လိုက်သည်။
ပတ်ဝန်းကျင်တစ်ခုလုံး မည်းမှောင်နေခဲ့ပြီး တစ်စုံတစ်ခုသော နေရာ၌ ကျွန်ုပ်ညပ်နေခဲ့ဟန်တူ၏။
''ဟင် … ငါတို့ကားကြီးမှောက်သွားတာပဲ''
သတိရလိုက်မိ၏။ ကျွန်ုပ်တို့ကားကြီးတိမ်းမှောက်သွားခဲ့ရခြင်းဖြစ်သည်။ ကားကြီးမှောက်သွားသည်။ ကားကြီးထဲ၌ ကျွန်ုပ်၏ညီရင်းအစ်ကိုသဖွယ် ချစ်ခင်ရသော မိတ်ဆွေများရှိနေသည်။ ဆရာအပါအဝင် အားလုံးရှိနေ၏။ ထိုသို့ဆိုလျင် မဖြစ်သေး။ ထိုသူတို့အားလုံး ဒုက္ခတွေ့နေသည်မှာ အမှန်ပင်ဖြစ်နိုင်သည်။
ထိုသို့တွေးမိလျက် ညပ်နေရာမှ လူးလဲထလိုက်၏။ လွန်စွာနာကျင်မိရင်း ညပ်နေရာမှ ထနိုင်ခဲ့သော်လည်း ဘယ်ဘက်လက်တစ်ချောင်း ကားခုံကြားထဲ၌ ညပ်နေခဲ့သည်ကြောင့် ထုတ်မရသေးချေ။ တစ်ဆစ်ဆစ်ဖြင့် နာကျင်နေပြီး အနာခံခါ ကျွန်ုပ်၏လက်အား ဆွဲထုတ်ရန်ပြုလုပ်ရမည်။ ခုံနှစ်ခုကြားညပ်နေသော လက်အား ဆွဲထုတ်နိုင်ရန် ကျန်ခုံတစ်ခုအား ညာဘက်လက်ဖြင့် တွန်းဖယ်ထားရင်း ဆွဲထုတ်လိုက်ရသည်။
''အား !… ''
ဗြုတ် ဟူသော အသံအား နားနှင့်ကြားလိုက်ရ၏။ သေချာသည်မှာ ကျွန်ုပ်၏လက်မောင်း အရင်းပြုတ်သွားခဲ့ခြင်းဖြစ်ပေသည်။
အင်မတန်နာကျင်လှသည်။ သို့သော် နာကျင်ရုံမျှလွဲ၍ ကျွန်ုပ်အသက်မသေနိုင်။ မသကာ အဆိုးဆုံးအနေနှင့် လက်ဖြတ်ပစ်ရုံမျှ လွဲ၍အသက်အန္တရယ်မကြုံတွေ့နိုင်။ နာကျင်နေသည့်ခံစားမှုအား သူငယ်ချင်းဖြစ်သူများကို ကယ်တင်ချင်သေးသည့်စိတ်ဖြင့် မေ့ဖျောက်လျက် ပက်လက်အနေအထား တိမ်းမှောက်နေသော ကားကြီးအတွင်းမှ ကျွန်ုပ်အားတင်းခါထလိုက်သည်။ ဦးခေါင်းတွင်လည်း ထိခိုက်မှုကြောင့် အနည်းငယ်ကွဲသွားခဲ့ပြီး သွေးများဆီးကျလာခဲ့သည်။ ဘေးပတ်ပတ်လည်အား မျက်လုံးတစ်စုံးကြည့်မိချိန်၌ ဆရာဖြစ်သူဟာလည်း မေ့မျောသတိလစ်နေခဲ့၏။
'ဆရာ … ဆရာ'' ဆရာ့၏ခန္ဓာကိုယ်အား သတိလည်လာစေရန် ကျွန်ုပ်လှုပ်နှိုးခဲ့ရသေးသည်။ သို့သော် ဆရာမှာတော့ သတိလည်လာခြင်းမရှိချေ။ ကျန်ရှိနေသော သူငယ်ချင်းများမှာမူ အလှမ်းဝေသည့် ကားအနောက်ပိုင်း၌ ရှိနေဦးမည်မှာမလွဲချေ။ ဆရာ၏ နံဘေးခပ်လှမ်းလှမ်းတွင် သူငယ်ချင်းဖြစ်သူ ပန်းအိတစ်ယောက် လှုပ်ရှားနေသည့်ပုံရိပ်များအား ကျွန်ုပ်မြင်တွေ့လိုက်ရသည်။ အဘယ်ကြောင့်ပန်းအိဟုဆိုနိုင်သနည်း။ အမှောင်ရိပ်ထဲ၌ ထွန်းလင်းနေသော သူမ၏ အဏုမြူလက်ပတ်နာရီကလေးကြောင့်ပင် ပန်းအိဟုကျွန်ုပ်ကောင်းစွာသိရှိစေရန်နိုင်သည်။
''အီး … အား … ရှီ''
သူမဆီမှ ညည်းညူသံတစ်ချို့ ထွက်ပေါ်လာခဲ့သည်ကြောင့် ပန်းအိတစ်ယောက် ကျွန်ုပ်ကဲ့သို့ပင် သတိရလာဟန်တူသည်။ ထို့ကြောင့် သူမအား ကျွန်ုပ်တစ်ယောက် အသံပေးလိုက်၏။
''ပန်းအိ''
''ဟင် … ထီး … ထီးလေး ငါ့ကိုလာကူပါဦး''
တိမ်းမှောက်နေခဲ့သော ကားကြီးအတွင်း၌ ပတ်ဝန်းကျင်တစ်ခုလုံး မည်းမှောင်နေခဲ့၏။ သို့သော် ကျွန်ူပ်ဒာသံအား ကောင်းစွာမှတ်မိနေသော ပန်းအိဟာ သူမအားလာရောက်အကူညီပေးရန် တမ်းတအော်ပြောလေသည်။
ကျွန်ုပ်သည်လည်း သူမရှိနေသည့် နေရာဆီသို့ စမ်းတဝါးဝါးအရောက်လှမ်းသွားခဲ့ရင်း
''ရလား ပန်းအိ''
''အား !… မရဘူးဟ … ငါ့ခြေထောက်ပိနေတယ် ဖယ် … ဖယ်ပေးပါဦး''
''အေးအေး … ငြိမ်ငြိမ်လေးနေ''
သူမ၏ခြေထောက်တစ်စုံတစ်ခုနှင့် ပိနေသည်ဟုပြောဆ်ုိသောကြောင့် ကျွန်ုပ်သည်လည်း စမ်းတဝါးဝါးနှင့်ခြေထောက်နေရာသို့ လက်တစ်ဖက်ဖြင့်စမ်းကြည့်လေရာ သူမ၏ညာဘက်ခြေထောက်မှာ သံတိုင်နှစ်ခုကြား ကန့်လန့်အနေအထား ကျွမ်ဝင်နေခြင်းဖြစ်သည်။ သူမ၏အထင်၌ နာကျင်လွန်းနေ၍ တစ်စုံတစ်ခုနှင့်ပိနေသည်ဟု ထင်သော်လည်း အမှန်တကယ်ဟာ ဆိုးရွားစွာသွေးများထွက်လျက် သံတိုင်နှင့်ညပ်နေခြင်းဖြစ်သည်။
ကျွန်ုပ်သည်လည်း လက်တစ်ဖတ် အလွန်ပင်နာကျင်နေခဲ့သည်။ သို့သော် သူမခြေထောက်အား ထိုသံတိုင်ကြားအတွင်းမှ ထုတ်ပေးချင်သေးသည်။ ထို့ကြောင့် အလွန်ပင်နာကျင်နေခဲ့သော ကျွန်ူပ်၏ဘယ်ဘက် လက်တစ်ဖက်အား အသုံးပြုလျက် သံတိုင်နှစ်ခုအနက် တစ်ခုအား ကျွန်ုပ်၏လက်နှစ်ဖက်ဖြင့် အားကုန်ဆွဲဟစေခဲ့သည်။ သူမသည်လည်း အလိုက်တသိနှင့် ညပ်နေသည့်ခြေထောက်ပေါ့ပါးသွားသည်နှင့် လျင်မြန်စွာနှင့် သူမ၏ခြေထောက်အား ထုတ်ယူလိုက်လေသည်။
''ရပြီး … ရပြီ … အား !… ငါ့ခြေထောက်တော့ ကျိုးသွားပြီးလားမသိပါဘူး … ကျွတ် … ကျွတ်… တင်ဇာတို့မောင်ကဲတို့ရော''
''သူတို့အားလုံးသတိလစ်နေကြတယ် … ငါ့သူငယ်ချင်းတွေလဲ ကားအနောက်မှာ ရှိနေကြလိမ့်မယ် … သူတို့သတိရမှာမဟုတ်သေးဘူး … ကဲလာ … တို့ကားထဲကအမြန်ထွက်မယ် … အပြင်မှာ အကူညီတစ်ခုခုရှာရမယ်''
''အေး … အေး ကျေးဇူးတင်ပါတယ်ထီးလေးရာ … အား !… ငါခြေထောက် ထောက်လို့မရဘူး လုပ်ပါဦးဟ တွယ်ပါဦး''
''လာလာ … ''
''အား … ငါ့ဘယ်လက်ကိုမကိုင်နဲ့လေ လက်မောင်းပြုတ်နေတယ်''
သူမ၏ ညာခြေထောက်၊ ကျွန်ုပ်၏ဘယ်ဘက်လက်မောင်း ထိခိုက်မှုများအနည်းငယ်ရရှိထားခဲ့ပြီး တိမ်းမှောက်နေသည့် ကားကြီးအတွင်းမှ ထွက်ပေါက်အား မှန်းဆရင်းအပြင်သို့ အရောက်ထွက်နိုင်ချေခဲ့သည်။ ကားကြီးဟာ ချောက်ကပါးလမ်းနံဘေးသို့ လိမ့်ကျသွားဟန်တူသည်။ ထိုသို့ဆိုလျင် ကားလမ်းအပေါ်သို့ တတ်ရောက်နိုင်မှသာလျင် ကျွန်ုပ်တို့အားလုံးအဖို့ အကူညီရရှိနိုင်မည်ဖြစ်သည်။ ထို့နောက်တစ်စုံတစ်ခုသော အကူညီရရှိရန်အတွက် ကားလမ်းအပေါ်သို့ရောက်ရှိနိုင်မည့် လမ်းဟုမှန်းဆလျောက်လှမ်းရန်တိုင်ပင်ခဲ့ကြရင်း လျောက်လှမ်းသွားချိန်၌ လမ်းခုလပ်တစ်နေရာတွင်
''ထီးလေး … မရတော့ဘူး ငါခြေထောက်ဘယ်လိုမှ မထောက်နိုင်တော့ဘူး … လုပ်ပါဦးဟ''
''ဟင် … ဘယ်လိုလုပ်မတုန်း … ငါလက်တစ်ဘက်လဲ ပြုတ်သွားတယ် … ဒါဆိုနင်ကားကြီးအနားမှာပဲ နေခဲ့တော့ဖြစ်မလား''
''ဟာ … မဖြစ်ဘူး ငါတစ်ယောက်တည်းမနေရဲဘူး''
''ဒါဆိုဘယ်လိုလုပ်မတုန်း … လာဟာ … မထူးတော့ဘူး နင်နဲ့ငါနှစ်ယောက်တည်းရှိတာဆိုတော့ လာ … ငါ့ကျောအပေါ်တတ်''
''ဟင် … နင် … နင်ကငါ့ကို ကုန်းပိုးမလို့လား''
''အေးလေ … ဒီလိုမှဖြစ်တော့မှာပေါ့''
''အား … အားနာစရာတွေတော့ဖြစ်ကုန်ပါပြီ''
''ကဲလာပါ … ပြောမနေနဲ့တော့ … အခုလိုဒုက္ခတွေ့နေတဲ့အချိန်မျိုးမှာ ငါတို့တွေက မောင်နှမတွေပဲမဟုတ်လား လာတတ်''
သူမအား ကျွန်ုပ်ကျောပိုးတင်လျက် အရှေ့သို့ဆက်လျောက်ရန် ရည်ရွယ်လိုက်သည်။ သူမ၏ခြေထောက်မှာလည်း အလွန်ပင် နာကြင်နေခဲ့သည်မှာ အမှန်ပင်ဖြစ်နိုင်သည်။ ကျွန်ုပ်ကိုယ်တ်ိုင် သံတ်ိုင်ကြားအတွင်းမှ ထုတ်ပေးခဲ့ခြင်းကြောင့် သူမတစ်ယောက် မည်မျှပင်နာကြင်နေခဲ့မည်ဆိုသည်မှာ ကျွန်ုပ်ကောင်းစွာကိုယ်ချင်းစာမိသည်။ ထို့ကြောင့် သူမအား ကျောပိုးလျက်အရှေ့သို့ လျောက်လှမ်းသွားချိန်၌
''ဟာ … ငါ့ဘောင်းဘီအိတ်ထဲမှာ ဖုန်းရှိနေတာပဲ''
''ဟာ နင်ကလဲ အခုနတည်းက မပြောဘူး ''
''ငါလဲ ထူးပူနေတာနဲ့ အခုမှ သတိရတာ''
သူမအား ကျောပိုးတင်လျက် အရှေ့စူးစူးသို့ မှန်းဆလျောက်လှမ်းသွားရင်း ကျွန်ုပ်၏ဘောင်ဘီအိတ်အတွင်း၌ လက်ကိုင်ဖုန်း ထည့်ထားမိသည်အား သတိရမိသည်။ ထို့ကြောင့် ကျွန်ုပ်၏ဘောင်းဘီအိတ်အတွင်းမှ လက်ကိုင်ဖုန်းအား ထုတ်ယူလိုက်ရင်း ကျောပိုးထားသည့် ပန်းအိဟာလည့်း ကျွန်ုပ်၏ကျောပိုးတွင်သာ ရှိနေသေးသည်။ လက်ကိုင်ဖုန်းအား ထုတ်ယူလျက် အဖေနှင့်အမေထံသို့ ကျွန်ုပ်ဆက်သွယ်ရန် ရွယ်လိုက်ချိန်တွင်
''အား … အမလေး … ဟေ့လူ … ဘယ်လိုလုပ်လိုက်တာလဲ''
မျက်နှာပြင်တစ်ခုလုံး၌ သွေးဆို့နေခဲ့သော ချုပ်ရိုးဒဏ်များနှင့် ဦးခေါင်းတွင်လည်း ဆံပင်မရှိ ချုပ်ရိုးချောင်းများ အထင်သားပေါ်လွင်နေခဲ့သော ထိုသူဟာ အမှောင်ထုတစ်ခုအတွင်းမှ အလောတကြီး ပြောထွက်လာခဲ့ပြီး ကျွန်ူပ်အားဝင်ရောက်တိုက်မိလိုက်သည်။ ကျောပိုးထားသည့်ပန်းအိနှင့်အတူ ကျွန်ုပ်သည်လည်း မြေပြင်ပေါ်သို့ အရှိန်ပြင်းစွာလဲကျသွားခဲ့လေသည်။ ထို့နောက် ထိုသူဟာ မပီသသော စကားသံများနှင့် ကျွန်ပ်အားလက်အုပ်နှစ်ဖက်ချီကာ တောင်းပန်စကားများစွာ ပြောဆိုနေခဲ့လေသလား။ ထိုသူ၏ပုံစံမှာလည်း တစ်စုံတစ်ခုအား အလွန်ပင်ကြောက်လန့်နေဟန်တူသည်။
''ဟင် … ခင်ဗျားဘာတွေပြောနေတာလဲ ဘာတွေဖြစ်လာတာလဲ''
''ဟင်း … ဟင်း … ပေး … ပေးရ ပေးရ ရီနရာရ ပေးရ''
''ဟေ့လူ … ဟေ့လူ … ဘာပေးရမှာလဲ''
''ပေးရ … ပေးရသော့''
ကျွန်ုပ်နှင့်တိုက်မ်ိလိုက်သည်ကြောင့် ထိုသူသည်လည်း မြေပြင်ပေါ်၌ လဲကျသွားခဲ့ပြီး လဲကျနေရာမှ သူ၏လျှာမှာလည်း တိုနေဟန်တူသည်။ သူ၏ရင်ထဲ၌ ပြောဆ်ိုချင်လှသော စကားများကိုပင် ပီသအောင် မပြောဆိုနိုင်ခဲ့ 'ပေးရ'ဟူသော လုံးလုံးထွေးထွေးစကားသံများသာ တရတ်ဆက်ပြောဆိုနေခဲ့၏။ ထိုသူဟာ ကျွန်ုပ်တ်ုိ့အား တစ်ခုခုလွန်စွာစိုးရိပ်နေခဲ့ရင်း ထိုစကားအားပြောဆိုနေခဲ့ဟန်တူသည်။ သို့သော် ကျွန်ုပ်တစ်ယောက် နားမလည်နိုင်ချေ။ သူ၏စကားအားလည်း ကျွန်ုပ်တစ်ယောက် နားမလည်နိုင်ပြီဟု သူတစ်ယောက်ကောင်းစွာသိရှိနေပုံရသည်။ ထို့ကြောင့် အားတင်စွာဖြင့် ပီသအောင်ပင်ပြောဆိုလိုက်သည်က
''ပြေးကြ''
''ဗျာ … ကျုပ်တို့ကဘယ်ကို ပြေးရမှာလဲ''
မျက်မှောင်အား ကြုတ်လျက် ထိုသူ၏စကားအား ကျွန်ုပ်ပြန်လည်မေးမြန်းမိလိုက်သည်။ သို့သော် ထိုသူ၏အမူယာမှာ ပြေးကြဟူသော စကားအား အချိန်သာရလျင် အေးဆေးစွာရှင်းပြချင်ဟန်တူသည်။ ယခု ထိုသူ၏ပုံစံမှာ သေတွင်းဆီမှ အလွတ်ပြေးလာရသည့် အခြေအနေနှင့် တစ်ထပ်တည်းကျရောက်နေခဲ့ပြီး လိုရင်းသာလျင် 'ပြေးကြ'ဟူသော စကားသာပြောဆိုလိုက်ခြင်းဖြစ်သည်။ ကျွန်ုပ်နားမလည်နိုင် ထိုသူ၏အနားသို့ နီးကပ်စွာလှမ်းသွားခဲ့ရင်း
''နောင်ကြီး … ခင်ဗျားဘာဖြစ်လာတာလဲ ဟမ် … ဟေ့လူ … ကျုပ်ကိုအေးဆေးပြော … ကျုပ်တို့ကူညီပေးမယ် ပြော''
မြေပြင်ပေါ်၌ ဝမ်းလျားအနေထားဖြင့် လဲကျနေသည့်ထိုသူအား ကျွန်ုပ်နွေးထွေးစွာဖြင့် သူ၏လက်မောင်းအားကိုင်လျက် စိုးရိမ်ကြီးစွာမေးမြန်းခဲ့သည်။ သို့သော် ထိုသူဟာမောဟိုက်နေခဲ့ပြီး ပြေးထွက်လာရာ အမှောင်ထုအတွင်းသို့ လှည့်ကြည့်လျက် ကျွန်ုပ်၏အကျီရင်ဘတ်အား ဆွဲကိုင်လိုက်ရင်း
''ပြေး … မင်း … မင်းတို့ကိုသတ် … သတ်လိမ့်မယ်''
အားတင်ကာပြောဆိုလိုက်လေသလား။ ထိုတစ်ကြိမ်၌ သူ၏နှုတ်မှ ပီသလှစွာသော စကားသံများထွက်ပေါ်လာခဲ့ချေ။ သို့သော် ထိုသူပြောဆိုသော စကားများအား ကျွန်ုပ်မည်သို့မှပင် နားမလည်နိုင်ချေ။ ထို့အချိန်၌ အဝေးဆီမှ အဝါရောင်မီးလုံး နှစ်လုံးခန့် ထွန်းလင်းလာခဲ့သည်အား မြင်တွေ့လိုက်ရပြီး။ အပေါ်၌ သုံးရောင်ခြယ် အချက်ပြမီးလုံးလေးဟာ ဆေးရုံကားသာလျင်ဖြစ်မည်ဟု ကျွန်ုပ်ကောင်းစွာသဘောပေါက်ချေသည်။
''ပန်းအိ … ဆေးရုံကားရောက်လာတယ်''
''အေးဟ … ''
ဝမ်းသာအားရဖြစ်ရင်း ကျွန်ုပ်၏အနောက် မလှမ်းမကမ်းတွင်ရှိနေသော သူငယ်ချင်းဖြစ်သူပန်းအိအား ပြောဆိုလိုက်၏။
''နောင်ကြီး … အားတင်းထားနော် ဆေးရုံကားလာနေတယ်''
ထိုသူအား ထိုသို့ကျွန်ုပ်ပြောဆိုလျက် ကျွန်ုပ်တို့ရှိနေသည့် နေရာဆီသို့ ဆေးရုံကားမောင်းသူတွေ့ရှိနိုင်ရန် အချက်ပြမည်ဟု ကျွန်ုပ်ထလိုက်ချိန်၌ ထိုသူဟာ ကြောက်လန့်တကြားထပြေးလေခဲ့သည်။
''နောင်ကြီး … နောင်ကြီး … ဘယ်သွားမလို့လဲ''
''မင်း … မင်းတို့က်ိုသတ်လိမ့်မယ်''
''ဟာဗျာ … ပန်းအိ … ဆေးရုံကားကို အချက်ပြပေး''
ထိုသူထွက်မသွားနိုင်ရန် ကျွန်ုပ်တစ်ယောက် ချုပ်နှောင်ဖတ်ထားခဲ့ရင်း သူငယ်ချင်းပန်းအိအားလည်း ဆေးရုံကားမောင်းသူတွေ့ရှိသွားရန် အချက်ပြစေခိုင်းခဲ့သည်။ ဆေးရုံကားမောင်းသူဟာလည်း လွယ်ကူစွာနှင့် ကျွနိုပ်တို့ရှိနေရာ နေရာဆီသို့ စိုက်မြိုက်စွာဖြင့် ရောက်ရှိလာခဲ့လေသည်။
**********
ကယ်တင်ရှင်ဆေးရုံကားသာလျင် ဖြစ်မည်ဟု ခန့်မှန်းမိသော လူငယ်နှစ်ဦး၏ ထင်ယောင်ထင်မှားခဲ့သော အမှားကြီးများ
ဆေးရုံဆီသို့ ဦးစွာရောက်ရှိနေသော လူငယ်ဝကြီးနှင့် ဆေးရုံရှိ မရဏသားကောင်းများ
စိတ္တဇဆရာဝန်ကြီး၏ ရက်စက်စွာ အရှင်လတ်လတ်ခွဲစိတ်စမ်းသပ်မှုများ
တိမ်းမှောက်နေခဲ့သော ကားကြီးအတွင်းမှ လူငယ်များနှင့် လူသားစားဆရာဝန်များ မည်သို့ပင် တွေ့ဆုံကြလာဦးမည်နည်း
… … … အစရှိသော ဇာတ်ဝင်ခန်းများအား အပိုင်း(၇)တွင်ဆက်လက်ဖတ်ရှု့ပေးပါရန်
ဆက်လက်၍ဖော်ပြပေးသွားပါမည်။
စာရေးသူ-ထီးကလေး
(ရင်နှင့်ရင်း၍ရေးသားသည်)
No comments:
Post a Comment