လိုက်သူများနှင့်
လူသားစား ဆေးရုံ
အပိုင်း (၁၇)
စာရေးသူ - ထီးကလေး
(ရင်နှင့်ရင်း၍ရေးသားသည်)
**
*********************
မိမိအား အကူညီတောင်းဆိုနေသည့် လူငယ်နှစ်ဦး။ လူသတ်ဓားအား ကိုင်ဆောင်ထားစေရင်း ထိုလူငယ်နှစ်ဦးအနောက်သို့ အပြေးလိုက်လာဟန်တူသည့် ဆေးရုံယူနီဖောင်းဖြင့် ထိုသူ့အား တပြိုင်နက်မြင်တွေ့လိုက်ရသည်ကြောင့် ကိုထိန်ဝင်းမှာမူ မိမိ၏နံဘေး၌ရှိနေသော ဒေါက်တာသန်းနိုင်အား မျက်မှောင်ကြုတ်ကြည့်မိလိုက်ချေသည်။
ဆုတောင်းနေမိ၏ ဆရာဝန်လေး ဆန်းထွန်းပိုင်။ ဖခင်ဖြစ်သူနှင့် သူ၏တပည့်များ ကားကြီးတိမ်းမှောက်သွားသောကြောင့် မည်သည့်အန္တရယ်တစ်မှ မကြုံတွေ့ရပါစေနှင့်။ ဒုက္ခသာလျင် တမိ၏။ ကားကြီးအတွင်း၌ မည်သူတစ်ဦးတစ်ယောက်မျှ ဘာရယ်ကြောင့် ရှိမနေရသနည်း။ အဘယ်ကြောင့်နည်း။ တိမ်းမှောက်နေခဲ့သော ကားကြီးဟာလည်း မိမိတို့၏ကားကြီးပင် ဖြစ်နေခဲ့သည်မှာ မလွဲနိုင်ချေ။ မျက်စိသည်လည်း မမှားနိုင်ခဲ့ပေ။ သတင်းစာအတွင်းမှ သတင်းများအား ဖတ်ရှု့ရခဲ့ပြီး ဖခင်ဖြစ်သူနှင့်သူ၏တပည့်များအား လွန်စွာစိုးရိမ်နေမိသောကြောင့် ဖခင်ဖြစ်သူထံသို့ ဖုန်းခေါ်ဆိုနေခဲ့သော်လည်း ဖခင်၏ဖုန်းမှာ ယခုအချိန်ထိ သတ်မှတ်အချိန်တွင်း ပြန်လည်ဖြေကြားခြင်း မရှိခဲ့ပေ။
ရန်ကုန်မှ ထွက်ခွာလာခဲ့ရင်း ယခုအဝေးပြေးလမ်းမပေါ်၌ ကားလေးအား မောင်းနှင်စေရင်း ဆန်းထွန်းပိုင်တစ်ယောက် လွန်စွာစိုရိမ်ပူပန်နေမိသည်။ ရဲအရာရှိကြီး လမ်းညွန်ပေးရာ မြို့လေးဆီသို့လည်း ရောက်ရှိခါနီးဖြစ်သည်။ အဝေးပြေးလမ်းမ၏ ဘေးဘယ်ညာ၌ လယ်ကွင်းပြင်များသာ မြင်တွေ့နေခဲ့ရပြီး ဆောင်းတွင်း ညနေခင်းလေး၌ ကားလေးအား လျင်မြန်စွာမောင်းနှင်လာစေသည်။
''အိုး… ကိုထီးကလေးတို့ သူငယ်ချင်းတွေ ပါသွားကြတာပဲ ဖေဖေတို့ဘာမှ မဖြစ်လောက်ပါဘူး''
''ငါအတွေးတွေ လွန်နေတာပဲဖြစ်မှာပါ''
''ဟင်!… ဘာဖြစ်လို့ ကားကို တားနေရတာလဲ''
တစ်ကိုယ်တည်းမောင်းနှင်နေရင်း ထိုသို့ဖြေသိမ့်စေခဲ့၏။ မိမိတို့၏ဇနီးမောင်နှံနှစ်ဦးသား ကြံခင်းနယ် ဖုတ်ကောင်ကြီးဖြစ်ရပ်၌ အားက်ိုးအားထားပြုခဲ့ရသည့် လူငယ်များလိုက်ပါသွားချေခဲ့သည်။ ထို့ကြောင့် သာမာန်ပြသနာများအား စိုးရိမ်စရာမလိုလောက်ချေ။ မိမိ၏စိတ်အား ဖြေသိမ့်ကာ လျင်မြန်စွာမောင်းနှင်နေခဲ့ရင်း အရှေ့စူးစူး၌ မောင်းနှင်နေခဲ့သော မိမိ၏ကားလေးအား တားဆီးလေခဲ့သည်။ တားဆီးသူမှာ အသက်ကြီးကြီး လူကြီးတစ်ဦးဖြစ်လျက် အလွန်ပင် အရေးကြီးနေပုံလည်းပေါ်သည်။
မိမိသည်လည်းအရေးကြီး၏။ ကားလေးအား တားစီးနေခဲ့သော လူကြီး၏ပြသနာများဟာ မိမိ၏ပြသနာထက် ပိုမို၍အရေးကြီးမည်လား။ မကြီးလောက်ချေ။ ထို့ကြောင့် ရပ်တန့်ပေးမည်မဟုတ်။ ထိုလူကြီးအား ရှောင်တိမ်းသွားခဲ့ရင်း လမ်းနံဘေးသို့ကြည့်မိသည်။ မြင်တွေ့လိုက်ရသည်က ကိုယ်ဝန်ဆောင်သည် အမျိုးသမီးတစ်ဦးပင်ဖြစ်ချေပြီး သားဖွားရန်အတွက် ဆေးရုံဆီသို့အရောက်သွားနိုင်ရန် သူ၏လင်ယောကျားမှ မိမိ၏ကားလေးအား တားစီးနေခြင်းဖြစ်လေသည်။
''ဟာ… ဒုက္ခပါပဲကွာ ငါဘယ်လိုလုပ်ရမလဲ ဟိုအမျိုးသမီးက မီးဖွားဖို့လိုနေပြီ ငါမှမကယ်ရင် ဒုက္ခတော့ဖြစ်တော့မှာပဲ''
တားစီးနေခဲ့သော ထိုလူကြီးအား ကျော်လွှားမောင်းနှင်သွာစေရင်း စဉ်းစားချေမ်ိသည်။ မိမိဟာလည်း လူသားများ၏အသက်အား ကယ်တင်ကုသပေးနေခဲ့သော ဆရာဝန်တစ်ဦးဖြစ်သည့်အလား မီးဖွားရန်အရေးကြီးနေသော ထိုအမျိုးသမီးအား ဥပေက္ခာမပြုထားရက်ခဲ့ချေ။ ထို့ကြောင့် အရှေ့သို့ မောင်းနှင်နေခဲ့သော ကားလေးအား ဘက်ဆုတ်လျက် ထိုသူများအနားသို့ ပြန်လည်မောင်းနှင်သွားချေခဲ့သည်။
''ဆရာ… ဆရာ ကယ်ပါဦးဆရာရယ် ကျုပ်မိန်းမ မီးမဖွားနိုင်လို့ မြို့ပေါ်ကဆေးရုံကိုပို့ပေးပါဆရာ ကူညီပါဆရာရယ် ကူညီပေးပါ''
''ဟုတ်ပါပြီ ကျွန်တော်ကူညီပေးမလို့ ပြန်လှည့်လာတာ ခင်ဗျားအမျိုးသမီးကို ကားပေါ်မြန်မြန်တင်''
''ကျေးဇူးတင်လိုက်တာဆရာရယ် ကျေးဇုးတင်လိုက်တာ''
''နောက်မှကျေးဇူးတင် အခုခင်ဗျားမိန်းမကို မြန်မြန်သာ ကားပေါ်တင်''
မြို့ပြနှင့်အလှမ်းဝေးရာ ထိုမြို့အပိုင်ကျေးလတ်တောရွာလေးမှ ဇနီးမောင်နှံနှစ်ဦးပင်ဖြစ်ချေသည်။ အမျိုးသမီးမှာ မီးမဖွားနိုင်သောကြောင့် မြို့ဆေးရုံသို့ ပို့ဆောင်ရန်လိုအပ်နေချေခဲ့သည်။ ထို့ကြောင့် ထိုဇနီးမောင်နှံနှစ်ဦးအား ကားလေးပေါ်တင်လျက် ထိုမြို့လေး၏ ဆေးရုံဆီသို့ ဆန်းထွန်းပိုင်တစ်ယောက် လိုက်လံပို့ဆောင်ပေးချေခဲ့သည်။
ရဲအရာရှိကြီး လမ်းညွှန်ပေးရာ မြို့လေးဆီသို့ ရောက်ရှိလာခါနီးချိန်၌ ထိုအဖြစ်ပျက်များကြောင့် ဆန်းထွန်းပိုင်တစ်ယောက် အချိန်များစွာနောက်နှေးနေခဲ့ရသည်။ သို့သော်လည်း ထိုအမျိုးသမီးအား ဥပေက္ခာမပြုထားရဲ့သည်ကြောင့် ဆေးရုံဆီသို့သာ အရောက်ပို့ဆောင်ပေးစေတော့သည်။
ဇနီးမောင်နှံနှစ်ဦးအား ဆေးရုံဆီသို့ ပို့ဆောင်ပေးခဲ့ပြီးသည်နှင့် မိမိ၏လိုရာခရီးဆီသ်ုိ့ ဆက်ရဦးမည်ဖြစ်သည်။ ထို့ကြောင့် အစအဆုံး ကူညီပေးခဲ့ပြီး လက်အတွင်းမှ လက်ပတ်နာရီအား ကြည့်မိလိုက်သည်နှင့် အချိန်ဟာ ည(၈)တိတိရှိနေချေခဲ့သည်။ သို့နှင့် ထိုလင်မယားအား နှုတ်ဆတ်လျက် လိုရာခရီးဆီသို့ အမြန်ဆုံးသာလျင် ဆက်လက်ထွက်ခွာလာခဲ့ချေတော့သည်။ ။
**
''အ… အ''
''ဟင်!… မင်း… မင်းဘယ်သူလဲ''
''ဟာ!… ရှင်သတိရလာပြီလား ကျွန်မရှင့်ကို တစ်ချိန်လုံး စောင့်နေခဲ့တာ ရှင်မြန်မြန်ပြေးတော့ ဒီဆေးရုံထဲကနေ ရှင်မြန်မြန်ပြေးတော့''
''မင်း!… မင်းငါ့အနားမကပ်နဲ့''
''ကျွန်မက ရှင့်ကို ဒုက္ခပေးမယ့်သူ မဟုတ်ပါဘူး ကျွန်မကို မကြောက်ပါနဲ့''
''အား!… ငါ့လက် ငါ့လက်တွေ အရမ်းနာနေတယ် ငါဘယ်ရောက်နေတာလဲ ငါဘယ်ရောက်နေတာလဲ မင်း… မင်းငါ့ကိုဖမ်းထားတာလား''
''မဟုတ်ပါဘူး ရှင်ထောင်ချောက်အခန်းထဲဝင်မိပြီး ပြုတ်ကျသွားခဲ့တာလေ… မှတ်မိရဲ့လား''
''ဟင်!… ဟုတ်… ဟုတ်တာပဲ ငါ… ငါပြုတ်ကျသွားခဲ့တာ မင်း… မင်းလဲ ဆေးရုံထဲက လူသတ်သမားပဲလား''
သူတစ်ယောက်သတ်ိရလာ၏။ မှောက်လျက်အနေအထားမှ လှုပ်ရှားလာခဲ့ရင်း မိမိအားကျောခိုင်းထိုင်နေခဲ့သော နပ်စ်မဝတ်ဆုံနှင့် ဝိဥာဉ်မလေး သီရိမေအား မြင်တွေ့လိုက်ရချေသည်။ မူးနောက်နေသော အာရုံများနှင့် မိမိ၏နံဘေးတွင် ကျောပေးထိုင်နေခဲ့သော နပ်စ်မလေးအား မြင်တွေ့လိုက်ရသည်ကြောင့် မှောက်လဲကျနေရာမှ လျင်မြန်စွာ ကျုံးရုံးထလိုက်သည်။
မျက်နှာတစ်ခြမ်း၌လည်း ပွန်းပဲ့ဒဏ်ရာများဟာ သတိရရှိလာခဲ့သည်နှင့် သွေးများစွာ ဆီးကျလာခဲ့ချေသည်။ ပြုတ်ကျသွားခဲ့သည့် ကြမ်းပြင်ဟာ မြေကြီးများသာဖြစ်နေခဲ့ပြီး အလင်းရောင်ဟာလည်း ထိန်ထိန်သာအောင် လင်းနေခဲ့ခြင်းတော့မဟုတ် သို့သော်လည်း ထိုအခန်းအတွင်း၌ တစ်ဦးမျက်နှာ တစ်ဦး ကောင်းစွာမြင်တွေ့စေနိုင်သည်။
ဆေးရုံလှေကားအတတ်အဆင်း၌ ထိုနပ်စ်မလေးနှင့် ဆုံတွေ့ခဲ့ဘူးသည်။ သို့သော် ထိုအချိန်က ဆေးရုံ၏အကြောင်းများအား မသိရှိသေးခဲ့သည်ကြောင့် သာမာန်မျှသာ ပြောဆိုဖြစ်ခဲ့ဘူးသည်။ ယခု မိမိတစ်ယောက် ထိုဆေးရုံဟာ လူသတ်နေခဲ့သော နေရာတစ်ခုဟု သိရှိလိုက်ရသည်နှင့် မိမိအနားတွင် ရုတ်တရက်တွေ့ရှိလိုက်သော နပ်စ်မလေးအား ထိတ်လန့်သွားစေခဲ့သည်။ သို့သော်လည်း နပ်စ်မလေးဟာ သူမတစ်ယောက် ဆေးရုံရှိလူသတ်သမားများနှင့် မတူကြောင်း ထီးကလေးအား ရှင်းပြပြောဆိုချေခဲ့သည်။
''မင်းပြောတာသေချာတယ်နော်!… ဒါဆို မင်းကလဲ ငါ့လိုပြေးနေတာပဲလား… ဘာဖြစ်လို့ နပ်စ်မဝတ်စုံ ဝတ်ထားရတာလဲ မင်းငါ့ကိုလိမ်နေတာလား''
ထီးကလေး၏ အမေးစကားများ သူမတစ်ယောက် သက်ပြင်းတစ်ချက်အား ခပ်ပြင်းပြင်းချစေသည်။ ထို့နောက် မြေပြင်ပေါ်၌ ကြုတ်ကြုတ်ကလေးထိုင်နေရာမှ ခြည်းညင်းစွာထလိုက်ရင်း
''ကျွန်မ… ကျွန်မက သူတို့ခိုင်းတဲ့ အလုပ်တွေ မလုပ်ချင်တော့လို့ ရှောင်ပြေးနေခဲ့တာပါ… သူတို့ကလဲ ကျွန်မကိုလိုက်ရှာနေကြတယ် တွေ့တာနဲ့ သတ်ပစ်ကြမှာသေချာတယ် ဒါကြောင့်ကျွန်မလည်း ရှင့်လို လွတ်ရာနေရာမှာ ပုန်းခိုနေခဲ့ရတာပါ''
''ဟင်!… ဒါဆိုအရင်တုန်းက ဒီဆေးရုံမှာ မင်းကနပ်စ်မပေါ့ဟုတ်လား!… ငါ့သူငယ်ချင်းရော… ငါ့သူငယ်ချင်းရော သေကုန်ကြပြီလား သူတို့ဘယ်မှာလဲ''
''ရှင့်သူငယ်ချင်းတွေလဲ ဆေးရုံထဲက ထွက်နိုင်အောင်ကြ်ုးစားနေကြတယ်!… ဒါပေမယ့် သူတို့တွေ ထွက်ပေါက်ကို လွယ်လွယ်နဲ့ရှာတွေ့မှာမဟုတ်လောက်ဘူး!''
''ဆရာဝန်တွေကလဲ သူတို့ကိုတွေတာနဲ့ သတ်ပစ်ကြမျာသေချာတယ် ရှင့်ကိုတော့ ကျွန်မကူညီပေးမယ် ရှင်ဒီဆေးရုံထဲကနေ အမြန်ဆုံးပြေးပါတော့''
''ဟင်!… မဖြစ်ဘူး ပြေးနိုင်ဘူး ငါ့သူငယ်ချင်းတွေကို ငါဆေးရုံထဲကနေ ထွက်နိုင်အောင် ကယ်တင်ချင်တယ်… သူတို့ကို ငါကယ်မှဖြစ်မယ် ငါမထားခဲ့နိုင်ဘူး''
''ဒီမှာ!… ရှင်ကယ်နိုင်မှာမဟုတ်ဘူး ရှင်သာ လွတ်ရာကိုပြေးပါ''
''အိုး!… ဘာကြောင့်မကယ်နိုင်ရမှာလဲ ငါ့သူငယ်ချင်းတွေမရှိရင် ငါလဲမရှိနိုင်ဘူး သူတို့နဲ့ သေအတူရှင်မကွာ ငါနေလာခဲ့တာ ငါရအောင်ကယ်မယ်''
ထိုသို့ကြုံးဝါးပြောဆိုလိုက်ရင်း မြေပြင်ပေါ်၌ ထိုင်လျက်ရှိနေသော ထီးကလေးတစ်ယောက် ရုတ်တရက်ထလိုက်သည်။ နာကျင်နေခဲ့သော လက်နှစ်ဖက်မကူ အလွတ်သာလျင် ထလိုက်သည်ကြောင့် ထီးကလေးတစ်ယောက် မြင်ပြင်ပေါ်သို့ ထိုင်လျက်သား ပြန်လည်ကျသွားခဲ့ရသည်။
''အား… ငါ့!… ငါ့ကိုတစ်ချက်တွယ်ပေးပါလား''
''ရှင်ဘယ်သွားမှာလဲ!… ရှင်ပြေးတော့ ရှင့်ကိုကျွန်မ ဆေးရုံထဲကနေ ထွက်နိုင်တဲ့ ထွက်ပေါက်ဆီလိုက်ပို့ပေးမယ်''
''ဟင့်အင်း !… ငါမပြေးဘူး ငါ့သူငယ်ချင်းတွေနဲ့အတူ ငါဆေးရုံထဲကနေ ရအောင်ထွက်မယ်''
''အိုး!… ခတ်တော့တာပဲရှင်''
''မင်းငါ့ကိုတစ်ချက်လောက်တွယ်ပေးပါ… ငါ့လက်နှစ်ဖက် အရမ်းနာနေတယ် ကျေးဇူးပြုပြီး ငါ့ကိုတွယ်ပေးပါ''
သီရိမေတစ်ယောက် သူမဟာ လူသားစင်စစ်တစ်ဦးမဟုတ် ဝိဥာဉ်တစ်ဦးဖြစ်ကြောင်း မပြောဆိုခဲ့ချေ။ ထို့ကြောင့် ထီးကလေးသည်လည်း သီရိမေအား လူသားတစ်ဦးပင်ဖြစ်သည်ဟု ထင်မြင်မိချေသည်။ အကူညီတောင်းခါ မိမိအား ထနိုင်ရန် တွယ်ကူခိုင်းနေခဲ့သော ထီးကလေး၏အကူညီများအား သူမတစ်ယောက် မကူညီနိုင်ခဲ့ချေ။ ထိုလူငယ်၏ ခန္ဓာကိုယ်အား သူမ တို့ထိလိုက်သည်နှင့် ထိုတစ်ချိန်ဆိုလျင် ဆိုးရွာစွာနှင့် သူမတစ်ယောက်ခံစားရတော့မည်မှာ သေချာလှသည်။
''ဘာဖြစ်လို့ငါ့ကို မတွဲပေးရတာလဲ မင်း!… မင်းလဲ… လူသတ်သမားပဲ''
ကျွန်မ လူသတ်သမား မဟုတ်ပါဘူး။ ကျွန်မရှင့်ကို ကူညီမယ့်သူပါ ထီးကလေးရယ်။ ဒါပေမယ့် ရှင့်ကိုထိတာနဲ့ ကျွန်မတစ်ကိုယ်လုံး အလွန်နာကျင်ခဲ့ရတယ်။ ရှင်မေ့နေတုန်းက ကျွန်မရှင့်ကို အကြိမ်ကြိမ်အခါခါ လှုပ်နှိုးမိခဲ့ပါတယ်။ အကြိမ်အခါခါလဲ ကျွန်မနာကျင်ခဲ့ရတယ်။ ဒီတစ်ခါဆိုရင် ကျွန်မ ကမ္ဘာကြီးအပေါ်ကနေ ပျောက်ကွယ်သွားရလိမ့်မယ် ရှင်သိရဲ့လား။
သူမ၏စိတ်အတွင်းမှ ထိုသို့ပြောဆိုနေခဲ့သော စကားများအား ထိုလူငယ်လေး ကြားသိနိုင်လိမ့်မည်မဟုတ်။ ဘာရယ်ကြောင့်မှန်းလဲမသိ။ သူမသည်လည်း သက်တမ်းရင့် ဝိဥာဉ်တစ်ဦးဖြစ်သည့်အလား လူသားအမြောက်များအား တို့ထိခြိမ်းခြောက်ခဲ့ဘူးသည်။ သို့သော် ယခု သူမ၏အရှေ့မှ လူငယ်လေး၏ ခန္ဓာကိုယ်အား သူမ မည်သည့်အတွက်ကြောင့် တို့ထိ၍ မရ ရသနည်း။ တို့ထိလိုက်လျင်လည်း ယခုအခ့ါဆိုလျင် ကမ္ဘာပေါ်မှ သူမပျောက်ကွယ်သွားရတော့မည်မှာ သေချာလှသည်။
လှုပ်ရှားနေခဲ့သော စိတ်အား တည်ငြိမ်စေရန်မွေးမြူလိုက်ရသည်။ လက်နှစ်ဖတ်မကူ အလွတ်သာလျင် ထိုင်လျက်အနေထားမှ မတ်တပ်ရပ်နိုင်ရန် ကြိုးစားလိုက်လေသည်။ မတ်တပ်အနေထားသို့ ရပ်နိုင်ခဲ့၏။ သို့သော်လည်း ထိုအခန်းအတွင်းမှ ထွက်ပေါက်အား သူတစ်ယောက်ရှာမတွေ့နိုင်ခဲ့ချေ။
''ငါ့ကိုကူညီပေးပါ!… ဒီအခန်းထဲကနေ ငါဘယ်လိုထွက်ရမလဲ''
''ရှင်မလောပါနဲ့!… ဒီအခန်းထဲကနေ ရှင်ထွက်သွားရင် လူသတ်သမားတွေနဲ့ ထိပ်တိုက်တွေ့ရလိမ့်မယ် အဲ့ဒီအခါကျရင် ရှင်သူတို့ကို ဘယ်လိုခုခံမလဲ ရှင်လက်နှစ်ဖက် အရင်ကောင်းအောင် ဒီအခန်းထဲမှာ အရင်လုပ် ပြီးမှ ထွက်ပေါက်ကိုရှာ''
''ဒါ… ဒါဆို မင်းထွက်ပေါက်သိတယ်ပေါ့… ဟုတ်လား''
''ဟုတ်တယ်… ရှင့်လက်တွေ ဘာဖြစ်တာလဲ''
''ဘယ်… ဘယ်ဘက်လက်က လက်မောင်းအဆစ်ပြုတ်နေတယ်… ညာဘက်လက်က ပြုတ်ကျပြီး ဖိမိနေလို့ အခုထိထုံးထိုင်းနေတုန်းပဲ''
''ကောင်းပြီ!… ပြုတ်နေတဲ့ လက်မောင်းအဆစ်ကိုတော့ ကျွန်မပြန်ကောင်းအောင် လုပ်ပေးနိုင်တယ်… ညာလက်ကတော့ သွေးလေလျောက်လာရင် သက်သာသွားမှာပါ''
''ဟင်!… မင်းတကယ်ပြောနေတာလား ဘယ်လိုလုပ်မှာလဲ ဘယ်လက်က အရမ်းကိုနာနေတာ''
''ကျွန်မပြောတဲ့အတိုင်း ရှင်လုပ် နည်းနည်းတော့ အနာခံရမယ်''
''ရတယ်… လက်ပြန်ကောင်းရင်ပြီးရော''
''ကောင်းပြီ အဲ့ဒီလက်ကို မြေပြင်မှာထောက် ပြီးရင် ပုခုံးကို နည်းနည်းကစားပေး''
''အား!… တော်တော်နာတယ်''
''လုပ်… လုပ်စမ်းပါ အဲ့ဒါမှ ရှင့်လက်ပြန်ကောင်းလာမှာ မဟုတ်လို့ကတော့ ရှင်ဒီ့ထက်ပိုနာနေလိမ့်မယ်''
သူမပြောသည့်အတိုင်း ထိုလူငယ်တစ်ယောက် ပြုလုပ်ချေသည်။ အဆစ်ပြုတ်နေခဲ့သော ဘယ်လက်အား မြေပြင်ပေါ်သို့ ထောက်လိုက်သည်နှင့် ဆူးနစ်လောက်ပင် အောင့်တတ်သွားသည်။ ရှုံတ်မဲ့နေသော မျက်နှာထား။ ဦးခေါင်းအား ခပ်ဆတ်ဆတ်ရမ်းခါလိုက်သည်။
''အား!… အားအားအာားအားအး''
''ရလား!… ရလား''
''ကျွတ်ကျွတ်!… အား!… မရဘူး''
''ထပ်ကြိုးစားကြည့်ပါဦး အချိန်နည်းနည်းကြာသွားလို့ တင်ရတာခတ်နေတာဖြစ်မယ်… ဟုတ်ပြီ ခဏနေဦး… အကြံတစ်ခုရပြီး… ဟိုတန်းကို လက်နဲ့ဆွဲကြည့်''
''မင်း… မင်းငါ့ကိုတမင်သတ်သတ် နာကျင်အောင်လုပ်နေတာလား''
''အိုရှင်!… အခုချိန်မှာ ရှင်ကျွန်မကို မယုံနိုင်ရင် ရှင့်အတွက်မကောင်းဘူးနော် ရတယ်လေ … ကျွန်မကိုမယုံကြည်မှတော့ ခွင့်ြ့ပုဦး''
''ဟေ့ဟေ့… နေဦး လုပ်မယ်''
''ဒါပေမယ့် မင်းပြောသလို ငါလက်မြောက်လို့မရဘူး မင်းနည်းနည်းကူညီပေးပါလား''
''ဟင်!… ရှင့်ကိုကျွန်မ… ထိလို့… ထားပါ ကျွန်မဝိုင်းကူလဲ ရမှာမဟုတ်ဘူး အနာခံပြီး လက်ကိုရအောင်မြောက် ပြီးတာနဲ့ အဲ့တန်းကိုဆွဲ ဒါဆိုရင်တော့ ရှင့်လက်မောင်းအဆစ် ပြန်တည့်သွားနိုင်တယ်''
နှုတ်ခမ်းအားစေ့ထားသည်။ နပ်စ်မလေးပြောဆိုနေသော အတိုင်းသာလျင် သူတစ်ယောက် ပြုလုပ်တော့မည်ဟု ဆုံးဖြတ်ချေခဲ့ရင်း ခေါင်းအား တဆတ်ဆတ်ငြိမ့်ပြလိုက်သည်။ နာကျင်လွန်းလှသည်။ ချိတ်ကဲ့သို့ တွယ်လျက်ထားခဲ့သော အဆစ်နှစ်ခုနေရာလွဲသွားသည်ကြောင့် လက်မောင်းအဆစ်မှာ ပြုတ်သွားခဲ့ရခြင်းသည်။ နေရာလွဲချော်နေသော ထိုအဆစ်နှစ်ခု တည့်မတ်သွားမှသာလျင် ပြန်လည်ကောင်းမွန်လာချေမည်ဖြစ်သည်။
ထို့ကြောင့် နပ်စ်မလေးပြောဆိုသည့်အတိုင်းသာလျင် နံရံမှတန်းတစ်ခုအား ဆွဲကိုင်နိုင်ရန် ကောင်းနေခဲ့သော ညာလက်ဖြင့် ဘယ်လက်အား မ.တင်လိုက်သည်။ တစ်ဗြစ်ဗြစ်နားအတွင်း၌ ကြားလိုက်ရ၏။ သေချာလေသည်။ အသားအတွင်းမှ အရိုးနှစ်ချောင်း ပွတ်တိုက်သွားဟန်တူသည်။ နာကျင်သည်က အတိုင်းတာကင်းမယ့်လှသည်။ ဆောင်းညလေးဖြစ်စေသော်လည်း ထီးကလေး၏ခန္ဓာကိုယ်၌ ချွေးစီးများထွက်နေခဲ့သည်။ ကြိတ်မှိတ်အနာခံရင်း ညာလက်ဖြင့် မ.တင်ကာ ထိုတန်လေးဆီသို့ ဘယ်ဘက် လက်ဆွဲနိုင်ချေခဲ့သည်။
''ရပြီ… အား!… မြန်မြန်ပြော ဘာဆက်လုပ်ရမလဲ''
''အနောက်ကိုဆွဲ''
''ဘယ်လိုဆွဲရမှာလဲ''
''အိုး!… ရှင့်စိတ်ထဲမှာ အဲ့ဒီနံရံက တန်းကို ဆွဲဖြုတ်နေတာလို့ သဘောထားပြီး ဆွဲ''
အော်ဟစ်ပစ်လိုက်ချင်သည်။ လွန်စွာနာကျင်သောကြောင့်။ သို့သော်လည်း အီးဟူသော အသံဖြင့်သာ ထွက်ပေါ်စေရင်း တစ်စုံတစ်ယောက် မကြားသွားနိုင်ရန် ကြိတ်မှိတ်စေရင်း နပ်စ်မလေး၏စကားအတိုင်း လုပ်ဆောင်ခဲ့ချေတော့သည်။
''အား!… ကျွတ်ကျွတ်!…''
''ရပြီမဟုတ်လား ရှင်ကောင်းသွားပြီမဟုတ်လား''
''ရပြီ ဟာ!… အခုကျတော့လည်း ဘာမှမနာတော့ပါလား''
''ဟုတ်တယ် လက်မောင်းအဆစ်ပြုတ်ရင် ဒီတိုင်းပဲ ရှင်တစ်ခုသတိထားပါ လက်မောင်းဆိုတာ ပြုတ်စရှိရင် အမြဲပြုတ်နေတတ်တယ်''
''ကျေးဇူးတင်ပါတယ် ဒီလိုပြောပြပေးတဲ့မင်းကို ကျေးဇူးတင်ပါတယ်''
''အိုး!… မလိုပါဘူး ကဲလာ!… ကျွန်မတို့အပြင်ထွက်မယ် ရှင့်ကို ကျွန်မကူညီပေးမှာပါ ရှင့်အလှည့်ကျရင်လည်း ကျွန်မကိုပြန်ကူညီပေးရမယ်''
''စိတ်ချပါ!… ကျွန်တော်ထီးကလေးက ဘယ်တော့မှကျေးဇူ မမေ့တတ်ပါဘူး''
နှစ်ရက်တိတိလက်မောင်းအဆစ်ပြုတ်ခဲ့ရသည်လား။ ဟုတ်ပါသည်။ ဆောင်းညအောက်၌ တဆစ်ဆစ်ကိုက်ခဲနေခဲ့သော လက်မောင်းမှာတော့ ယခုအချိန်၌မူ နာကျင်ခြင်းများ မရှိတော့သည့်အထိ အကောင်းပကတိအတိုင်း ပြန်လည်ဖြစ်လာချေခဲ့သည်။ အပြန်အလှန်စကားများ ပြောဆိုချေရင်း ထိုအခန်းတွင်းမှ နပ်စ်မလေးဦးတည်ရာအနောက်သို့ လိုက်ပါခါ အပြင်သို့ထွက်နိုင်မည့် ထွက်ပေါက်အား စတင်ရှာဖွေလေတော့သည်။
*********
အမြန်နှုန်ူးဖြင့် မောင်းနှင်လာစေရင်း ရဲအရာရှိကြီး လမ်းညွန်ပေးခဲသည့် နယ်မြို့လေးဆီသို့ ရောက်ရှိလာခါ နယ်မြေပိုင်စခန်းဆီသို့ပင် ဦးတည်ရောက်ရှိလာချေခဲ့သည်။ ရန်ကုန်မှ မိမိထွက်ခွာလာခဲ့သည့် အချိန်ဟာ ညနေဆောင်းပင် ဖြစ်စေသော်လည်း လမ်းတစ်လျောက် မိမိ၏အကူညီများအား ပေးခဲ့ရသည်ကြောင့် ယခု နယ်မြေပိုင်စခန်းဆီသို့ ည(၈:၁၅)မိနစ်အချိန်မှသာ ရောက်ရှိလာနိုင်ခဲ့လေသည်။
အပိုင်စခန်းအရှေ့သို့ ရောက်ရှိလာခဲ့သည်နှင့် ကားလေးအား ရပ်တန့်စေခဲ့ရင်း နယ်မြေပိုင်စခန်းအတွင်းသို့ ဝင်ရောက်ရန် စတင်ဦးတည်ချေခဲ့သည်။ စခန်းအတွင်းသို့ဝင်ရောက်ရန် ဦးတည်နေခဲ့သော ဆန်းထွန်းပိုင်အား စခန်းအရှေ့မှ စောင့်ကြပ်နေခဲ့သည့် ရဲသားနှစ်ဦးမှာမူ သူ့အား တွေ့ရှိလိုက်ရသည်နှင့်
''ဘာများ အကူညီပေးရပါမလဲခင်ဗျာ''
''ဟိုလေ… စခန်းမှူးကြီးနဲ့ တွေ့ချင်လို့ပါ''
''စခန်းမှူးကြီးတော့ အပြင်ခဏထွက်သွားတယ်… အထဲမှာ ဆရာတစ်ယောက်တော့ရှိတယ် လာ… ကျွန်တော်လိုက်ပို့ပေးပါ့မယ်''
အစောင့်ရဲသားတစ်ဦး ခေါ်ဆောင်ရာအနောက်သို့ ဆန်းထွန်းပိုင်တစ်ယောက် လိုက်ပါသွားခဲ့ရင်း နယ်ထိန်းကြည်ဦးဆီသို့ ရောက်ရှိလာခဲ့လေသည်။ ထို့နောက် မိမိရောက်ရှိလာခဲ့သော အကြောင်းများအား ပြောဆိုချေခဲ့ရင်း နယ်မြေအပိုင်စခန်းမှူးကြီ ကိုထိန်ဝင်းတစ်ယောက် အပြင်မှပြန်လည်ရောက်ရှိလာမည့် အချိန်ကိုသာ စောင့်စားနေခဲ့လေသည်။
ခဏအကြာ၌ နယ်မြေပိုင်စခန်းအရှေ့သို့ ဆိုင်ကယ်တစ်စီးထပ်မံ ရောက်ရှိလာပြန်သည်။ ဆိုင်ကယ်ကယ်ရီခုံအနောက်မှ ဆင်းလိုက်ရင်း ဆိုင်ကယ်ငှားခအား ပေးလျက် စခန်းအတွင်းသို့ ဝင်ရောက်ရန်ဦးတည်လိုက်သော ထိုသူ့အား အစောင့်ရဲသားနှစ်ဦး တွေ့ရှိလိုက်သည်နှင့် အံ့သြတစ်ကြီး စကားများစွာ ပြောဆိုချေခဲ့သည်။
''ဟာ!… ဆရာ ညဘက်ကြီးပြန်ရောက်လာပါလား''
''အင်းဟုတ်တယ်… ဒီနယ်မှာလည်း အရေးကြီးနေတာနဲ့ ချက်ချင်းပြန်လာတာ မင်းတို့ဆရာရော''
''အထဲကိုကြွပါဆရာ… ကျွန်တော်တို့ဆရာကတော့ ညနေကတည်းက အပြင်ထွက်သွားတာ အခုချိန်ထ်ိပြန်မလာသေးဘူး''
''ဘယ်ကိုထွက်သွားတာတုန်း''
''အဲ့ဒါတော့ ကျွန်တော်တို့လဲမသိဘူးဗျ… ကိုကြည်ဦးကိုတော့ ပြောခဲ့မယ်နဲ့ထင်တယ် ကြွပါဆရာ အထဲကိုကြွပါ''
ရဲအုပ်မောင်ဝင်း။ မြောင်းမြမြို့ဆီသို့ နေ့လည်ခင်းအချိန်မှ ထွက်ခွာသွားခဲ့ရင်း ယခုညတွင်းချင်းပင်လျင် ထိုနယ်လေးဆီသို့ ပြန်လည်ရောက်ရှိလာခဲ့လေသည်။ သို့နှင့် ရဲအုပ်မောင်ဝင်းအား အစောင့်ရဲဘော်လေးတစ်ဦးမှာ လှိုက်လှဲစွာကြိုဆိုစေရင်း စခန်းအရှေ့မှ စခန်းအတွင်းသို့ ခေါ်ဆောင်စေခဲ့သည်။
စခန်းအဝသို့ရောက်ရှိလာခဲ့ပြီး နယ်ထိန်းကြည်ဦးနှင့်အတူ စကားများစွာပြောဆိုနေခဲ့သော ဆန်းထွန်းပိုင်အား မြင်တွေ့လိုက်ရသည်။ သို့သော် နောက်ကျောကိုသာ မြင်တွေ့နေရသည်ကြောင့် မည်သူမည်ဝါမှန်း မသိရှိသေးချေ။ စခန်းဝမှ ရဲအုပ်မောင်ဝင်းအား မြင်တွေ့လိုက်ရသည်နှင့် နယ်ထိန်းကြည်ဦးမှာ ထိုင်နေသည့်ခုံမှ လျင်မြန်စွာထခါ
''ဟာ!… ဆရာ… ဘယ်လိုဖြစ်လို့ ညကြီးမိုးချုပ် ပြန်လာရတာလဲ''
''အေးဗျာ!… ဒီနယ်မှာကလဲ အမှု့မပြီးသေးတော့ ချက်ချင်းပြန်လာခဲ့တာ''
ထိုင်နေသည့်ခုံမှ ထလိုက်ရင်း ရဲအုပ်မောင်ဝင်းအား စကားများစွာ ပြောဆ်ိုနေခဲ့သော နယ်ထိန်းကြည်ဦး၏ မျက်လုံးအဆုံးသို့ ဆန်းထွန်းပိုင်တစ်ယောက် လှည့်ကြည့်မိလိုက်လေသည်။
''ဟင်!… အခွင့်အရေး ရဲအုပ်ကိုမောင်ဝင်း''
''ဆန်းထွန်းပိုင်!… ခင်ဗျား ဆန်းလေးမဟုတ်လား''
''ဟုတ်တယ်လေ… ကျွန်တော်ဆန်းထွန်ပိုင်ပါ… ကိုမောင်ဝင်း ပြန်ဆုံကြပြန်ပြီနော်''
''ဟုတ်ပါ့ဗျာ!… ပြန်ဆုံရတာ ကျွန်တော်မောင်ဝင်း ကြည်နူးမိပါတယ်… ဘယ်လိုဖြစ်ပြီး ခင်ဗျားဒီစခန်းကိုရောက်နေရတာလဲ''
ဆုံခဲ့ရဘူးသည်။ သေတူရှင်မကွာ ဖြစ်ရပ်ဆန်းတစ်ခုဖြစ်သော…
တစ္ဆေ၊ သရဲ၊ ကဝေ၊ စုန်း၊ မှော်၊ သိုက်
လိုက်သူများနှင့်
သွေးစုတ် ဖုတ်ကောင်
ဖြစ်ရပ်ဆန်း၌ တစ်ဦးကိုတစ်ဦး အသတ်ပေးခါ ကာကွယ်ခဲ့ကြသော မိတ်ဆွေများပင်ဖြစ်သည်။ ထိုကဲ့သို့သော မိတ်ဆွေဖြစ်သူများ မဆုံတွေ့ဖြစ်ကြသည်မှာ အချိန်ကြာမြင့်နေပြီးဖြစ်သည်။ ယခုအခါ နယ်မြေပိုင်စခန်းအတွင်း၌ ရုတ်တရက် ပြန်လည် ဆုံတွေ့ဖြစ်ကြရင်း ဆန်းထွန်းပိုင်တစ်ယောက် မိမိ၏လာရင်း အကြောင်းများအား ပြောဆိုမည်ဖြစ်သည်။ သို့နှင့် သက်ပြင်းတစ်ချက်အား ဖြည်းညင်းစွာချစေကာ
''ဒီလိုဗျ!… အဝေးပြေးလမ်းမဘေးကို ကားကြီးတစ်စီး တိမ်းမှောက်သွားတဲ့ သတင်း ကျွန်တော်ဖတ်လိုက်ရတယ်… ပြီးတော့ အဲ့ဒီကားကြီးက ကျွန်တော့အဖေနဲ့ သူ့တပည့်တွေ ခရီးထွက်သွားကြတဲ့ ကားကြီးဖြစ်နေမှန်း ကျွန်တော်သိလိုက်ရတယ် အဲ့ဒါကြောင့် နယ်မြေပိုင်စခန်းမှူးကြီးကို အကြောင်းကြားရင်း သူပေးတဲ့လိပ်စာအတိုင်း ကျွန်တော်ဒီစခန်းကိုရောက်လာခဲ့တာ''
''ဟင်… ဒါဆို ကားကြီးရဲ့ပိုင်ရှင်က ဆန်းလေးပေါ့ဟုတ်လား''
''ဟုတ်တယ်ကိုမောင်ဝင်း! ခရီးထွက်သွားကြတာ ကိုထီးကလေးတို့ သူငယ်ချင်း ငါးယောက်လည်းပါသွားတယ်''
''ဗျာ!… ဒါ… ဒါဆိုပုသိမ်ဘက်ကို သွားကြတာပေါ့… ဟာ!… ကိုယ်ကျိုးတော့ နည်းကုန်ပါပြီ!''
''ဟင်… ပုသိမ်ဘက်ကို သွားကြမှန်း ကိုမောင်ဝင်းသိနေတယ်ဟုတ်လား''
''ဟုတ်တယ်ဗျ… ကိုထီးလေးတို့ခရီးမထွက်ခင် တစ်ရက်က ကျုပ်သူ့ဆီရောက်ခဲ့သေးတယ် သူတို့သူငယ်ချင်းငါးယောက်နဲ့ သူ့ဆရာအပါအဝင် တစ်ခြားကျောင်းသားကျောင်းသူတွေနဲ့ ပုသိမ်ဘက်ကို ခရီးထွက်ကြမယ်လို့ ပြောလို့ ကျုပ်လဲသိထားရတာ''
''သိပ်ဟုတ်တာပေါ့ဗျာ… ဒါနဲ့ကိုမောင်ဝင်း သတင်းစာထဲမှာ ရေးထားတာ မှောက်နေတဲ့ ကားကြီးထဲမှာ လူတစ်ယောက်မှ မရှိဘူးလို့ရေးထားတယ် အဲ့ဒါဟုတ်လား''
''ဟုတ်တယ်!… ထူးထူးဆန်းဆန်း ယဉ်တိမ်းမှောက်မှုဖြစ်နေလို့ ကျုပ်ကိုယ်တ်ိုင် ချက်ချင်း သတင်းစာထဲထည့်ခိုင်းခဲ့တာ ဒါနဲ့နေပါဥင်္ီး ကိုဆန်းလေးအဖေနဲ့ ကိုထီးကလေးတို့ အိမ်ကထွက်သွားတုန်းက ကားကြီးကလဲ သတင်းစာထဲမှာ ခင်ဗျားမြင်ခဲ့ရသလို ပျက်စီးနေတဲ့ ကားပုံစံမျိုးပဲလား'
''ဟာဗျာ!… ဘယ်ကသာ… အဲ့ဒီကားကြီးက ရာဇဝင်တွေရှိလို့ မစီးပဲထားခဲ့တာ နှစ်မနည်းတော့ဘူး ကားက အသစ်စက်စက်ပါပဲ ဒါပေမယ့် ကျွန်တော်သတင်းစာထဲမှာ တွေ့လိုက်ရတာတော့ ကားကိုတမင်သတ်သတ် ပျက်စီးအောင် ရုပ်ဖျက်ထားသလိုပဲ''
''ဟာ… ဒါဆိုရင်တော့ ကိုထီးလေးတို့တွေ တစ်ခုခုအန္တရယ်ဖြစ်နေတာ သေချာပြီ… ကျုပ်လဲ တစ်နေ့ကုန် သူတို့အားလုံးရဲ့ ဖုန်းကိုခေါ်နေခဲ့တာ အခုချိန်ထိခေါ်လို့ကိုမရသေးဘူး… ဒုက္ခပါပဲဗျာ သူတို့ဘာတွေများ ဖြစ်နေကြပါလိမ့်''
''အဖေ့ဖုန်းကို ခေါ်လို့တော့ရတယ်ဗျ ဒါပေမယ့် ဖုန်းမကိုင်ဘူး… ကျွန်တော်လဲ သတင်းစာဖတ်ရကတည်းက တရတ်ဆက်ခေါ်နေတာ အခုထိဖုန်းမကိုင်ဘူးဖြစ်နေတယ်''
''ဟင်!… ဒါဆို အဲ့ဒီဖုန်းနံပါတ် ကျွန်တော့ကိုပေး''
ဆန်းထွန်းပိုင်၏ စကားများအား ကြားသိလိုက်ရသည်နှင့် ရဲအုပ်မောင်ဝင်းမှာမူ မိတ်ဆွေဖြစ်သူများအတွက် အလွန်ပင်စိုးရိမ်မိသွားချေခဲ့သည်။ မိမိထင်မြင်ခဲ့သည့်အတိုင်း တိမ်းမှောက်သွားခဲ့သော ကားကြီးနှင့် မိမိ၏မိတ်ဆွေများ ပတ်သတ်နေခဲ့သည်မှာ သေချာသွားခဲ့လေပြီဖြစ်သည်။
ဖခင်ဖြစ်သူ၏ ဖုန်းအား ခေါ်ဆို၍ရသော်လည်း သတ်မှတ်ချိန်အတွင်း ပြန်လည်ဖြေကြားခြင်းမရှိခဲ့ကြောင်း ရဲအုပ်မောင်ဝင်းအား ဆန်းထွန်းပိုင်တစ်ယောက် ပြောဆိုချေခဲ့သည်။ ထို့ကြောင့် ရဲအုပ်မောင်ဝင်းမှာမူ သဲလွန်စတစ်စုံတစ်ခု ရရှိလေပြီဟု သတ်မှတ်ချေကာ ကျူရှင်ဆရာကြီး၏ ဖုန်းနံပါတ်အား တောင်းယူလေခဲ့သည်။
***
''ကျွန်… ကျွန်တော်တို့ကိုကယ်ပါဦးဗျာ ကယ်ပါဦး''
''ဟင်… ကောင်လေး! မင်းဘာတွေပြောနေတာလဲ''
မျက်မှောင်အားကြုတ်လိုက်သည်။ မိမိ၏ခြေသလုံးအား တင်းကြပ်စွာဖတ်ထားစေရင်း ကယ်ပါဦးဟူသော စကားများသာ တရတ်ဆက်ပြောဆိုနေခဲ့သည့် မောင်ကဲအား ကိုထိန်ဝင်းတစ်ယောက် နားမလည်နိုင်။
''သြော်… ဟေ့ကောင်တွေ လာကြစမ်း!… ဒီကောင်လေးကို လာခေါ်… စိတ်မရှိပါနဲ့ဆရာ… ကျွန်တော်ပြောတဲ့ မူဆေးဝါးဖြတ်ထားတဲ့ လူနာပါ''
''ရှင်မဟုတ်တာတွေ မပြောနဲ့ ရဲအရာရှိကြီး သူတို့က လူသတ်သမားတွေပါ ကျွန်မတို့အားလုံးကို သူတို့သတ်ကြတော့မယ် ကျွန်မသူငယ်ချင်းတွေကိုလည်း ရက်ရက်စက်စက်သတ်ထားကြတယ် သူတို့လိမ်နေတာ အခုပြောနေတဲ့ တစ်ယောက်က သူတို့ရဲ့ ရက်စက်မှု့တွေက်ို တွေ့ပြီး သွေးပျက်နေတာပါ… သူပြောသလို မူယစ်ဆေးဝါးဖြတ်ထားမဟုတ်ပါဘူး''
''ဟင်!… ''
''ဟေ့လူ!… ခင်… ခင်ဗျား''
''ကောင်မလေး မင်းပြောနေတာအမှန်တွေပဲလား''
''အမှန်တွေပါ ကျွန်မကိုယ်တ်ိုင် ရဲဌာကိုဖုန်းဆက်အကြောင်းကြားခဲ့တာ''
ခါးကြားမှ သေနတ်ဆီသို့ လက်မှန်းရောက်ရှိစေပြီး မိမိ၏နံဘေး၌ရှိနေသော ဒေါက်တာသန်းနိုင်အောင်အား ကိုထိန်ဝင်းတစ်ယောက် စိုက်ကြည့်မိသည်။ ဒေါက်တာသန်းနိုင်၏ိံ အမူယာများ ပျက်လင့်ကစား သူ၏ခေါ်သံကြားလိုက်သည်နှင့် လူငယ်နှစ်ဦး၏အနောက်သို့ လိုက်ပါလာခဲ့သော လူသတ်သမားအပါအဝင် ဆေးရုံရှိ ယူနီးဖောင်းဝတ်စုံနှင့် လူသတ်သမားတစ်ယောက်သည်လည်း ထပ်မံရောက်ရှိလာစေသည်။
ပထမအထပ်မှ တန်ခိုးအား စောင့်ကြည့်နေကြသော လူသတ်ဆရာဝန်နှစ်ဦးအနက် တစ်ဦးမှာမူ မြေညီထပ်ဆီသ်ု့ ဆင်းသတ်လာချေသည်။ ထို့နောက် မြေညီထပ်ဆီမှ စကားသံတစ်ချို့အား ကြားလိုက်ရသည်ကြောင့် မမြင်ကွယ်ရာမှ ပုန်းခိုနားစွင့်နေလိုက်သည်။ သိရှိသွားခဲ့၏။ ဒေါက်တာသန်းနိုင်နှင့် ရဲအရာရှိကြီးတို့၏ အခြေနေများ။ ထို့ကြောင့် ပထမအထပ်ဆီသို့ အပြေးပြန်လည် တတ်ရောက်စေရင်း တစ်ခုတည်းသော ဖွင့်လစ်ထားသည့် ပြတင်းပေါက်မှ အောက်သို့ ခုန်ချသွားခဲ့သည်။
တည်ငြိမ်လှသော စကားများ၌ ထိတ်လန့်စိတ်များရောနှောခဲ့သော မျှားကလေး၏ စကားတို့ကြောင့် ကိုထိန်ဝင်းမှာမူ သေနတ်အိတ်အတွင်းမှ သေနတ်အား စတင်ထုတ်ယူလေပြီဖြစ်သည်။ လူသတ်သမားနှစ်ဦးသည်လည်း ကိုထိန်ဝင်းအနားသို့ လက်နတ်များကိုင်ဆောင်စေရင်း ဖြေးညင်းစွာကပ်လှမ်းလာချေခဲ့သည်။ ဒေါက်တာသန်းနိုင်သည်လည်း အနောက်သို့တလှမ်းဆုတ်စေရင်း သူ၏တပည့်များအား အချက်ပြစေတော့သည်။
အရှေ့မှ လူသတ်သမားတစ်ဦး မိမိနှင့် လူငယ်များရှိနေသည့် အနားသို့ အပြေးရောက်ရှိလာခဲ့သည်ကြောင့် ကိုထိန်ဝင်းမှာမူ ခါးကြားမှ သေနတ်အား လျင်မြန်စွာထုတ်ယူစေရင်း ဘယ်ဘက်ပေါင်သို့ ပစ်ချလိုက်ချေသည်။ ထို့နောက် နံဘေး၌ရှိနေသော ဒေါက်တာသန်းနိုင်အား သေနတ်ဖြင့်ချိန်ဆထားခါ လူသတ်သမားတစ်ဦး မိမိ၏အနားသို့ ထပ်မံမရောက်ရှိလာစေနိုင်ရန် ဟန့်တား ထားခဲ့ချေသည်။
''ခင်ဗျားတို့အားလုံး တစ်ယောက်မှ မလှုပ်နဲ့!… အေးအေးဆေးဆေး အဖမ်းခံကြ… ဟေ့လူ ကြမ်းပြင်မှာမှောက်နေစမ်း''
သေနတ်ဖြင့်ချိန်ဆထားသည်။ အမှန်တကယ်ပင်လျင် ကိုထိန်ဝင်းတစ်ယောက် ပစ်ခတ်သည်ဟု မြင်တွေ့ထားရသည်ကြောင့် ဒေါက်တာသန်းနိုင်နှင့်အတူ လူသတ်သမားတစ်ဦးသည်လည်း ကြမ်းပြင်ပေါ်၌ လက်နတ်ချခါ ဝပ်နေခဲ့ရသည်။ လူငယ်နှစ်ဦးအား မိမိ၏အနား၌ ကပ်လျက်ရှိနေစေရင်း ထွက်ပေါက်ဆီသို့ နောက်ဆုတ်လျက် လူသတ်သမားများအားလည်း သေနတ်ဖြင့်ချိန်ဆထားသေးသည်။
လူငယ်နှစ်ဦးအား အကာကွယ်ပေးနေခါ လူသတ်သမားများ လိုက်ပါမလာနိုင်ရန် သေနတ်ဖြင့်ချိန်ဆထားခဲ့ရင်း ထွက်ပေါက်အဝသို့ နောက်ဆုတ်လျက် ဖြေးညင်းစွာရောက်ရှိလာခဲ့ချေသည်။
''ဆရာ!… အနောက်မှာ''
''အား!…''
အပေါက်ဝဆီသို့ နောက်ဆုတ်လျက် ရောက်ရှိလာခဲ့သော ကိုထိန်ဝင်းအား ပထမအထပ်ပြတင်းပေါက်မှ အောက်သို့ခုန်ချသွားသည့် လူသတ်သမားတစ်ဦးမှာ ထွက်ပေါက်နံဘေးတွင် ပုန်းခိုခါ အသင့်စောင့်နေခဲ့သည်။ ကြမ်းပြင်ပေါ်သို့ မှောက်နေခဲ့ကြသော လူသတ်သမားများ လိုက်ပါမလာနိုင်ရန် သေနတ်ဖြင့်ချိန်ဆထားခဲ့ရင်း နောက်ဆုတ်လျက် အပေါက်ဝဆီသို့ရောက်ရှိလာခဲ့သော ကိုထိန်ဝင်းအား ထိုလူသတ်သမား၏ အလစ်ရိုက်နှပ်ခြင်းခံလိုက်ရလေသည်။ အားဟူသော အသံတစ်ခုတည်းနှင့်အတူ ကိုထိန်ဝင်းတစ်ယောက် အရှေ့သို့ ငိုက်စိုက်ချသွားခဲ့၏။ သူ၏ နောက်စေ့တွင်မူ လူသတ်ပုဆိန် စိုက်ဝင်သွားခဲ့ပြီး ပွဲချင်းပြီးသာလျင် အပေါက်ဝ၌ သေဆုံးသွားခဲံ့ရတော့သည်။
*****
*အပေါ်ဆုံးအထပ်မှ လူငယ်သုံးဦး မည်သို့ပင် တွေ့ကြုံလာရဦးမည်နည်း။
* ကြောက်ကန်ကန်ခါ ရဲရာရှိကြီးအား တိုင်ကြားပြောဆိုခဲ့ကြသည့် လူငယ်နှစ်ဦးသည်လည်း ယခုအားကိုးရာမဲ့သွားကြသည့်အခါ မည်သို့ပင် ဆက်လက်ဖြစ်လာကြဦးမည်နည်း။
* ထိုနယ်အတွင်းမှ လိုရာခရီးဆီသို့ ထွက်ခွာသွားခဲ့သော မိတ်ဆွေရဲအုပ်မောင်ဝင်းသည်လည်း ထိုနယ်လေးဆီသို့ ပြန်လည်ရောက်ရှ်ိလာခါ မိတ်ဆွေဖြစ်သူများထံသို့ မည်သို့ပင် သွားရောက်ဦးမည်နည်း။
* ထောက်ချောက်အတွင်းသို့ ကျရောက်သွားခဲ့သော လူငယ်တစ်ဦးနှင့် သူ၏ သူငယ်ချင်းဖြစ်သူများ မည်သို့ပင် ဆုံတွေ့လာမည်နည်း။
* ဆေးရုံအတွင်းမှ ထွက်ရောက်နိုင်ကြမည်လား။ မည်သူများ အသက်ရှင်လျက် ထွက်ရောက်နိူင်ကြမည်နည်း။
* အရေးကြုံတိုင်း တိုက်ဆိုင်စွာရောက်ရှိလာတတ်သော မိတ်ဆွေအစ်ကိုအောင်နှင့်လည်း ထိုဆေးရုံအတွင်း၌ မည်သို့ပင် ဆုံတွေ့လာကြဦးမည်နည်း။
… … … … အစရှိသော ဇာတ်ဝင်ခန်းများအား အပိုင်း(၁၇)တွင် ဆက်လက်ဖတ်ရှု့ပေးပါရန်…
*****
ကျန်ရှိနေသော ဇာတ်လမ်း ဆက်လက်၍ဖော်ပြပေးပါမည်။
စာရေးသူ-ထီးကလေး
(ရင်နှင့်ရင်း၍ရေးသားသည်)
No comments:
Post a Comment